طريقة عمل صينية التوست السريعة ألذ وأسرع غداء أو عشاء

249

هنعمل النهاردة وصفة من الوصفات السهلة والسريعة، وهي صينية التوست أو ممكن نسميها صينىة الإنقاذ السريع،  لانها فعلا بتنقذ في اي وقت محتاجين اكلة سريعة وتكون مكوناتها متوفرة في البيت, نقوم تحضرها وربع ساعة وتكون جاهزة للتقديم.

تعالوا نشوف مكوناتها الاول

صينية التوست

 

مكونات صينية التوست

  • حشوة الدجاج ⬇️
  • صدر دجاج مخلي
  • فلفل الوان
  • جزرة مبشورة
  • ذرة حلوة ( اختياري )
  • بصلة متوسطة
  • 2 فص ثوم مفروم
  • نص ملعقة صغيرة (ملح – فلفل اسود – بابريكا – بهارات دجاج)
  • ربع ملعقة صغيرة حبهان مطحون
  • معلقة صغيرة ريحان أو زعتر
  • الصوص الابيض ⬇️
  • كوب كريمي طهي 250 مللي

بديل كريمة الطهي

  • بشاميل خفيف
  • كوب حليب + بيضة + ملح وفلفل + 2 ملعقة جبنة – كريمي
  • كوب حليب + قشطة بتاعت وش اللبن + 2 ملعقة كبيرة جبنة كريمي
  • علبة قشطة

 طريقة تحضير صينية التوست

  • اول خطوة نقوم بتجهيز الحشوة
  • طاسة علي النار نضع بها قليل من زيت الزيتون
  • نشوح فيه بصلة متوسطة مفرومة ناعم
  • تقلبتين بس ونضيف 2 فص ثوم مفروم ناعم
  • نقلبهم مع بعض ريحة الثوم الحلوة تطلع
  • نضيف صدر دجاج مقطع مكعبات صغيرة
  • نشوحهم حتي يغير لون الدجاج ويبدأ يدخل في السوي، الدجاج مبيخدش وقت دقيقتين ونلاقيه استوي
  • نضيف عليه اي شوية خضار موجودين عندنا في البيت، ضيفت فلفل الوان متقطع مكعبات صغيرة، استعملت نص واحدة من كل نوع وجزرة مبشورة ونص كوب ذرة حلوة، لو مش متوفرة ممكن نستغني عنها
  • هنتبلهم بنص ملعقة صغيرة من الملح والفلفل الأسود والبهارات والبابريكا ورشة حبهان مطحون و معلقة صغيرة من الريحان أو الزعتر
  • نقلب كل المكونات مع بعض تتشوح قليلا ريحة التوابل الحلوة ديه تطلع، ثم نطفي النار حتي يظل الخضار مقرمش وكده الحشوة أصبحت جاهزة

ممكن نستعمل اي حشوة أخري روزبيف أو سلامي أو سوسيس أو بسطرمة …. حشوات كتير جدا تنفع مع الصينة ديه

شوفي كمان: طريقة عمل عجينة البيتزا الايطالية

  • نحضر صينية أو قالب يدخل معانا الفرن، ندهنه بسمن أو زبدة أو زيت
  • نرص فيها شرائح التوست بعد قطع الحروف
  • نرصها واحدة بجوار الأخري حتي تغطي قعدة القالب كله ثم نضع جبن شيدر أو موتزريلا
  • نضيف الحشوة توزعها تغطي بقة التوست وعليها نضع طبقة أخري من الجبن
  • واخر حاجة هنضع طبقة أخري من التوست تغطي الحشوة كلها
  • ممكن نقطع من التوست شرائح صغيرة نغطي بيها الاماكن الصغيرة من القالب أو فوق الحشوة
  • ثم نضع علي التوست كوب كبير من كريمة الطهي تغطي وش التوست كله
  • نضع علي الوش شوية من الجبن الموتزريلا
  • ندخلها فرن ساخن لمدة 15 دقيقة فقط
  • ثم نطفي الفرن ونفتح الشواية الجبن تسيح والوش يخد لون حلو

ممكن استخدام أي صوص اخر بديل لكريمة الطهي مثل

بديل كريمي الطهي

  • بشاميل خفيف
  • كوب حليب + بيضة + ملح وفلفل + 2 ملعقة جبنة – كريمي
  • كوب حليب + قشطة بتاعت وش اللبن + 2 ملعقة كبيرة جبنة كريمي
  • علبة قشطة

نطلع صينية التوست من الفرن وتقدم وهي ساخنة هتعجبكم جدا،

طبق سهل ولذيذ واهم حاجة مبيخدش وقت خالص في التحضير، وبتنجز في اي وقت محتاجين غداء او عشاء

شوفي الطريقة كاملة من الفيديو ده

جربوها هتعجبكم وبالف هنا علي قلوبكم مقدما

 

بالهنا والشفا

0/5 (0 Reviews)

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد