طريقة عمل الجلاش الحلو | بالحليب هنسقيه وباحلي طعم ومذاق مختلف هتدوقيه

5٬267

هنتعلم مع بعض النهاردة طريقة عمل الجلاش الحلو ، مبيخدش وقت ولامجهود خالص في عمايله ومن غير ما نعمل شربات ولا نحط سمن بين كل طبقة والتانية هنعمله بالحليب وهيطلع معانا أحلي جلاش ممكن تدوقوه.

طعمه مختلف و احلي بكتير جدا من اللي بالشربات عامل كده زي البغاشة بيدوب في البوق.

طريقة عمل الجلاش الحلو

يلا بينا نبتدي في شرح الوصفة بالتفصيل بس الأول نشوف المكونات اللي هنحتاجها وهي مكونات بسيطة جدا

المكونات ⬇️

  • لفة جلاش
  • 2 كوب حليب
  • كوب كريمة لباني
  • 2 كوب الا ربع سكر
  • كوب الا ربع سمن او زبدة
  • مكسرات
  • بديل الكريمة اللباني 3 أو 4 ملاعق كبيرة ممتلئة من القشطة البلدي بتاعت وش اللبن مع كوب حليب
  • ممكن نستغنا عنهم خالص ونضع 3 كوب حليب بدل 2 كوب حليب

اول حاجة هنعملها هنجهز الحليب اللي هنسقيها بيه عشان يلحق يبرد

طريقة تحضير السيرب ⬇️

  • في اناء علي النار نضع 2 كوب الا ربع من السكر
  • ثم نضع عليهم 2 كوب حليب ويفضل حليب طبيعي
  • كمية السكر ديه مظبوطة لكن طبعا ممكن نقلل الكمية لكوب ونصف ويكون السكر في الجلاش أقل أو نزود السكر يصبح 2 كوب وكده هيبقي سكرها زيادة، اعملوها زي ما تحبوا طعمها
  • واول ما يغلي الحليب نهدئ النار ونتركه 3 دقائق يغلي علي نار هادية مع التقليب من وقت للتاني حتي نضمن زوبان السكر
  • ثم نضيف عليه كوب من كريمة الحلويات أو علي سبيل المثال ممكن الكريمة اللباني أو القشطة البلدي، لمتوفر منهم نستخدمه
  • وفي حالة استخدام القشطة البلدي نضع 3 أو 4 ملاعق كبيرة ممتلئة من القشطة ونقليها جيدا في كوب من الحليب، ثم نضعه علي باقي الحليب
  • ونتركهم يغلوا مع بعض غلوة واحدة بس ونقفل عليهم علي طول
  • و ممكن تستغنوا عن الكريمة أو القشطة ونضع 3 كوب حليب بدل 2 كوب حليب
  • ثم نطفي النار، ونضع ربع ملعقة صغيرة من الفانيليا، ونتركه جانبا ونحضر صينية الجلاش

تابعي أيضاً: طريقة عمل الجلاش بالجبنة

طريقة فرد الجلاش ⬇️

  • نحتاج لفة جلاش النص كيلو من
  • نغطيها وقت الاستعمال حتي لا تصبح جافة وسهلة الكسر
  • وهنحتاج أيضا كوب من السمن او الزبدة
  • ندفيها بسيط بحيث تكون سائحة
  • ثم نحضر الصينية، وندهنها جيدا بالسمن من القعدة والجوانب
  • ونبدا في فرد ورق الجلاش
  •  نقسم ورق الجلاش الي نصفين متساوين
  • ناخذ ورقتين من النصف الأول، ونضعهم في الصينية ونرفع طرف الورق علي حرف الصينية، حتي لايخرج الحشو عنده وضعه
  • ثم نضع باقي النص الاول من ورق الجلاش بدون دهن الطبقات بالسمن
  • ثم نضع الحشوة، اي نوع من المكسرات علي سبيل المثال فسدق مطحون او بندق او لوز او سوداني، المتوفر في المنزل نستخدمه، وممكن نعملها سادة من غير وضع اي حشوة وطعمها بيكون
  • ثم ننزل أطراف الجلاش المرفوعة علي الحشوة، بحيث تغطي الحشوة في الداخل
  • ثم نكمل فرد النص التاني من لفة الجلاش بنفس الطريقة
  • وآخر ورقة من الجلاش نغطي بيها الورق كله وننزلها من أسفل ورق الجلاش كله

تقطيع الجلاش ووضع السمن ⬇️

  • نقطعها بالحجم المطلوب قطع كبيرة أو متوسطة، أهم خطوة عند التقطيع ننزل بالسكين لآخر الورق
  • ثم نبدأ في وضع السمن أو الزبدة وتكون سايحة
  • نضعها علي الوجه تغطي ورق الجلاش كلها
  • ثم نحرك الصينية حتي نضمن توزيع السمن بين طبقات الجلاش كلها
  • ونتركها لمدة 10 دقائق تتشرب من السمن

طريقة عمل الجلاش الحلو (التسوية) ⬇️

  • نسخن الفرن علي درجة متوسطة  170 تقريبا قبل وضع الصينىة بعشر دقائق علي الاقل
  • ونصع  الصينية في الرف الأوسط
  • هتاخذ من 40 ل 50 دقيقة
  •  أو اول ما نلاقي الجلاش خذ لون ذهبي من تحت ومن الجوانب نقفل الفرن ونفتح الشواية تخذ اللون الذهبي الحلو
  • نطلعها من الفرن ونسقيها بالحليب البارد علي طول
  • الجلاش بيكون سخن والحليب بارد
  • نحرك الصينية براحة عشان الحليب يتوزع في الصينة كلها
  • ونتركها لمدة 5 دقائق تتشرب من الحليب وبعدين نقدمها

طريقة التزيين والتقديم ⬇️

  • ممكن تقدموها كما هي
  • او ممكن نزينها بشوية من الفسدق المطحون او اي نوع مكسرات متوفر
  • ممكن كمان نضيف عليها رشة من الكاكاو الخام او شوية شوكولاتة مبشورة زي مايعحبكم ضيفوا عليها.

الجلاش بالطريقة ديه طعمه رائع حقيقي احلي بالكتير من اللي بنعمله بالسيرب طعم مختلف تماما

لمعرفة اي تفاصيل اكثر عن الوصفة والمكونات يمكنكم متابعة الفيديو

جربوه وبالف هنأ علي قلوبكم مقدما

بالهنا والشفا

5/5 (1 Review)

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد