وصفتنا من الاكلات الحرشة الي تفتح النفس، تتعمل في دقيقتين، البطاطس الحارة او زي ما بعض البلاد تسميها البطاطا الحارة بالكزبرة والثوم،
الطعم خطير بشوية اضافات بسيطة هنضيفها علي البطاطس ستجعل الطعم اكثر من رائع 😋❤️🔥
المكونات ⬇️
كيلو بطاطس
زيت زيتون
نصف راس ثوم
حزمة كزبرة خضراء
فلفل حار
ملح
كمون
كزبرة ناشفة
بابريكا
رشة فلفل اسود
عصير ليمون
شرائح ليمون للتزيين
👈طريقة البطاطس الحارة ⬇️⬇️
♕ملحوظة ( الاكلة ديه حتي نحصل علي طعم حلو لازم تكون البطاطس مقرمشة، وحتي نجعل البطاطس تظل مقرمشة لآخر واحدة سوف نقوم بسلقها نص سلقة، تصبح نص سوي )
*** طريقة تسوية البطاطس الحارة 👇
- نحضر البطاطس و نقطعها مكعبات متوسطة الحجم
- و نضعها في اناء عميق
- ونضيف عليها الماء و نرفعها علي النار ونتركها حتي تستوي نص سوي
- ثم نصفيها من الماء ونقوم بتحميرها ( ممكن نحمرها في الآير فراير نضع عليها رشة زيت ونتركها حتي تحمر وتصبح مقرمشة، أو نحمرها في الزيت بالطريقة التقليدية)
*** تحضير تحبيشة الثوم والكزبرة 👇
- في محضرة الطعام أو المدق ( الهون )
- نضع
- نضع الفلفل الحامي 2 او 3 حسب رغبتكم، ويفضل ان يكون الفلفل الاحمر الحار، وهو مناسب اكتر في وصفتنا
- ونضع عليهم كمية مناسبة من الثوم تقريبا 10 فصوص ثوم، وهو مكون اساسي مع البطاطس الحارة
- ثم نضع معلقة صغيرة من الملح
- و معلقة صغيرة من الكزبرة الناشفة
- ومعلقة صغيرة من البابريكا
- ثم نضع رشة بسيطة من الفلفل الاسود
- و نقوم بخلط جميع المكونات جيدا الي ان تصبح ناعمة
- ♕ملحوظة( الثوم تقريبا نصف راس او 1معلقة كبيرة من الثوم المفروم)
*** طريقة التسوية 👇
- في طاسة علي نار هادئة نضع فيها كمية مناسبة من زيت الزيتون
- ثم نضع عليه الخلطة التي تم تجهيزها سابقا ( التحبيشة)
- و نسخن تحبيشة الثوم والكزبرة والفلفل في الزيت مع مراعاة عدم تحميرها تسخين فقط حتي تظهر رائحة التوابل والفلفل
- ثم نضع عليهم البطاطس بعد تحميرها
- ونستمر في التقليب حتي تختلط البطاطس مع المكونات كلها وتتشرب من طعم الثوم وباقي المكونات
- ثم نتركها ثواني علي نار هادئة
- وفي الاخر قبل ما نطفئ مباشرة نضع حزمة من الكزبرة الخضراء بعد تقطيعها صغير
- ونضع أيضا عصير 2 ليمونة
- نقلب الكزبرة مع البطاطس والليمون تقليبة واحدة فقط ثم نطفئ النار
- الكزبرة الخضراء وعصير الليمون يقوموا بتعزيز الطعم أكثر واعطاء البطاطس طعم ومزاق طيب
*** التقديم 👇
- نضعها في طبق التقديم وهي ساخنة
- و نزين الوجه بالكزبرة الخضراء وشرائح من الليمون
- وتذوقوا احلي طعم للبطاطس الحارة
لمعرفة تفاصيل اكثر عن الوصفة يمكنكم متابعة الفيديو
جربوها هتعجبكم جدا وبالف هنا علي قلوبكم مقدما
التعليقات مغلقة.