لكل محبي الطهي والوصفات الشهية

صينية فراخ بالبطاطس بصلصة لذيذة جدا وطريقة سهلة وسريعة وطعم رائع

399

النهاردة هنعمل مع بعض وصفة خطيرة جدا طعمها رهيييب، شكلها يبان واحنا بنعملها أنها صينية فراخ بالبطاطس عادية، لكن طبعا لا،

المكونات مختلفة تماما، والطعم أيضا مختلف، وصفتنا معمولة بصلصة فيها ميكس الحلو مع الحادق وجود العسل مع الصويا صوص والصلصة الحارة ومكونات تانية، غيرت مذاق الدجاج البطاطس، جعلت طعمها أكثر من رائع.

يلا نبتدي في خطواتنا ونشوف المكونات اللي هنستعملها.

مكونات وطريقة عمل صينية فراخ بالبطاطس

المكونات:

  • 6 قطع دجاج
  • بصلة
  • 5 أو 6 حبة بطاطس متوسطة الحجم5
  • حبة جزر حجم صغير
  • 4 فصوص ثوم
  • حزمة بقدونس متوسطة
  • 2 ملعقة كبيرة زيت زيتون
  • ملعقة كبيرة زبدة
  • ملح ، فلفل اسود ، بابريكا ، زعتر

مكونات الصلصة :

  • عسل 5 ملاعق كبيرة 90 مللي
  • 3 ملاعق كبيرة ممتلئة صويا صوص
  • عصير 2 ليمونة
  • ملعقة كبيرة خل
  • 2 ملعقة كبيرة ممتلئة صلصة طماطم
  • ملعقة كبيرة مستردة
  • رشة ملح

تابعي أيضاً: طريقة عمل  شاورما دجاج وصوص الثومية الرهييييب

لمعرفة تفاصيل اكثر عن الوصفة يمكنكم متابعة الفيديو

طريقة تحضير صينية فراخ بالبطاطس

  • هنتبل قطع الدجاج، بالملح، والفلفل الأسود، البابريكا، والزعتر
  • نقلبها علي الجهة الأخري ونتبلها
  • ندعكها جيدا بالتوابل ونتركها عشر دقائق تتشرب من التتبيلة
  • هنسخن طاسة ونضع فيها 2 ملعقة كبيرة زيت زيتون او زيت نباتي، وملعقة كبيرة من الذبدة أو السمن
  • نضع فيها قطع الدجاج، ونتركها علي نار عالية من 3 : 4 دقائق، الي تحمر وتأخذ اللون الذهبي الغامق
  • نقلبها علي الجهة الأخري ونتركها حتي تحمر ويصبح  الدجاج كله لون واحد
  • نرفعها من الطاسة ونضعها في طبق جانبا
  • في نفس الطاسة هنشوح بصلة متوسطة مفرومة فرم خشن
  • نتركها علي نار متوسطة حتي تصبح طرية
  • نضع عليها بطاطس مقطعة مكعبات وجزر مقطع مكعبات
  • نشوح المكونات كلها علي نار متوسطة مدة لا تقل عن 8 دقائق مع التقليب كل فترة
  • ثم نضع عليها ملعقة كبيرة من الثوم المفروم ويكون مفروم فرم خشن او مقطع لقطع صغيرة وحزمة من البقدونس نتخلص من العروق، ونأخذ الاوراق فقط نقطعها لقطع صغيرة
  • نقلب المكونات ديه كلها مع بعضها، ونتبلها برشة بسيطة من الملح والفلفل الأسود
  • نتركها علي نار متوسطة دقيقتين فقط المكونات كلها تتشوح مع بعضها

تجهيز الصلصة

  • في طاسة نضع 5 ملاعق ممتلئة من العسل
  • نضع 3 ملاعق كبيرة ممتلئة من الصويا صوص وعليهم هنضع ملعقة كبيرة من المستردة وعصير 2 ليمونة وملعقة كبيرة من الخل
  • 2 ملعقة كبيرة ممتلئة من صلصة الطماطم ورشة ملح
  • نقلب كل المكونات مع بعضها علي نار هادئة حتي تغلي
  • نضع الصلصة علي صينىة الدجاج والبطاطس
  • توزعها علي وش الصينية كويس

لو كان قوام الصلصة ثقيل نضع عليها ملعقتين أو ثلاثة من المية

  • ندخل الصينية فرن ساخن علي درجة 200 لمدة من 30 الي 40 دقيقة
  • المكونات كلها تتسبك مع بعضها وتكمل سواها
  • ونطلعها من الفرن وتتقدم وهي ساخنة، مش محتاجة جنبها حاجة أكثر من طبق سلطة خضراء، واللي حابب يزود رز ابيض
  • ملحوظة ⬇️
    تحمير الفراخ والخضار في الاول المفروض انهم بيبقوا استوي نص سوي وبعدين ندخلهم الفرن يكملوا  تسويتهم …. لكن لو لقيتوا  أنها محتاجة تسوية اكتر ممكن نغطيها اول نص ساعة وبعدين نرفع الغطاء ونسيبها لحد ما تتحمر كويس

الفراخ مستوية كويس جدا، والبطاطس والجزر مستويين كويس وفي نفس الوقت محافظين علي شكلهم مش مهريين.

جربوها ومتأكدة أنها هتعجبكم جدا وبالف هنا علي قلوبكم مقدما.

لمعرفة تفاصيل اكثر عن الوصفة والمكونات يمكنكم متابعة الفيديو.

بالهنا والشفا

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد