وصفة انهاردة من الوصفات اللذيذة جدا هنتعلم فيها مع بعض طريقة عمل الكريب الحادق فى المنزل بدون حليب او بيض.
الكريب الحادق من الأكلات السريعة اللي كلنا بنحبها وخصوصا ولادنا في أوقات الدراسة وأوقات الامتحانات ويعتبر الكريب المالح من الاكلات السهلة اللي ممكن نعملها لهم في اي وقت.
هنعمل الكريب الحادق بتاع المحلات اللي من غير بيض ولا حليب.
جربت طرق كتير جدا حطيت بيض وحليب لكن نتيجته مكنتش مرضية بالنسبة ليا كان طري زيادة عن اللزوم مكنش واخد القرمشة الحلوة اللي بنحبها في الكريب.
إضافة الحليب والبيض بتكون افضل في الكريب الحلو لكن الكريب المالح كانت ديه افضل طريقة جربتها وحبيت اشاركها معاكم.
هنعمل كمان معاه حشوة فراخ بطريقة لذيذة جدا ( فاهيتا الدجاج ).
فيما يلي سنوضح بالتفصيل طريقة عمل الكريب الحادق في البيت زي المحلات واحلي كمان وبمكونات بسيطة جدا بدون بيض أو حليب.
مكونات الكريب الحادق ⬇️
- 3 كوب دقيق
- ملعقة صغيرة سكر
- نص ملعقة صغيرة ملح
- 2 ملعقة كبيرة سمن او زبدة أو زيت
- 3 كوب ونصف ماء
طريقة تحضير الكريب الحادق
- في بولة عميقة نضع 3 كوب دقيق
- نضيف عليه ملعقة صغيرة سكر ونصف ملعقة صغيرة ملح ونخلطهم جيدا
- ثم نضيف عليهم الماء، نضيف 3 كوب في الاول ونضع نص كوب جانبا وهنزود الماء علي حسب احتياج العجينة.
- نخلط جيدا بالمضرب السلك أو ممكن نستعمل الخلاط. إذا احتاجت العجينة للماء نضيف النص كوب او اقل او اكثر حتي نحصل علي قوام ناعم وكريمي وخفيف.
- نضيف 2 ملعقة كبيرة من الزبدة أو السمن وممكن إضافة الزيت لكن الزبدة أو السمن بتعطي مزاق اطيب للعجينة.
- نخلط المكونات جيدا ثم نصفيها حتي نضمن عدم وجود تكتلات ويصبح القوام ناعم ثم نغطيها ونتركها ترتاح عشر دقائق
- نحضر طاسة بحجم الكريب المناسب ليكم ونضعها علي النار تصبح دافئة فقط وليست ساخنة ثم نضغ فيها مقدار مناسب من الخليط بحيث تكون طبقة خفيفة
- نرفعها علي نار متوسطة واول ما نلاقيها عملت فقاعات والأطراف انفصلت من الجوانب نقلبها علي الناحية الثانية براحة جدا ونحركها براحة حتي تأخذ لون حلو من أسفل وتستوي من الداخل
- نضعها علي فوطة ونغطيها جيدا حتي تظل طرية
- نكمل تسوية الكريب كله بنفس الطريقة
الكريب بالطريقة ديه بيكون زي بتاع المحلات بالظبط طري جدا وسمكه كويس ومش بيتقطع واحنا بنستعمله و يسهل حشوه، وتنيه با اي شكل نفضله وعند تحميصه بعد الحشو يصبح مقرمش من الخارج وطري من الداخل
طريقة الحصول علي افضل نتيجة لعجينة الكريب الحادق
- خلط المكونات جيدا وتصفيتها من اي كتل
- اختيار طاسة غير لاصقة
- عند وضع الخليط فيوالطاسة تكون دافئة وليست ساخنة
- عند وضع الخليط نبعد الطاسة عن النار
- وضع الخليط في منتصف الطاسة وتحريكها براحة ليوزع في كل الطاسة ثم وضعها علي نار متوسطة
- عدم التقليب المستمر حتي لا تتقطع العجينة
- عدم تركها علي النار فترة طويلة حتي لا تجف
- تغطيتها جيدا بعد التسوية حتي تظل طرية
مكونات تتبيلة الفاهيتا ⬇️
- نص كيلو صدور او وراك دجاج
- 2 ملعقة كبيرة زيت زيتون
- عصير 2 ليمونة
- 2 ملعقة كبيرة صويا صوص ( اختياري )
- ملعقة صغيرة ( كمون – ملح – ثوم مجروش – بصل مجروش – بابريكا – شطة اختياري )
- فلفل الوان
- بصل
طريقة تحضير الفاهيتا
- في طبق عميق نضع 2 ملعقة كبيرة زيت زيتون
- ثم نضيف عليها عصير 2 ليمونة ونضيف 2 ملعقة كبيرة من الصويا صوص
- نضع التوابل ملعقة صغيرة من ( كمون – ملح – ثوم مجروش – بصل مجروش – بابريكا – شطة اختياري ) ونخلطهم جيدا
- نضيف عليهم الدجاج بعد تقطيعه لشرائح سمكها رفيع، نستخدم في الدجاج صدور او أوراك أو ممكن نستخدم من الاتنين، لكن الأوراك بتكون افضل لانها طرية وناعمة أكثر
- نخلطهم جيدا الدجاج يتغلف بكل التتبيلة، ولو عندكم وقت غطوهم وسيبوهم في الثلاجة شوية الدجاج يتشرب كويس من التتبيلة
- عند التسوية نضع طاسة علي النار تسخن جيدا ثم نضع فيها قطع الدجاج تأخذ صدمة
- نتركها علي نار عالية عشان متنزلش ميتها وتحتفظ بيها في الداخل وتصبح قطع الدجاج طرية
- عندما تأخذ لون من أسفل نقلبها علي الناحية الأخري تتحمر وتاخذ لسعة حلوة في الزيت
- نرفعها من الطاسة ونتركها جانبا، وفي نفس الطاسة نضع الخضار المقطع شرائح رفيعة البصل والفلفل الالوان والفلفل الحار
- نشوحهم جيدا في الطاسة حتي يخدوا لسعة الشوي الحلوة
- ثم نضيف عليهم قطع الدجاج ونقلبهم تقلبتين بس عشان نحافظ علي الخضار مقرمش
كده كل حاجة بقت جاهزة معانا الكريب استوي والحشوة كمان استوت
طريقة حشو الكريب
نبتدي دلوقتي في أكثر وقت ممتع في الموضوع وهو حشو الكريب زي ما كل واحد من أفراد الأسرة بيحبه هنحتاج لحشو الكريب اي حاجة متوفرة عندنا في البيت
واليكم اكثر الحشوات المفضلة في الكريب مع الاضافات
- حشوة الفاهيتا
- حشوة البطاطس المحمرة
- حشوة السجق
- حشوة مكس جبن
- حشوة مكس لحوم
- حشوة الدجاج الاستربس
- حشوة بسطرمة …….. وحشوات أخري كتييير جدا
والاضافات التي يمكن إضافتها مع اي حشوة
مايونيز – كاتشب – صوص حار – جبن موتزريلا وشيدر – هلابينو – فلفل رومي – طماطم – خيار مخلل – بصل شرائح – زيتون
نبتدي دلوقتى نجهز الكريب
هعمل معاكم واحدة بالدجاج
- نأخذ واحدة من الكريب نتنيها نصين ونضع عليها أي صوص بنفضل طعمه حطيت مايونيز، وعليه شوية من الجبن الموتزريلا والشيدر وممكن استعمال نوع واحد فقط من الجبن، وهنضيف عليهم قطع الدجاج او اي حشوة تفضلوها،
- حطوا منها كمية كويسة عشان الكريب ميبقش فاضي، بس طبعا تكون مناسبة لحجم الكريب عشان نعرف نقفله، ونرجع نحط تاني شوية جبن وعلي الوش كاتشاب أو صوص حار أو مايونيز ونقفله علي بعض كويس.
- ممكن استبدال الدجاج بحشوة تانية من الحشوات اللي قولنا عليها في السابق وإضافة اي إضافات عليها بتحبوا طعمها. وهنخلص حشو الكمية كلها بنفس الطريقة
- عشان تخد الطبقة المقرمشة الحلوة اللي بتبقي من بره في طاسة هنحط هنحط شوية صغيرة من الزيت
- نضع فيها واحدات الكريب جنب بعض ويكون الجزء المفتوح المتني من أسفل
- نضعها علي نار هادئة حتي تحمر وتأخذ لون ذهبي مقرمش
- نقلبها علي الجهة الأخري ونتركها حتي تحمر أيضا وتأخذ نفس اللون الذهبي الحلو وتكون مقرمشة وكرسبي من الخارج
تقدم وهي ساخنة وبالف هنا علي قلوبكم
ولمعرفة تفاصيل اكثر عن الوصفة والمكونات والتسوية يمكنكم مشاهدة الفيديو.
[…] تابعي من هنا: طريقة عمل الكريب الحادق فى المنزل […]