لكل محبي الطهي والوصفات الشهية

الرقاق باللحمة | أحلي طعم وقرمشة من غير ماتبليه في الشوربة

1٬451

صينية الرقاق باللحمة من الاكلات اللي بنحبها جدا و طعمها بيطلع خطير بس بتحتاج شوية خطوات زبادة, واحيانا نلاقيها بتفك مننا و تنكر السمن، مهما حطينا تلاقي السمنة في مش ظاهرة فيه

هعمله معاكم انهاردة بااسهل طريقة واحلي طعم ممكن تدوقوه

حرفيا هنجهزها في خمس دقائق ونسويها علي طول, هنعملها من غير مانبلها في الشوربة ولااي حاجة من الكلام ده كله وهتطلع معاكم مقرمشة من بره ومن جوه طرية كانكم بتأكلوا فطير مشلتت

يلا بينا نعمل الرقاق باللحمة مع بعض علي طول بس نشوف الاول المكونات اللي هنحتاجها

الرقاق باللحمة

مكونات الرقاق باللحمة ⬇️

  • لفة رقاق
  • لحمة مفرومة
  • بصلة متوسطة
  • فص ثوم
  • 1 حبة طماطم متوسطة الحجم
  • ملعقة صغيرة صلصة طماطم
  • سمن
  • شوربة
  • حليب
  • ملح وفلفل
  • بيكنج بودر

اول حاجة هنعملها هنجهز الحشوة

طريقة تحضير صوص اللحم المفروم ⬇️

  •   طاسة علي النار من غير سمن ولا زيت ولا اي حاجة نتركها تسخن
  • ثم ننزل فيها باللحمة المفرومة ولا نقلب في الاول نتركها تأخذ صدمة وتحتفظ بكل السوائل
  • كمية اللحمة اللي هنستعملها زي ما يعجبكم انا استعملت نص كيلو
  • اول ما نلاقي اللحمة خدت لون من تحتها ومن علي الوش لونها بدا يغير نقلب فيها لحد ما تتشوح جيدا وتصبح كلها لون واحد وتنزل دهونها وميكونش فيها اي سوائل
  • نضيف عليها بصلة متوسطة مفرومة وفص واحد فقط من الثوم هنفرمه ناعم ونضيفه عليها وهنتبلها بنص ملعقة صغيرة من الملح والفلفل
  • مش هنضيغ عليها اي توابل تاني، حتي لا نغير طعم اللحمة ونقلب المكونات كله مع بعضها  البصل يتشوح وريحة الثوم الحلوة تطلع
  • نضيف 1حبة طماطم نبشرها ونضيفها عليهم وملعقة صغيرة من صلصة الطماطم وربع كوب من الماء
  • نقلب كله مع بعضه ونظبط طعم الملح ونغطيها ونهدي عليها ونتركها المكونات كلها تستوي مع بعضها
  • كده خلاص عصاج اللحم بقي جاهز نتركها جانبا ونكمل وضع طبقات الجلاش
  • هنسيبها بقي علي جنب

توزيع طبقات الرقاق الطري⬇️

  • نحضر تقريبا نص كيلو من الرقاق الطري حوالي 8 ورقات ٤ من تحت و٤ من فوق
  • لو الورق كان سميك بنضع 7 فقط
  • نحضر صينية مناسبة لمقاس ورق الرقاق وندهنها بالسمن من القاعدة والجوانب
  • ونحضر طبق عميق بها 2 أو 3 ملاعق كبيرة ممتلئة من السمن لدهن كل الرقاق
  • نحط اول ورقة من الرقاق زي ما هي كده مش هنبلها في الشوربة ولا اي حاجة
  • ونجعل طرف اول ورقتين لاعلي علي حرف الصينية حتي يحتفظ بالحشوة عند وضعها
  • وندهن كل ورقة نضعها بالسمن جيدا من القعدة والجوانب
  • كل ما نضع ورقة نفردها في الصينية كويس وندهنها بالسمن وخصوصا الأطراف بتاعتها لحد ما نخلص اول اربع ورقات
  • ثم نضع عليهم الحشوة ونفردها كويس اوي ونكمل ال ٤ ورقات التانين بنفس الطريقة وندهنهم برضه بالسمن كويس لحد ما نوصل لاخر ورقة
  • نحاول نخلي اخر ورقة تبقي اكبر ورقة عشان ننزلها من الجوانب تلم الورق كله بالشكل ده
  • وبعدين نضغط علي الرقاق براحة عشان يبقي مفرود في الصينية كويس وهندهن ايضا اخر ورقة
  • لابد من دهن ورقات الرقاق جيدا بالسمن من القعدة والأطراف وكل ورقة نضعها ندهنها جيدا حتي ننتهي من كمية الورق كلها
  • وبسكينة حامية عشان منبهدلش الورق نقطعه بالشكل المفضل ليكم، مربعات او مثلثات زي ما انتم عايزين
  • نترك الصينية جانبا ونجهز الخليط اللي هنسقيه بيها

طريقة تحضير التشريبة ⬇️

  • نحتاج كوب الا ربع من الشوربة الساخنة
  • نص كوب من الحليب ايضا يكون ساخن
  • معلقة صغيرة من البيكنج البودر، بتجعل الرقاق مورق وجميل جدا
  • نقلب الخليط جيدا وظبطوا الملح لو محتاج ونسقي بيه الرقاق
  • واذا لقيتوا الرقاق محتاج ممكن تزودا ربع كوب زيادة من الحليب أو الشوربة
  • حركوا الصينية براحة عشان الخليط يتوزع فيها كلها
  • وآخر خطوة نضع معلقة كبيرة من القشطة قلبتها جيدا حتي تصبح خفيفة ودهنت بيها الوجه كله
  • القشطة بتعطي طعم ولون حلو للرقاق
  • لو مش متوفر قشطة ممكن نزود معلقة او اتنين من السمن اللي اتبقت مع الشوربة والحليب قبل ما تسقوا بيها صينية الرقاق
  •  الصينية بقت جاهزة علي التسوية

طريقة تسوية الرقاق باللحمة ⬇️

  • ندخلها فرن ساخن مسبقا علي اعلي درجة
  •  ممكن تأخذ من ٣٠ ل ٤٠ دقيقة حسب كل فرن
  • او الي نجد الرقاق استوي وخد لون ذهبي حلو من تحت ومن الجوانب
  • نقفل الفرن ونفتح عليه الشواية يخد حلو اوي من علي الوجه
  • نطلعه ونقدمه وهو سخن
  • نعيد علي التقطيع تاني
  • ومن الجوانب براحة كده نفصلها عن طرف الصينية

تابعي أيضا: طريقة عمل الأرز المبهر باللحمة والخضار والنكهات الأسيوية

شكل الرقاق باللحمة رائع مقرمش من فوق ومن تحت، ومن جوه طري وطعمه رائع

جربوها ومتأكدة انها هتعجبكم بالطريقة ديه جدا

ولمعرفة تفاصيل اكثر عن الوصفة والمكونات يمكنكم متابعة الفيديو

وبالف هنا علي قلوبكم مقدما

بالهنا والشفا

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد