طريقة عمل عجينة البيتزا الايطالية البيتزا من الذ وأطعم الاكلات وخصوصا البيتزا الايطالية، طريقتها سهلة جدا ومكوناتها بسيطة ومتوفرة في كل بيت، وطريقة تحضيرها بسيطة، هعملها معاكم انهاردة بكل تفاصيلها، وهنشوف ازاي العجينة تكون طرية وناعمة وفي نفس الوقت البيتزا تطلع هشة.
الطريقة الأصلية لتحضير البيتزا الايطالية، عجنها قبلها بيوم وتخميرها في مكان بارد تخمير بطئ جدا تخمير ذاتي.
في موضوعنا انهاردة هنتعلم طريقة عمل عجينة البيتزا الايطالية هنعملها ونسويها في نفس اليوم وهتكون برضه بطعم البيتزا الأصلية.
المكونات اللي هنحتاجها لعمل البيتزا
مكونات عجينة البيتزا الايطالية ⬇️
- كيلو دقيق 1000 جرام
- 3 كوب ماء 700 مللي
- ملعقة كبيرة خميرة
- نص ملعقة صغيرة سكر
- ملعقة صغيرة ملح
- 2 ملعقة كبيرة ممتلئة زيت زيتون
صوص الطماطم ⬇️
- طماطم
- سكر
- ملح
- بودرة ثوم
- زعتر
- ريحان احضر أو مجفف
- زيت زيتون
طريقة عمل عجينة البيتزا الايطالية ⬇️
- اول خطوة هنعملها هنجهز الخميرة، كوب ماء دافئ هنضيف عليه ملعقة كبيرة خميرة ونص ملعقة صغيرة سكر، نخلطهم جيدا وتغطي وتترك 5 دقائق الخميرة تتفاعل
- في العجان أو في طبق عميق، نضع كيلو من الدقيق، يفضل استخدام دقيق نسبة البروتين به عالية، لو مش متوفر ممكن نستخدم دقيق مخبوزات أو دقيق متعدد الاستخدامات
- نضع علي الدقيق ملعقة صغيرة ملح، نخلطهم جيدا
- نضيف عليهم الخميرة بعد ماتفاعلت
- هنحتاج 2 كوب ماء بحرارة الغرفة نضيفهم واحنا بنعجن علي حسب احتياج العجينة، ممكن تخد كمية الماء كلها أو اقل
- وعليهم هنضيف 2 ملعقة كبيرة ممتلئة زيت زيتون
- هنعجن المكونات كلها علي سرعة متوسطة
- لو بنعجن بأيدينا هتخد معانا وقت أطول شوية من 8 ل 10 دقائق
- نمسح أيدينا بقليل من الزيت ونلم العجينة كلها
تابعي من هنا: طريقة عمل الكريب الحادق فى المنزل
القوام المظبوط العجينة طرية وناعمة وبتلزق بسيط
- مش كل ما نلاقيها بتلزق نزود دقيق هتنشف والعجبنة هتبقي قاسية
- نضع العجينة علي سطح مرشوش عليه دقيق سميد ونلم العجينة كلها الي أن تصبح ناعمة
- نضعها في بولة عميقة ممسوحة بالزيت ونغطيها ونضعها في مكان دافئ حتي يتضاعف حجمها.
تحضير صلصة البيتزا
مكونات صلصة البيتزا : –
- طماطم – سكر – ملح – ثوم بودر – زعتر – ريحان اخضر او مجفف – زيت زيتون.
- نقوم بغسل الطماطم جيدا
- نقطع الجزء الاخضر في اعلي الطماطم
- من أسفل الطماطم وبالسكينة هنعمل شق بسيط من علي الوش
- نضع عليها ماء ساخن ونتركها خمس دقائق
- نقشرها ونضعها في اناء علي نار هادئة حتي تتسبك وتتخلص من ميتها
- نقوم بهرسها بشوكة أو بهراسة البطاطس حتي تصبح ناعمة
- ثم نضيف عليها: طماطم – سكر – ملح – ثوم بودر – زعتر – ريحان اخضر او مجفف – زيت زيتون
- نخلط المكونات كلها جيدا ونظبط الطعم وبكده تكون صلصة البيتزا جاهزة.
بعد تضاعف حجم العجينة، نخرج من الهواء ونضعها علي سطح مرشوش بقليل من الدقيق و نقسمها بالحجم المطلوب الي كور، مثلا الصينة مقاس 30 تاخد عجينة وزن 400 جرام، لو عايزين سمكها ارفع نقلل الوزن
خطوات تحضير البيتزا
- ندهن الصينية بقليل من الزيت ونضع عليها رشة من دقيق السميد
- نضع كورة من العجينة ونضعها في منتصف الصينة
- نفردها بالضغط عليها برفق، ونفرد من المنتصف للأطراف
- واحنا بنفردها لو لقينا العجينة بتمط وكل ما نفردها ترجع تاني سيبوها ترتاح زي ما هي 5 دقائق بس وارجعوا كملوا فرد هتتفرد بسهولة
- ونجعل الطرف اعلي قليلا من البيتزا
- وبالشوكة نعمل فيها أخرام في منتصف الصينة
- نضع عليها كمية مناسبة من صوص الطماطم تغطي منتصف الصينة ولا تصل للأطراف
- ثم ندخلها فرن ساخن مسبقا علي اعلي درجة حرارة في الرف الاوسط، تستوي تلت تربع سوي، القعدة تاخذ لون حلو والاطراف تأخذ لون ذهبي فاتح
- نطلعها من الفرن ونضع عليها جبنة شيدر أو موتزريلا، وعليها نضع الحشوة المفضلة، ممكن استعمال سلامي أو تونة أو فاهيتا الدجاج او بسطرمة …..
- وممكن وضع فلفل رومي وزيتون وبصل شرائح ثم نضع علي الوجه كمية مناسبة من الجبن الموتزريلا
- وتدخل الفرن مرة أخري، لكن تحت الشواية لمدة من 4 ل 5 دقائق الجبنة تسيح والوش يخد لون حلو.
- بعد خروج البيتزا من الفرن تدهن الأطراف بزيت زيتون او زبدة سائحة
تحضير بيتزا مارجريتا
- ندهن الصينية بقليل من الزيت
- نرش الوجه برشة خفيفة من دقيق السميد
- ثم نضع بها العجينة، ونفردها من المنتصف للأطراف
- وبالشوكة نعمل بها أخرام خفيفة
- ثم نضعها في فرن ساخن علي اعلي درجة حرارة لمدة من 10 ل 15 دقيقة حتي تأخذ لون تحمير من أسفل ومن علي الوش تأخذ لون ذهبي خفيف
- نطلعها من الفرن ونضعها عليها كمية مناسبة من الجبن موتزريلا وشيدر واي نوع جبنة أخري بتسيح وطعمها حلو
- نضع عليها ريحان اخضر ليعطيها مزاق اطيب
- وتدخل مرة أخري الفرن تحت الشواية فقط من 4 ل 5 دقائق
- بعد خروج البيتزا من الفرن تدهن الأطراف بزيت زيتون او زبدة سائحة
وتقدم وهي ساخنة بمجرد خروجها من الفرن
• اسرار نجاح البيتزا
- تسخين الفرن علي اعلي درجة حرارة قبل وضع الصينى بها بوقت كافي
- يفضل استخدام دقيق نسبة البروتين به عالية أو استخدام دقيق مخصوص المخبوزات
- استخدام زيت زيتون ليعطي البيتزا مزاق اطيب
- استعمل ريحان طازج اخضر ليعطيها مزاق مميز وطعم رائع
- عجينة البيتزا بتكون طرية وبتلزق بسيط، مش كل ما نلاقيها بتلزق نزود دقيق هتنشف وتصبح العجينة قاسية
- واحنا بنفردها لو لقينا العجينة بتمط وكل ما نفردها ترجع تاني سيبوها ترتاح زي ما هي 5 دقائق بس وارجعوا كملوا فرد هتتفرد بسهولة.
• طريقة التخمير البطئ ( التخمير الذاتي )
- التخمير البطئ هو الطريقة الأصلية للبيتزا
- نضع كوب ماء دافئ مع نص ملعقة صغيرة سكر مع نص ملعقة فقط خميرة، وده الفرق بين البيتزا اللي تخمر سريعا أو ببطء كمية الخميرة
- نضع الدقيق في العجان وعليه ملعقة صغيرة ملح وملعقتين من زيت الزيتون وكوب الماء بالخميرة
- وهنحتاج 2 كوب ماء نضفهم بالتدريج حسب احتياج العجينة
- نقسمها الي كده كور ونضعها علي صينية مرشوشة بكمية وفيرة من الدقيق
- نغطيها كويس جدا
- نضعها في الثلاجة لمدة 24 ساعة
- نطلعها من الثلاجة وتستخدمها كالسابق
طعم البيتزا بالتخمير البطئ بيكون اطعم والذ بكتير من التخمير السربع، لو عندكم وقت اعملوها بالطريقة ديه.
• وكده خلاص البيتزا بقت جاهزة للتقديم، البيتزا بالطريقة ديه بتكون هشة وطرية وخفيفة جدا، والجبنة كمان بتكون سائحة وطرية وواخدة لون حلو وفيها المطة الحلوة الجبنة مش ناشفة وعاملة زي الكوتش
طعمها رائع جربوها ومتأكدة أنها هتعجبكم جدا
لمعلومات اكثر عن طريقة التحضير والتسوية يمكنم متابعة الفيديو.
[…] شوفي كمان: طريقة عمل عجينة البيتزا الايطالية […]