طريقة عمل الأرز المبهر باللحمة والخضار والنكهات الأسيوية

وصفتنا النهاردة هنعمل أسرع وأسهل واخف وجبة غذاء ممكن تعملوها، هنعمل الأرز بالنكهات الأسيوية، طعمه أكثر من رائع

مع شوية مكونات بسيطة هنضيفها عليه هتحوله من ارز عادي لوجبة ارز متكاملة فيها البروتين والخضار والنشويات.

هنضيف عليهم أيضا شوية نكهات بسيطة تعطي له طعم ومذاق مميز جدا واهم حاجة في الوصفة دي أنها تعتبر صحية وخفيفة جدا لا تحتوي علي دهون كتيرة

وايضا هنعمل الوصفة كلها في حلة واحدة، ديه من الحاجات اللي احنا بنفضلها دائما اننا لا نستخدم حلل وأدوات كتيرة

وايضا من مميزات وصفتنا أنها تتعمل في وقت قياسي يلا بينا نبتدي في شرح الوصفة بالتفصيل بس الأول نشوف المكونات اللي هنحتاجها

مكونات الأرز بالنكهات الأسيوية ⬇️

• نصف كيلو من اللحم
• 2 كوب ارز بسمتي أو أرز مصري
• 2 كوب بسلة علي جزر مجمدة
• بصلة متوسطة
• 5 فصوص من الثوم
• ربع كوب من الصويا صوص
• 3 أو 4 ملاعق كبيرة من زيت الزيتون
• ليمونة
• زنجبيل طازة او مطحون
• 2 ملعقة كبيرة عسل

تجهيز تتبيلة اللحم ⬇️

• في طبق عميق نضع نصف كيلو من اللحم الأحمر ممكن نستخدم أكثر أو أقل، وايضا ممكن استخدام الدجاج بدل من اللحم
• نقطع اللحم الي مكعبات متوسطة الحجم حتي يسهل تسويتها
• ونضيف عليهم 4 أو 5 فصوص من الثوم المفروم ناعم
• وقطعة صغيرة من الزنجبيل نفرمها أيضا فرم ناعم
• في حالة عدم توفر زنجبيل طازة، ممكن نستعمل الزنجبيل البودر نضع منه نص ملعقة صغيرة
• وربع كوب من الصويا صوص
• و 2 ملعقة كبيرة ممتلئة من العسل
• وعصير ليمونة كبيرة او اتنين صغيرين
• وآخر حاجة نضيف عليهم 3 او ٤ معالق كبار من زيت الزيتون
• نخلط كل المكونات مع بعضها جيدا،  ونغطيها ونتركها في الثلاجة نص ساعة تتشرب من التتبيلة، لو عندكم وقت ممكن نتركها في التتبيلة وقت أطول تتشرب من التتبيلة

طريقة تسوية الأرز بالنكهات الأسيوية ⬇️

• نضع طاسة عميقة أو حلة عميقة علي النار
• نتركها تسخن جيدا
• ثم ننزل فيها بمكعبات اللحم والتتبيلة لكي تأخذ صدمة
• ونتركها علي نار عالية الي أن يتغير لونها وتصبح  كلها لون واحد
• نغطيها ونتركها علي نار هادئة حتي تستوي تماما
• لو احتاجت شوية ميه ممكن نزود ربع كوب من الماء الساخن الي أن نتأكد من أنها استوت جيدا، واتشربت ميتها
• ثم نضيف عليهم بصلة متوسطة مفرومة ناعم
• نقلبها بس تقلبتين تتشوح معاهم
•  ثم نضيف عليهم كوب ونص او 2 كوب من الارز البسمتي او ممكن نستعمل الارز المصري
•  نغسل الارز جيدا حتي يصبح لون الماء شفاف، ثم نصفيه من الماء ونضيفها مباشرة
• ونقلب الارز حتي  يتشوح جيدا وياخذ من طعم  النكهات اللي ضيفناها
• خطوة تشويح الارز ديه مهمة جدا وبتفرق في طعم الارز وتسويته
• يعني متزهقوش وسيبوه يتشوح جيدا
• ثم نضيف عليهم كوب ونصف او 2 كوب من البسلة والجزر المجمدين
• في حالة أن البسلة والجزر طازة نضعهم في اناء منفصل نخدهم غلوة واحدة الاول حتي يصبحوا نص سوي ثم نضيفهم يكملوا تسويتهم مع الارز ونقلبهم ايضا يتشوحوا شوية مع الارز وبقية المكونات

تابعي أيضا: طريقة عمل الرز المبهر بالدجاج

• اخر حاجة هنضيفها هي الشوربة أو في حالة عدم توفر شوربة لحم ممكن اضافة الماء الساخن مع مكعب من مرقة اللحم
• كل كوب من الارز البسمتي يأخذ تقريبا كوب وربع من الماء الساخن او الشوربة الساخنة
• نظبط طعم الملح إذ احتاجت قليل من الملح مع مراعاة أن الصويا صوص مالحة والشوربة أيضا بها ملح
• ونضيف أيضا واحد او اتنين من الفلفل الحار، نعمل فيهم شق بسيط عشان بس يطلع ريحته
• ولتسوية افضل للأرز حتي لا يعجن
• نضيف في الاول علي كل  2 كوب ارز بسمتي 2 كوب وربع من الماء او الشوربة الساخنة
• ونتركه علي نار عالية الي أن يغلي ويتشرب شوية من ميته
• ثم نقلبه تقليبة واحدة ونغطيها و نتركها علي نار هادئة تقريبا 20 دقيقة
• اذا لقينا الارز محتاج ماء ممكن نزود ملعقة او معلقتين كمان من الميه السخنة
• أو حتي ربع كوب حسب ما يكون محتاج ماء اد ايه عشان يكمل سواه
• وديه افضل طريقة عشان الرز يطلع مفلفل بلاش تحطوا في الاول كمية ميه كبيرة عشان الرز ميعجنش منكم
• الارز البسمتي ليكمل سواه علي بخار الماء الساخن
• ثم نطفئ عليه

ونقدمه وهو ساخن، ونزين الوجه بالكسبره الخضراء بتعطي طعم رائع مع الارز

وايضا نزين الوجه برشة من السمسم م

مكن كمان قبل ما تقفلوا عليه علي طول تضيفوا نص كوب من الكسبرة الخضراء بتعطي طعم ومذاق مميز رائع للارز

وصفة لذيذة جدا

اللحمة فيها مستوية جيدا وتقريبا دايبة علي الاخر  وطعمها أكثر من رائع

اللحم والارز شاربيين من كل النكهات الحلوة اللي حطناها

ولمعرفة تفاصيل اكثر عن الوصفة والمكونات يمكنكم متابعة الفيديو

وصفة لذيذة جدا جربوها هتعجبكم جدا وبالف هنا علي قلوبكم مقدما