لكل محبي الطهي والوصفات الشهية

كفتة البطاطس المقرمشة مش هتفك منك تاني وبمكونات بسيطة جدا

576

وصفتنا النهاردة من الوصفات الموفرة و الاقتصادية واللذيذة جدا،  هنعمل كفتة البطاطس المقرمشة بمكونات بسيطة بتعمل معانا كمية كبيرة وممكن نحتفظ بجزء منها في الفريزر ينفع في وقت تاني

هنعملها بالطريقة الصح والمظبوطة جدا اللي تخليها محافظة علي شكلها ومقرمشة ومتفكش في الزيت

والطبق يعتبر من الأطباق اللي طعمها وشكلها حلو اوي علي السفرة وفي اي عزومة أو في لمة العيلة يشرفك علي سفرتك.

كفتة البطاطس

يلا بينا نبتدي في شرح الوصفة بالتفصيل بس الأول نشوف المكونات اللي هنحتاجها ⬇️

مكونات كفتة البطاطس ⬇️

  • كيلو بطاطس
  • نص كيلو لحمة مفرومة ( ممكن أكثر أو أقل )
  • نصف حزمة بقدونس (الورق فقط )
  • 2 حبة جزر
  • ملح وفلفل وكسبرة ناشفة وبابريكا وكاري ورشة جوزة الطيب

طريقة تحضير البطاطس ⬇️

  • اول حاجة هنعملها هنسلق البطاطس
  • في حلة  عميقة نضع البطاطس بعد غسلها جيدا، ثم نضع عليها وحطيت عليها ماء ساخن بحيث يكون مغطي البطاطس
  • نسلقها كما هي بقشرها حتي لا تتشرب كمية كبيرة من الماء
  • نتركها علي النار حتي تسلق مع الحفاظ عليها متماسكة غير مهرية
  • ثم نصفيها ونتركها تهدأ جانبا ونحضر حشوة اللحم

طريقة تحضير حشوة اللحم ⬇️

  • طاسة علي النار تسخن جيدا وننزل عليها بنص كيلو من اللحمة المفرومة ممكن تستعملوا أكثر أو أقل زي ماتحبوا
  • يعني ممكن بربع كيلو لحمة مفرومة نعمل الوصفة ديه
  • نفردها في الطاسة ونسيبها علي نار عالية في الاول خالص لحد ما نلاقي لونها بدأ يغير نقلبها لحد ماتفك وتخد كلها لون واحد
  • ثم نضيف عليها 2 بصلة مفرومة ناعم أو بصلة واحدة كبيرة
  • نقلب اللحمة مع البصل يتشوحوا خفيف
  • ثم نضيف عليهم فص ثوم واحد بس مفروم ناعم بيعطي اللحمة مذاق رائع
  • نشوحهم مع بعض ريحة الثوم الحلوة ديه تطلع
  • ونتبلهم بنص ملعقة صغيرة من الملح والفلفل ورشة من جوزة الطيب
  • ظبطوا طعم الملح زي ما تحبوا، ولو حابين تحطوا اي توابل تانية زي ما يعجبكم،  انا مش بحب اضيف علي اللحمة غير ملح وفلفل عشان طعم اللحم الحلو يفضل موجود ميتغيرش من التوابل الكتير
  • وهنغطيها ونتركها علي نار هادئة الي أن تستوي وتتشرب ميتها وتبقي ناشفة مفيهش اي سوائل
  • ونسيبها علي جنب شوية تبرد

خلط البطاطس مع الحشوة ⬇️

  • البطاطس بعد ما اتسلقت واتصفت من ميتها كويس جدا
  • هي مستوية كويس لكن مش مهرية ومش شاربة ميه
  • البطاطس لو شربت ميه كتير وقت السلق بتفك في الزيت لأن بيكون جواها سوائل كتير
  • هنهرسها بشوكة او بهراسة البطاطس أو ممكن نستخدم المصفاة السلك اعملوها بالطريقة اللي تعجبكم
  • اهم حاجة تكون ناعمة ومفيهمش اي كتل
  • ثم نضيف اللحمة بعد ما تكون هديت شوية علي البطاطس
  • ثم نضيف عليهم نص حزمة من البقدونس نأخذ الورق فقط ونفرمه ناعم
  • و2 جزرة حجمهم متوسط و مبشورين ناعم
  • ثم نتبلهم بملعقة صغيرة ممتلئة من الكسبرة الناشفة
  • وملعقة صغيرة من البابريكا
  • وربع ملعقة صغيرة من الكركم
  • ورشة من جوزة الطيب
  • نخلط المكونات كلها مع بعضها جيدا حتي تتجانس وتصبح مثل العجينة
  • ثم نبدأ في تشكيلها

تشكيل كفتة البطاطس ⬇️

  • نأخذ قطعة من العجينة ونعجنها مرة أخري في اليد
  • ثم نشكلها  اصابع أو كورات علي شكل دائرة، زي  ما تحبوا
  • وعند التشكيل نضغط عليها براحة حتي تتجانس وتصبح متجانسة ولايوجد بها فراغات من الداخل
  • نشكلها بحجم متوسط مش سميكة أوي ولا رفيعة اوي تكون بسمك متوسط
  • ثم نضعها علي صينيه
  • ونضعها في الفريزر تتماسك جيدا حتي نتمكن من  التغطية بسهولة دون أن تفك

طريقة تغطية كفتة البطاطس ⬇️

  •  نحتاج للتغطية بيض عليها رشة ملح وفلفل
  • ودقيق عليه رشة بسيطة من الملح والفلفل
  • وبقسماط كرسبي أو بقسماط ناعم المتوفر منهم
  • نضعها الاول في الدقيق يغطيها جيدا
  • ثم نضعها في البيض ونصفي منها اي بيض زيادة حتي لا يعمل رغاوي وقت القلي
  • ثم نضعها في البقسماط ونغطيها جيدا مع الضغط بخفة حتي تصبح متماسكة
  • ونضعهم علي صينية مدهونة خفيف بالزيت
  • وممكن لو عندكم وقت نضعها 10 دقائق فقط في الفريزر أو الثلاجة تتماسك قليلا قبل القلي تتماسك ولا تتجمد

طريقة قلي كفتة البطاطس

  • في مقلاة عميقة نضع زيت غزير علي نار عالية ونضع فيها كفتة البطاطس
  • الزيت يكون ساخن حتي لا تفك الكفتة
  • نضع كمية قليلة من كفتة البطاطس حتي لا يبرد الزيت ويظل ساخن
  • اول ما تأخذ لون ذهبي من أسفل نقلبها علي الجهة الأخري تأخذ أيضا لون ذهبي خفيف
  • اهم حاجة عدم تركها في النار فترة طويلة حتي لاتفك،  ثواني فقط اول ماتأخذ لون ذهبي حلو نخرجها من الزيت مباشرة

نضعها على شبكة أو مصفاة وليس مناديل حتي تظل مقرمشة لمدة طويلة

تسوية البطاطس قبل التقديم مباشرة

طريقة تخزين كفتة البطاطس في الفريزر ⬇️

شاهدي أيضاً: طريقة عمل بطاطس جراتان

  • بعد تغطيتها في البيض والبقسماط
  • نضعها علي صينية مدهونة خفيف بالزيت مع ترك مسافة بين كل واحدة والاخري
  • ندخلها الفريزر حتي تتجمد تماما
  • ثم نخرجها من الفريزر ونجمعها في أكياس أو علب محكمة الغلق
  • في الحالة ديه عند وضعها فوق بعض أو بجوار بعض لن تلتصق ببعضها لان كل واحدة منهم مجمدة علي حدا
  • نخرجها من الفريزر وقت الحاجة لها ونتركها تهدأ قليلا وتصبح متماسكة وليس مجمدة
  • ثم نقليها بالطريقة السابقة

 

و لمعرفة تفاصيل اكثر عن الوصفة والمكونات يمكنكم متابعة الفيديو

طبق سهل وسريع ومكوناته بسيطة جربوه هيعجبكم جدا وبالف هنا علي قلوبكم مقدما

بالهنا والشفا

تعليق 1
  1. […] تابعي أيضاً: طريقة عمل كفتة البطاطس المقرمشة […]

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد