طريقة عمل السجق البلدي في البيت أحلي من اي عربية

783

السجق الاسكندراني أو السجق البلدي  من احلي واسهل  الاكلات المشهورة في مصر، ويعتبر اكلة شعبية يعشقها الجميع.

يعتبر السجق الاسكندراني من الاكلات الجميلة والمميزة جدا التي يمكن عملها في المنزل بكل سهولة.

السجق البلدي أو الاسكندراني يطلق عليه في بعض البلاد (النقانق)، وهو من أشهي المأكولات الممكن عملها في المنزل لضمان نظافتها، وللمحافظة أيضا علي قيمته الغذائية.

طريقة عمل السجق البلدي

يحتوي السجق علي اللحم المفروم المبهر، ويمكن طهي السجق بطرق كثيرة، وتقديمه أيضا مع اكلات لذيذة مثل المكرونة بصوص الطماطم، وممكن وضعه علي وش البيتزا.

وممكن أن يقدم وحده في سندوتشات مع طحينة وبطاطس محمرة وده الشكل الأساسي والمفضل لتقديم السجق.

السجق البلدي من الاكلات التي تنقذ نحنا السيدات عموما، وبصفة خاصة المرأة العاملة عند عودتها من العمل ومحتاجة تعمل آكلة سريعة متخدش وقت في التحضير وفي نفس الوقت طعمها بيبقي حلو جدا ومن الممكن تقديم المكرونة بصوص الطماطم او الارز الابيض مع السجق وتصبح وجبة غداء متكاملة.

أيضا في العشاء يقدم كوجبة سريعة في سندوتشات.

تابعي أيضاً: طريقة عمل الأرز المبهر باللحمة والخضار والنكهات الأسيوية

كثير مننا وخصوصا اولادنا بيحبوا اكل السجق من الشارع ومن علي عربيات السجق أو المطاعم، ولذلك نفضل عملها في المنزل لانها ستكون مضمونة، علي الاقل بنشتري السجق من جزار أو مكان موثوق منه ومن نوع اللحم المستخدم فيه.

في موضوعنا هنشرح طريقة عمل السجق بكل تفاصيله بسهولة وبمكونات بسيطة جدا، وبطريقة حلوة جدا افضل واحلي بكتير من عربيات السجق أو المطاعم.

طريقة تحضير السجق البلدي الشرقي

نتمني تجربة السجق بالطريقة الجميلة الموضحة في موضوعنا والتي ستعجب كل أفراد الأسرة، فهي حقيقي وصفة رائعة تستحق التجربة.

مكونات تحضير السجق المصري

  • نص كيلو او كيلو الا ربع سجق بلدي
  • 3 حبة فلفل رومي
  • 4 أو 5 حبات طماطم
  • 2 بصلة حجم صغير او بصلة كبيرة
  • 4 أو 5 فصوص ثوم أو ملعقة صغيرة مفرومة
  • فلفل حار  ( اختياري)
  • 2 ملعقة كبيرة صلصة طماطم
  • التوابل ( ملح – فلفل – كسبره – كمون )

طريقة تحضير السجق المصري مثل المطاعم

  • هنقطع السجق البلدي لقطع متوسطة أو ممكن نتركه كماهو سليم.
  • نقطع الفلفل الرومي شرائح رفيعة
  • تقطع الطماطم مكعبات صغيرة
  • نقطع البصل شرائح رفيعة
  • الفلفل الحار نقطعة قطع صغيرة
  • نفرم الثوم.
  • في طاسة علي نار عالية  نضع الزيت، نتركه يسخن جيدا ثم، ننزل عليه بالسجق
  • نتركه الاول علي نار عالية بدون تقليب حتي يغير لونه
  • نقلبه يتشوح شوية وكله يأخذ لون واحد
  • ثم نضيف عليه البصل ويشوح حتي يصفر لونه
  • ثم نضيف الثوم ونشوحه مع البصل والسجق لحد ما ريحته تطلع، ثم نضيف عليهم الفلفل الرومي والفلفل الحار وده اختياري طبعا للي حابب، هنقلب كله مع بعض جيدا يتشوح والفلفل يحد لسعة بسيطة في الزيت
  • نضيف الطماطم والصلصة والتوابل، نقلب المكونات كلها مع بعض تسخن
  • نهدئ النار علي أقل درجة حرارة ونغطيها ونتركه من 5 الي 10 دقائق السجق يتسبك والمكونات كلها تتشرب من بعضها ويستوي ويكون فيه شوية بسيطة من الصوص
  • نطفئ عليه ويقدم ساخن مع مكرونة بصوص الطماطم أو جوه سندوتشات مع طحينة، يقدم وبالهنا والشفا علي قلوبكم

بالهنا والشفا

0/5 (0 Reviews)

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد