لكل محبي الطهي والوصفات الشهية

طريقة عمل بطاطس جراتان بطريقة سهلة ومبتكرة

1٬215

وصفة النهاردة هي بطاطس جراتان ودي بتجمع بين اكتر حاجات بنحبها بطاطس عايمة في صوص كريمي، مع طعم الجبن اللذيذ جدا ميكس رائع طعمه لايقاوم
جراتان البطاطس، وصفة سهلة وسريعة جدا ممكن تتقدم كطبق جانبي أو نعتبرها طبق أساسي.

هو طبق طعمه رائع مذاقه شهي وخصوصا في العزومات بيشرفك علي سفرتك
وبيعتبر من الأطباق السريعة والحلوة جدا اللي مبتخدش وقت في تحضيرها

طريقة عمل بطاطس جراتان
يلا بينا نبتدي في شرح وصفة بطاطس جراتان بالتفصيل بس الأول نشوف المكونات اللي هنحتاجها

مكونات بطاطس جراتان ⬇️

  • كيلو بطاطس
  • 2 كوب حليب.
  • كوب كريمة طهي {بديله كوب حليب + نص كوب قشطة نخلطهم الاول بالهاند بلندر ثم نضيفهم علي باقي الحليب}
  • نص كوب جبن شيدر
  • نص كوب جبن موتزريلا ( بديلهم جبن كريمي)
  • 3 فصوص ثوم مفروم ناعم
  • ملعقة كبيرة زبدة
  • 3 أو 4 وحدات قرنفل
  • ورق لورا
  • ملعقة صغيرة ( زعتر – روز ماري )
  • ربع ملعقة صغيرة جوزة الطيب.
  • ملح وفلفل

طريقة تحضير بطاطس جراتان ⬇️

  • اول حاجة هنعملها نحضر البطاطس نقشرها ونغسلها جيدا
  • ثم نقطعها شرائح متوسطة الحجم، بحيث تكون اسمك شوية من اللي البطاطس الشيبسي وارفع من اللي بنعملها في صينية البطاطس
  • وعشان نضمن أن البطاطس تستوي كويس لما نحطها في الحليب ومتخدش وقت طويل في التسوية في الفرن
  • هنسويها فقط لمدة 3 أو 4  دقائق
  • نحضر حلة عميقة ونضع بها ماء ساخن ثم نضع عليها ملعقة صغيرة من الملح
  • ثم نضيف شرائح البطاطس
  • ننتظر ثواني حتي تبدأ في الغليان مرة أخري نتركها بعد الغليان 3 أو 4 دقائق فقط
  • ثم نطفئ النار ونضعها في ماء بارد حتي نوقف تسويتها ونصفيها ونتركها جانبا

تابعي أيضاً: طريقة عمل البطاطس المقرمشة في الفرن

طريقة تحضير صوص الكريمة ⬇️

  • الصوص اللي هنكمل تسويتها بيه في اصل الوصفة أنها تتعمل كلها بالكريمة لكن عشان الموضوع يبقي ابسط وأخف شوية هنستعمل حليب
  • علي نار متوسطة نضع 2 كوب من الحليب
  • ثم نضع عليها كوب من كريمة الطهي، ممكن نستبدل كريمة الطهي بكوب حليب + نص كوب قشطة
  • ثم نضيف عليهم  ملعقة كبيرة من الزبدة
  • حتي نعزز طعم الصوص أكثر ونعطي له نكهة وطعم مميز نضيف 3 أو 4 وحدات من القرنفل و ورق لوري
  • لو عندكم اي اعشاب عطرية مثل روز ماري و الزعتر نضيف منهم ملعقة صغيرة ثم نضيف أيضا ربع ملعقة صغيرة من جوزة الطيب
  • واخر حاجة هنضيفها  فصين أو ثلاثة من الثوم المفروم ناعم ونتبلهم بنص ملعقة  صغيرة من الملح والفلفل الأبيض او الاسود اللي موجود منهم نستعمله
  • نقلب كله مع بعضه ده كله ونظبط الطعم بس منزودش الملح اوي عشان نحس بطعم الكريمة
  • واول ما الصوص يغلي نتركه علي نار هادئة دقيقة واحدة يأخذ من ريحة المكونات اللي حطناها كلها
  • ثم نرفع بمصفاة واسعة الاعشاب الصحيحة مثل ورق لورا والقرنفل
  • نطفي النار ثم نضيف عليهم نصف كوب من الجبن الشيدر والموزريلا
  • يجب إطفاء النار  قبل وضع الجبن حتي لا تتكتل ضيفوا اي نوع جبنة متوفر عندكم
  • لو حابين ممكن تستغنوا عن الجبن وتضيفوا ربع كوب من الجبن الكريمي
  • نقلبها جيدا و سوف تذوب الجبن تماما من سخونية الحليب

طريقة تحضير صينىة بطاطس جراتان ⬇️

  • نحضر الصينية وندهنها الاول جيدا بالزبدة من القعدة والجوانب
  • ثم نرص اول طبقة من البطاطس ونضع عليها قليل من الصوص
  • ثم نكمل الطبقة التانية بنفس الطريقة ونضع علي البطاطس قليل من الصوص ونكمل حتي تنتهي كل كمية البطاطس
  • عدد الطبقات هيكون علي حسب حجم الصينية وكمية البطاطس اللي عاملينها
  • واخر حاجة نضع علي الوجه باقي  كمية الصوص كله، بحيث تغطي اول وش البطاطس
  • واللي حابب هنحط علي الوش رشة بسيطة من الجبنة

تسوية بطاطس جراتان ⬇️

  • ندخلها فرن ساخن علي اعلي درجة وأول ما تغلي نهدئ النار ونتركها حتي تستوي وتتشرب من الصوص
  • وقبل ما نطلعها من الفرن بعود خشب نحطه في البطاطس نتأكد أنها استوت جيدا
  • ثم نخرجها من الفرن ونتركها حتي تهدأ قليلا
  • كل ما تبرد سوف تصبح متماسكة اكتر وهتطلع معاكم قطعة سليمة علي بعضها

الطبق ده زي اي طبق فيه بشاميل او صوص كريمة بيتعمل قبل التقديم بشوية صغيرة، يدوب يطلع من الفرن ونتركه يهدا قليلا او حتي يصبح دافئ ونقدمه.

طبق سهل وسريع ولا يأخذ وقت في تحضيره ويشرفك علي سفرتك

ولمعرفة تفاصيل اكثر عن وصفة ومكونات بطاطس جراتان يمكنكم متابعة الفيديو

جربوه هيعجبكم جدا وبالف هنا علي قلوبكم مقدما

بالهنا والشفا

تعليق 1
  1. […] شاهدي أيضاً: طريقة عمل بطاطس جراتان […]

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد