وصفة النهاردة من اسهل الوصفات اللي ممكن نعملها علي الغذاء او العشاء وهي بيكاتا فراخ بصوص المشروم طعمها رائع
وصفة تتعمل كلها في طاسة واحدة، يعني لو مستعجلين وعايزين اكلة تنجز معانا بسرعة الوصفة ديه هي أفضل اختيار تتقدم جنب مكرونة أو رز بسمتي أو بطاطس بيوريه، ممكن كمان جنب طبق خضار سوتيه
الوصفة ديه مع اي طبق هتتقدم هتبقي حلوة جدا
يلا بينا نبتدي في شرح الوصفة بس الاول نشوف المكونات اللي هنحتاجها
مكونات بيكاتا فراخ ⬇️
- 500 أو 750 جرام صدور دجاج متوسطة الحجم بدون عظم
- ربع كوب دقيق
- ملح وفلفل
- 2 ملعقة كبيرة زيت زيتون
- 2 ملعقة كبيرة زبدة
- 3 أو 4 فصوص ثوم
- ربع كيلو مشروم طازج
- كوب كريمة طهي ( بديله كوب ال ربع حليب + 4 ملاعق كبيرة ممتلئة قشطة )
- كوب ونصف شوربة دجاج ( بديله كوب ونصف ماء ساخن + مكعب مرقة دجاج )
- بشر ليمونة كبيرة أو 2 متوسط الحجم
- اختياري (3 ملاعق كبيرة من الكيبرس )
طريقة تقطيع الدجاج والحجم المطلوب ⬇️
- اول حاجة هنعملها نجهز قطع الدجاج
- عايزينها شرائح حجمها متوسط مش سميكة اوي ولا رفيعة
- يعني ممكن نقسم الصدر اتنين او ثلاثة لو حجمها كبير
- ولوفيها اجزاء سميكة اوي، ممكن نحطها بين طبقتين من البلاستيك راب
او كيس بلاستك عادي نقسمه نصين ونحط الفراخ بينهم - وبالمدق من النحية الناعمة ندق عليها براحة عشان متتهريش
كل ما كانت شرائح الدجاج سمكها حلو ومش رفيعة اوي، بتبقي طرية وحلوة عكس الرفيعة اوي بتنشف في التسوية بسرعة
نتركهم جانبا ونجهز بقية المكونات.
تابعي أيضاً: طريقة عمل الرز المبهر بالدجاج بطريقة سهلة وسريعة
تجهيز باقي المكونات ⬇️
- هنحتاج تقريبا ربع كيلو من المشروم الفريش
- هنمسحه بفوطة او مناديل مطبخ
- ونقطعهم لشرائح متوسطة
- وهنحتاج أيضا ل 3 أو 4 فصوص من الثوم، نفرمهمم ناعم
- وفي طبق واسع نضع ربع كوب من الدقيق، ونتبلهم بنص ملعقة صغيرة من الملح والفلفل الأسود
طريقة التسوية ⬇️
- طاسة علي نار متوسطة نضع فيها 2 ملعقة كبيرة من زيت الزيتون أو اي زيت نباتي عادي ونضع عليهم 2 ملعقة كبيرة من الزبدة بنضيف الزيت عشان مع التحمير الزبدة لا تحترق
- نتركهم حتي يسخنوا كويس ثم نضع قطع الدجاج في الدقيق نغلفها من كل ناحية تتغطي بالدقيق كويس جدا وناخذها ونضعها في الزيت
- منقلبش في الاول نهائي، عايزين نديها صدمة ومتنزلش ميتها وتحتفظ بالسوائل في داخلها ده بيخليها تبقي جوسي وطرية كده من جوه ومتبقش ناشفة
- اول ما نلاقيها خدت اللون الذهبي نقلبها علي الناحية التانية لحد ما تخذ كلها لون حلو
- نرفعهم من الطاسة ونكمل بقية الكمية لحد ما تخلص كلها هي علي بال ما توصل للون ده هتكون استوت
- اهم حاجة بس منزودش عليها في التسوية اوي عشان متنشفش والنار تبقي متوسطة
- وفي نفس الطاسة وعلي الدهون الباقية نضع ملعقة من الزبدة
- نضع اول حاجة الثوم المفروم، نقلبها ثواني بس ريحته الحلوة تطلع ثم نضيف عليه المشروم المقطع شرائح متوسطة
- نشوح المشروم في الزبدة حتي يصبح لونه ذهبي ثم نضيف عليهم 2 ملعقة كبيرة من الكيبرس، هو أساسي في الوصفة لكن ممكن نستغنا عنه
- ثم نضيف عليهم كوب ونصف من شوربة الدجاج، او بديل الشوربة ممكن نذوب مكعب مرقة في كوب ونصف ماء ساخن
- ثم نضع عليهم كوب من كريمة الطهي، وبديل كريمة الطهي ممكن نستعمل كوب الا ربع من الحليب ونضع عليه نص كوب من القشطة
- نظبط الطعم لو محتاج رشة فلفل أسود او ملح ثم نضع فيها قطع الدجاج
- وبشر ليمونة كبيرة نأخذ الطبقة الخارجية فقط ولا نصل للطبقة البيضاء حتي لا يصبح طعمها مر ونتركها تغلي غلوة واحدة فقط ونطفئ النار
ممكن كمان تشوفي طريقة عمل صينية فراخ بالبطاطس بصلصة لذيذة جدا
ملحوظة هامة
وضع قطع بيكاتا الفراخ في صوص المشروم قبل التقديم علي طول حتي لا تصبح طرية جدا
نزينها بشرائح الليمون والكيبرس او البقدونس ونعصر الليمون عليها قبل التقديم علي طول وكده الوصفة خلصت وبقت جاهزة
نقدمها جنب رز بسمتي أو مكرونة ممكن بطاطس بيوريه او خضار سوتيه زي ما تحبوا
لمعرفة تفاصيل اكثر عن الوصفة والمكونات وطريقة تحضير بيكاتا فراخ يمكنكم متابعة الفيديو
طبق سهل و سريع لا يأخذ وقت في تحضيره و طعمه رائع
التعليقات مغلقة.