لكل محبي الطهي والوصفات الشهية

طريقة عمل المافن المالح | سناك مختلف بطعم لذيذ للأطفال والكبار

1٬746

هنعمل النهاردة وصفة معجنات لذيذة جدا وهي المافن المالح، وصفة تتعمل في عشر دقائق، وندخلها الفرن نص ساعة وتكون جاهزة

بيطلع خفيف وطري وطعمه بيبقى رائع، ومليان بنكهات واطعمة حلوة اوي

مناسب جدا للانش بوكس المدرسة او في الجامعة او حتي واحنا رايحين الشغل ومناسب أيضا في الفطار أو العشاء

نقدر نعمله على طول في عشر دقائق واحنا واقفين في المطبخ، ولما يخرج من الفرن نتركه يهدأ ثم نحتقظ بيه وهو لسه طازة في الفريزر ووقت مانحتاجه نطلعه ندفيه بيبقي كأنه لسه معمول طازة

طريقة عمل المافن المالح

يلا بينا نبتدي في شرح الوصفة بالتفصيل بس الأول نشوف المكونات اللي هنحتاجها ⬇️

مكونات المافن المالح ⬇️

  • كوب الا ربع من الحليب
  • 2 كوب دقيق
  • 2 بيضة بحرارة الغرفة
  • علبة زبادي حجم صغير 110 جرام
  • ربع كوب زيت زيتون
  • ملعقة كبيرة ممتلئة بيكنج بودر
  • نص ملعقة صغيرة سكر
  • نص ملعقة صغيرة ملح

طريقة عمل المافن المالح ⬇️

  •  في طبق عميق نضع 2 بيضة بحرارة الغرفة وعليهم نضيف كوب الا ربع من الحليب وربع كوب زيت زيتون
  • نضيف عليهم علبة الزبادي الحجم الصغير 110 جرام تقريبا ونص ملعقة صغيرة من الملح والسكر وملعقة كبيرة بيكنج بودر
  • نخلط كل المكونات مع بعضها جيدا حتي يختفي البيض تماما ويصبح القوام كريمي وناعم
  • نضيف 2 كوب من الدقيق المنخول، نضيفهم واحنا بنقلب، بلاش نضيفه مرة واحدة حتي لا تتكون كتل
  • نخلط المكونات كلها جيدا حتي يختفي الدقيق تمام ويكون ناعم وليس به أي كتل تماما
  •  قوام الدقيق في الأول بيكون ناعم وقريب شوية من قوام الكيك لكن لما بنحط عليه بقية المكونات قوامه بيتقل شوية
  • نضيف عليه شوية خضار حلوين، فلفل ألوان ربع واحدة من كل نوع
  • نضع شوية من الخضار لاعطاء طعم ومذاق مميز، وايضا لزيادة القيمة الغذائية لوحدات المافن المالح
  • نضع فلفل الوان ربع واحدة من كل نوع مقطعة مكعبات صغيرة وربع كوب من الزيتون الاخضر او الاسود مقطع مكعبات صغيرة
  • نخلط المكونات كلها تندمج مع بعضها قوام الخليط بيكون تقيل شوية

تابعي أيضاً: طريقة عمل كب كيك الشوكلاتة بطريقة بسيطة

  • لكن لو كان الخليط تقيل جدا ممكن اضافة ملعقة أو ملعقتين من الحليب لظبط القوام
  • هنكون محضرين صينية الكب كيك مدهونة ب اي مادة دهنية وعليها رشة من الدقيق مغطية الصينية كلها
  • ننفضها من اي دقيق زيادة
  • نملا قوالب الكب كيك بالخليط
  • ممكن نضع علي الوجه شرائح زيتون اخضر او اسود او فلفل الوان مقطع مكعبات صغيرة وممكن نمسح الوجه بصلصة البتزا لاعطاء طعم البيتزا
  • نرش علي الوجه رشة من البابريكا والزعتر وندخلها فرن ساخن مسبقا علي درجة حرارة 170 تأخذ من 25 ل 30 دقيقة
  • هكذا يتم اختبار النضج من المنتصف، بعود خشب إذا كان به عجين نتركه خمس دقائق أخري
  • وفي الاخر لو احتاجت ممكن نفتح عليها الشواية الوجه يأخذ لون حلو
  • نضع وحدات المافن علي شبكة ونتركها حتى تهدأ قليلا وتقدم وهي دافئة

وانت بتفتحوها كده هتلاقوا ريحتها تجنن هشة وطرية وفيها مطت الجبن الحلوة طعمها حقيقي رائع

اعملوها واول ما تبرد شيلوها في الفريزر هتطلع كأنها لسه طازة

ولمعرفة تفاصيل اكثر عن الوصفة والمكونات يمكنكم متابعة الفيديو

جربوها هتعجبكم جدا وبالف هنا علي قلوبكم مقدما

بالهنا والشفا

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد