هنعمل انهاردة وصفة في منتهي الجمال الكانيلوني او الكريب بحشوة اللحمة المفرومة او ممكن تغيروا في الحشوة زي ما يعجبكم.
هنعمله بطريقة حلوة وبسيطة
مش هنحتاج فيها المكرونة المخصوص للكانيلوني هنعمله
بشوية حليب ودقيق وهيطلع معانا احلي كانيلوني ممكن تذوقه.
يلا بينا نبتدي في عمايله علي طول بس الاول نشوف المكونات اللي هنحتاجها ⬇️
مكونات عجينة الكانيلوني ⬇️
- 3 حبة بيض
- 2 كوب حليب
- نص كوب ماء
- 2 كوب دقيق
- 2 ملعقة كبيرة زبدة أو سمن او زيت
- رشة ملح
- 2 ملعقة جبن رومي مبشورة
صوص البشاميل ⬇️
- 3 كوب حليب
- 2 ملعقة كبيرة ممتلئة دقيق
- 2 ملعقة كبيرة ممتلئة زبدة أو سمن
- ملح – فلفل – رشة قرنفل – ربع ملعقة صغيرة بصل بودر
مكونات صوص اللحم ⬇️
- ربع أو نص كيلو لحم مفروم
- بصلة متوسطة
- 2 حبة جزر متوسطه الحجم
- كوب عصير طماطم
- ملعقة كبيرة صلصة طماطم
- ربع كوب ماء
- ملح وفلفل
طريقة تحضير عجينة الكانيلوني ⬇️
- في بولة نضع 3 حبة بيض
- وعليهم نضع رشة بسيطة من الملح
- ثم نضيف عليهم 2 كوب من الحليب
- ونصف كوب من الماء
- و3 ملاعق كبيرة من الزبدة او السمن السايحة
- وبالمضرب السلك نخلط كل المكونات مع بعضها جيدا
- ممكن تستعملوا الخلاط او الهاند بلندر
- نخلط الي أن يصبح القوام كله ناعم ولا يوجد به كتل تماما
- ثم نضيف عليهم 2 كوب من الدقيق
- ونكمل خلط الي أن تندمج كل المكونات مع بعضها جيدا ولايوجد بها اي كتل
- وحتي نتأكد ان مفيهش اي كتل تماما هنصفيها
- قوام الخليط بيكون ناعم وخفيف
حتي نحصل علي عجينة عجينة كريب مظبوطة لابد أن يكون قوام الخليط سائل وخفيف
- واخر مكون هنضيفه عليهم 2 ملعقة كبيرة ممتلئة من الجبنة الرومي المبشورة، بتعطي طعم خطير لعجينة الكريب
- نقلبهم تقلبتين فقط يندمجوا مع الخليط
وكده أصبح الخليط جاهز نضعه لمدة 10 دقائق فقط ليرتاح في الثلاجة قبل الاستخدام
تسوية عجينة الكريب ⬇️
- نحضر الطاسة اللي هنسوي فيها الكريب وتكون غير لاصقة وايضا باردة تماما قبل وضع العجينة فيها كل مرة ننتظر ثواني حتي تهدأ
- ثم نخرج الكريب من الثلاجة
- ونضع منه كمية مناسبة علي اد حجم الطاسة
- ننزلها من الجنب ونحرك الطاسة براحة تتوزع فيه ونحطها علي نار متوسطة
- وجربوا في واحدة الاول نضع مثلا نصف كوب او ربع كوب علي اد حجم الطاسة وشوفوا لما تستوي لو طلعت سميكة نقلل ولو طلعت رفيعة اوي نزود شوية
- نتركها علي النار المتوسطة الي أن تعمل فقاعات من المنتصف
- نحرك الطاسة علي النار براحة عشان تستوي من بقية الجوانب
- واول ما نلاقيها فكت من الجوانب نقلبها علي النحية التانية
- ثم نتركها علي الجهة الثانية لمدة ثواني فقط هي لا تأخذ وقت طويل في النحية التانية
- نرفعها من الطاسة ولا تبالغ في التسوية حتي لا تصبح جافة
- وكل اللي يستوي نضعه فوق بعضه
- ونغطيها علي طول
- عند وضعهم فوق بعض تغطيتهم البخار اللي بيطلع منهم يحافظ عليهم انهم يفضلوا اطري
- نتركه مغطى ، ونجهز الحشوة
طريقة عمل صوص اللحمة⬇️
- في طاسة علي النار نتركها تسخن
- ثم نضيف فيها اللحمة المفرومة عايزين تخد صدمة وتحتفظ بكل السوائل في الداخل
- كمية اللحمة زي ما تحبوا نص كيلو او ربع كيلو
- وطبعا ممكن تغيروا في الحشوة زي ما تحبو ممكن تعملوها بالدجاج
- أيضا ممكن نعملها بالسبانخ بتبقي تحفة و احلي بكتير من اللي باللحمة والدجاج
- اول ما نلاقي لون اللحمة غير وبقت كلها لون واحد
- نضيف عليها بصلة متوسطة مفرومة
- وواحدة او اتنين من الجزر متقطعين مكعبات صغيرة جدا
- ونحط عليهم ايضا نص ملعقة صغيرة من الملح
- نقلبهم مع بعض البصل والجزر ياخدوا تشويحة بسيطة مع اللحمة
- ثم نضيف عليهم كوب من عصير الطماطم
- معلقة كبيرة من صلصة الطماطم
- وربع كوب من الماء
- نقلب المكونات كلها مع بعضها ونظبط طعم الملح والفلفل زي ما تحبوا
- نغطيها ونتركها علي نار هادئة المكونات كلها تستوي و تتسبك مع بعضها
- نتركها علي جنب قليلا ونجهز صوص البشاميل
تحضير صوص البشاميل ⬇️
- في طاسة عميقة نضع 2 ملعقة كبيرة ممتلئة من الزبدة او السمن
- يسيحوا ونضع عليهم 2 ملعقة كبيرة من الدقيق
- السمن بتكون اد كمية الدقيق عشان الدقيق يبقي سايح في السمن بدون تكتل
- نقلب مع بعض لمدة ثواني فقط الدقيق يستوي
- ثم نضيف عليهم 2 كوب ونصف من الحليب
- نقلبهم مع بعض علي طول حتي لايتكون كتل من الدقيق الدقيق
- ثم نضع عليهم نصف ملعقة صغيرة من الملح والفلفل الأبيض أو الأسمر
- وايضا رشة بسيطة اوي من القرنفل المطحون
- وربع ملعقة صغيرة من البصل البودر
- شوية القرنفل والبصل بيعطوا طعم رائع للبشاميل، اهم حاجة بس نضع رشة بسيطة جدا من القرنفل المطحون لأن الكثير منه يمرر الطعم
- نقلب كله مع بعض واول ما تغلي نطفئ النار
- قوام البشاميل بيكون خفيف مش تقيل
كده خلاص كل حاجة بقت جاهزة نبدأ في حشو وحدات الكريب
شوفي أيضاً: طريقة عمل الأرز المبهر باللحمة والخضار والنكهات الأسيوية
طريقة حشو الكريب ⬇️
- نحضر الصينية ونضع فيها كمية بسيطة من البشاميل تغطي قعدة الصينية فقط
- ثم نحضر الكريب ونضع فيه كمية مناسبة من الحشوة
- وعليهم ملعقة كبيرة ممتلئة من صوص البشاميل
وشوية من الجبن الموزريلا او الشيدر - ثم نقوم بثني الجنبين علي الحشوة ونلفها
- ثم نضعها في الصينية، بحيث تكون فتحة الرول من أسفل في قعدة الصينية
- نكمل حشو باقي الكمية بنفس الطريقة
- هتعمل تقريبا من 8 ل ١٢ واحدة كريب حسب حجم الطاسة
- وعلي الوجه نضع باقي كمية البشاميل
- نراعي لو أصبح البشاميل بارد او سمكه تقل أننا نرجعه مرة أخري علي النار يسخن ونخففه بشوية من الحليب حتي يصبح قوام البشاميل مناسب
- واخر حاجة نضيف الوش شوية من الجبن الموزريلا
- ندخلها فرن سابق التسخين علي درجة 200
- أول ما نلاقيها عملت فقاعات من الجوانب او المنتصف نطفئ عليها علي طول ونفتح الشواية تخد اللون الذهبي الحلو من علي الوجه
- مراعاة عدم تسويتها في الفرن لمدة طويلة، لان هي كل حاجة فيها مستوية، عايزين فقط المكونات كلها تسخن مع بعض
- نطلعها وتتقدم وهي ساخنة
ولمعرفة تفاصيل اكثر عن الوصفة والمكونات يمكنكم متابعة الفيديو
طعمها أكثر من رائع جربوها هتعجبكم جدا وبالف هنا علي قلوبكم مقدما
التعليقات مغلقة.