هعمل معاكم النهاردة اطعم والذ كيكة شوكلاتة بصوص الشوكولاتة خفيفة وسهلة واقتصادية. الكيكة بتطلع هشة وطرية وخفيفة جدا.
وبنعمل لها كمان صوص تشريبة بيديها طعم لذيذ جدا وصوص الشيكولاتة كمان طعمه اكثر من رائع.
الكيكة كلها طعمها حلو ومميز جدا وتتقدم في اي مناسبة تشرفك. يلا بينا نبتدي في شرح الوصفة بس الاول نشوف المكونات اللي هنحتاجها
مكونات كيكة شوكلاتة ⬇️
- كوب سكر
- 4 حبة بيض بحرارة الغرفة
- كوب ونصف دقيق
- 3 ملاعق كبيرة كاكاو (خام غير محلي)
- ملعقة كبيرة ممتلئة بيكنج بودر
- ملعقة صغيرة فانيليا
- رشة ملح
مكونات صوص الشيكولاتة والتشريبة⬇️
- 3 كوب حليب
- 3 ملعقة كبيرة دقيق
- 3 ملعقة كبيرة كاكاو (خام غير محلي)
- كوب الا ربع سكر
- كيس كريم شانتيه
- ملعقة كبيرة نشا
- نص ملعقة صغيرة فانيليا
- 2 ملعقة كبيرة زبد
- كوب ونص حليب
- نص كوب كريمة خفق أو (نص كوب حليب مع 3 ملاعق كبيرة قشطة )
- 3ملاعق كبيرة ممتلئه نسكويك
اول حاجة هنعملها هنجهز صوص كيكة شوكلاتة لانه لازم نتركه يبرد تماما.
طريقة تحضير صوص الشوكلاتة ⬇️
- في اناء نضع الحليب وعليه الدقيق والكاكاو والسكر والنشا والفانيليا
- نخلط كل المكونات الاول علي البارد حتي تذوب تماما
- ثم نرفعها علي النار مع التقليب المستمر
- الي أن يتكون خليط ناعم وكريمي جدا
- واول ما تدخل في مرحلة الغليان نطفئ النار
- ثم نضيف عليها الزبدة
- نخلط حتي تذوب الزبدة تماما
- نضعها في بولة ونغطيها كويس حتي لا تتكون علي الوجه قشرة
- نضعها في الثلاجة تبرد تماما وحتي يتم تجهيز كيكة شوكلاتة.
تابعي أيضاً: طريقة عمل كب كيك الشوكلاتة بطريقة بسيطة وطعم رائع لعشاق الشوكلاتة
تحضير كيكة شوكلاتة ⬇️
- نقوم بنخل المكونات الجافة اولا
- الدقيق وعليه الكاكاو والبيكنج بودر ورشة الملح ننخلهم جيدا ثم نتركهم قليلا
- في بولة نضع البيض ومهم جدا أنه يكون بحرارة الغرفة ثم نضيف السكر والفانيليا
- ممكن نستعمل في خلطهم العجان أو المضرب الكهربائي أو الخلاط
- نخلط علي اعلي درجة الي أن يصبح القوام كريمي ولون البيض فاتح
- مدة الخلط تقريبا من 5 الي 6 دقائق.
- في حالة استخدام العجان نقلل السرعة علي أقل درجة ونضيف الدقيق شوية بشوية
- مع الخلط حتي يختفي الدقيق نوقف خلط علي طول
- أما في حالة استخدام المضرب الكهربائي أو الخلاط بعد ما أصبح لون البيض فاتح
- نكمل باقي الخطوات باليد
- نضيف الدقيق شوية بشوية الي أن يختفي الدقيق تمام نوقف خلط
- نحضر صينية متوسطة الحجم مدهونة سمن او زبدة وعليها رشة دقيق
- نضع فيها خليط الكيك ونخبطها براحة حتي نتخلص من اي فقاعات موجودة فيها
- هنكون مسخنين الفرن من قبل مانبدا في عمل الكيك علي درجة 170
- نضعها في الرف الاوسط تأخد تقريبا من 30 دقيقة 40 دقيقة
- نختبر نضج الكيك بعود خشب من المنتصف لان ده اخر مكان بيستوي في الكيك
- اذا طلع نظيف من غير اي عجين يبقي استوت
- ولو فيها اي عجين نتركها خمس دقائق اخري في الفرن.
- نترك الكيكة تبرد شوية ونجهز صوص خفيف هنسقيها بيه
طريقة تحضير صوص التشريبة ⬇️
- نحتاح لصوص التشريبة الحليب ونحتاجه يكون دافئ مش بارد ولا سخن
- نضيف عليه كريمة الحلويات أو ممكن حليب مع قشدة، أوممكن نكتفي بالحليب فقط
- ثم نضيف عليهم النسكويك لو مش متوفر ممكن نستعمل كاكاو خام غير محلي مع السكر
- نقلبهم مع بعض كويس جدا الكاكاو يذوب
- ثم نحضر الكيكة ولازم تكون دافئة أو باردة لكن مش سخنة وبعود خشب أو شوكة
- نعمل فيها فتحات بسيطة في كل الكيكة ونسقيها بكل الخليط ده
- ثم نغطيها ونتركها جانبا تتشرب الصوص
تابعي أيضاً: طريقة تحضير كيكة التمر والقشطة الذ وأطعم كيك ممكن تدوقوه
طريقة تكملة صوص كيكة شوكلاتة ⬇️
- نحضر صوص كيكة شوكلاتة من الثلاجة
- ثم نضيف عليه الكريم شانتيه
- و 3 ملاعق من الكاكاو
- نخلطهم بالمضرب الكهربائي جيدا
- حتي يصبح قوام الخليط ناعم جدا وكريمي
- ثم نحضر الكيكة وهتكون اتشربت الصوص كله اللي ضيفناه عليها
- نضيف عليها صوص الشكولاتة ونوزعه جيدا علي وجه الكيكة
- ونساوي الوجه جيدا
- كده الكيكة بقت جاهزة نزين الوجه بشوية مكسرات او بشر شوكلاتة أو اي حاجة متوفرة عندنا
- ممكن نزينها أيضا بنوتيلا أو نقدمها كما هي
- تتقدم أول ما نخلصها علي طول
- أو ندخلها الثلاجة شوية صغيرة المكونات كلها تتماسك مع بعضها
- نقطعها ونقدمها
لمعرفة تفاصيل اكثر عن الوصفة والمكونات يمكنكم متابعة الفيديو
كيكة جميلة وبسيطة وطعمها رائع جربوها هتعجبكم جدا وبالف هنا علي قلوبكم مقدما
التعليقات مغلقة.