طريقة عمل فطائر البطاطس بالتونة مع سلطة الزبادي

356

هنعمل مع بعض النهاردة وصفة من الوصفات السهلة والسريعة جدا وهي فطيرة البطاطس بالتونة وهنعملها في الطاسة، بمكونات بسيطة

فطائر البطاطس بالتونة تعتبر من الاكلات الحلوة اوي اللي بتنجز معانا في اي وقت محتاجين اكلة سريعة عشر دقائق وتبقي جاهزة، وتنفع تتقدم في اي وقت فطار غداء او عشاء

طريقة عمل فطيرة البطاطس بالتونة مع سلطة الزبادي

يلا بينا نبتدي في شرح الوصفة بس نشوف المكونات اللي هنحتاجها الاول

مكونات فطيرة البطاطس بالتونة

  • بطاطس
  • تونة
  • كسبرة خضراء
  • بصل اخضر او بصل عادي
  • بيضة
  • ملح – فلفل – كمون – كسبره ناشفة – ثوم بودر – بابريكا
  • دقيق

طريقة تحضير فطيرة البطاطس بالتونة

  •  اول حاجة هنعملها هنسلق البطاطس، حلة هنحط فيها البطاطس، وهنحط عليها ميه تغطيها، ونرفعها علي النار، ونسيبها لحد ما تستوي
  • نقشرها ونهرسها كويس اوي، بشوكة أو هراسة البطاطس
  • نضيف عليها بيضة، ونكمل هرس الي أن تختفي البيضة تماما
  • ثم نضيف التوابل، نص ملعقة صغير من الملح والكمون والكزبرة الناشفة والبابريكا والثوم البودر وربع ملعقة صغيرة من الفلفل الاسود
  • و2 معلقة كبيرة ممتلئة من الدقيق
  • وهنضيف عليهم كمان عود من البصل الاخضر متقطع قطع صغيرة جدا، او بصلة عادية متوسطة مبشورة ومتصفية من ميتها
  • وربع حزمة من الكزبرة الخضراء متقطعة صغير جدا
  • وهنخلط كل المكونات ديه مع بعضها كويس اوي الي أن تتجانس وتصبح عجينة متماسكة سهلة التشكيل
  • هنشكلها كورات متوسطة الحجم، وعند التشكيل نضغط عليها كويس اوي حتي تصبح متماسكة
  •  نحضر طبق فيه شوية دقيق، نضع كل كورة من البطاطس في الطبق، تتغلف بالدقيق كويس
  • نخلص كل الكمية بنفس الطريقة

تسوية فطيرة البطاطس بالتونة

  • طاسة علي النار نضع فيها قليل من الزيت، تقريبا 3 أو 4 ملاعق كبيرة ممتلئة من الزيت
  • نضع فيها كورات البطاطس بالتونة، ونضغط عليها ضغطة خفيفة جدا، بحيث تكون مفرودة قليلا بشكل دائري
  • نتركها علي نار متوسطة أو هادئة، حتي تحمر وتأخذ لون ذهبي حلو من تحت
  • نقلبها علي الجهة الأخري، ولكن بحرص حتي لا تفك ممكن نستخدم في القلب 2 معلقة مسطحة( سباتولا )
  • ونتركها حتي تحمر وتأخذ اللون الذهبي الحلو من كل كل جهة

وفي هذا الوقت سوف نقوم بتحضير احلي وأطعم سلطة زبادي بطريقة سهلة ومكونات بسيطة جدا

مكونات سلطة الزبادي

  • 2 كوب زبادي
  • 3 حبة خيار متوسطة الحجم
  • ملح وكمون وبابريكا وثوم بودر أو ثوم طاز
  •  عودين من الشبت الاخضر الورق فقط        طريقة تحضير سلطة الزبادي
  • في طبق عميق نضع الزبادي وعليها الخيار المقطع قطع صغيرة جدا او ممكن نبشره بالمبشرة
  • وعليهم الشبت الاخضر مفروم ناعم
  • والتوابل ربع ملعقة صغيرة من الملح والكمون والبابريكا والثوم البودر أو ممكن نستعمل فص او اتنين من الثوم الطازج المفروم ناعم
  • نخلط كل المكونات جيدا
  • ونضيف علي الوجه زيت زيتون ونعناع اخضر او ناشف وتقدم بالف هنا

تابعوا من هنا: طريقة عمل البطاطس البيوريه باللحمة المفرومة والبسلة والجزر

البطاطس تتقدم ساخنة أو دافئة أو حتي باردة طعمها لذيذ جدا في كل أحوالها

نقدمها جنب سلطة الزبادي أو ممكن نعملها سندوتشات

وتقدم في الفطار أو الغذاء أو العشاء، وجبة لذيذة جدا وطعمها شهي وخصوصا في الجو الحار

جربوها هتعجبكم جدا وبالف هنا علي قلوبكم مقدما

ولمعلومات اكثر عن الوصفة والمكونات يمكنكم متابعة الفيديو

 

0/5 (0 Reviews)

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد