فنجان القهوة أو كوباية الشاي الصبح بتحلي أكثر لما يكون معاها بسكوت، وخصوصا لو بسكوت طعمه حلو ومكوناته مضمونة لا يوجد بها اي زيوت غير صحية وعشان كده هنعمل مع بعض احلي وأخف بسكوت بالشوفان ودقيق القمح الكامل.
هنعمله زي بسكوت دايجيستف بالظبط واحلي كمان، وكفاية أنه معمول في البيت بمكونات كلها مضمونة
شاهدي أيضاً طريقة ما هو الاستخدام الصحي للشوفان فى عمل دايت وتخسيس الوزن الزائد
يلا بينا نبتدي في شرح الوصفة، بس الاول نشوف المكونات اللي هنحتاجها
مكونات بسكوت بالشوفان
- كوب وربع شوفان 135 جرام
- كوب الا ربع دقيق قمح كامل 100
- (نص كوب) جوز هند 50 جرام
- نص كوب سكر ابيض او بني هننقص منه ملعقة كبيرة
- نص كوب زبدة 100 جرام
- 2 ملعقة كبيرة عسل
- ملعقة صغيرة ممسوحة بيكنج صودا
- نص ملعقة صغيرة ملح
طريقة عمل بسكوت بالشوفان ودقيق القمح الكامل
- في بولة هنضيف نص كوب من السكر بس هننقص منه ملعقة كبيرة
- و نص كوب من الزبدة الطرية بدرجة حرارة الغرفة
- وهنضيف عليهم ملعقتين كبار من العسل الابيض
- وهنخلط كل المكونات مع بعضه جيدا، حتي يصبح الخليط ناعم
- نضيف كوب الاربع من دقيق القمح الكامل
- وكوب وربع من الشوفان المطحون، طحن خشن بحيث يكون مجروش مش ناعم بودرة
- وملعقة صغيرة ممسوحة من البيكنج صودا اللي هي الكربوناتو
- ونص ملعقة صغيرة من الملح
- ونخلط كل المكونات مع بعضها جيدا، حتي يتغلف دقيق القمح والشوفان بالزبدة
- نضيف 2 معلقة او 3 بالكتير من المية الساخنة
- نضيف معلقتين الميه ومش هنعجن، هنلم المكونات مع بعضها فقط بدون عجن
- عجينة البسكوت ديه بتكون مفرولة مش عجينة متماسكة، وده بيبقي القوام المظبوط ليها
وكده خلاص بقت جاهزة نبتدي نشكلها
تشكيل البسكوت
- نحضر الصينة اللي هتدخل معانا الفرن ونضع فيها ورق زبدة
- وهنستخدم في التشكيل اي قطاعات البسكوت بشكل دائري
- نضع القطاعة في الصينية، ونضع عليها قطعة صغيرة من العجينة
- نفردها داخل القطاعة جيدا، بحيث يكون السطح متساوي
- ارتفاع البسكوت بيكون خفيف مش سميك
تسوية بسكويت الشوفان
- نجهز فرن ساخن مسبقا علي درجة 170 أو 180
- نضعها في الرف الاوسط
- نتركها من 10 الي 12 دقيقة
- اول ما نلاقي الأطراف من تحت خدت لون من الجوانب، نطفئ الفرن، ونفتح الشواية تخد لون خفيف من علي الوش
- نطلعه ونتركه حتي يبرد تماما، لانه بيكون سهل الكسر وهو ساخن
كده البسكوت بقي جاهز، ممكن يتقدم زي ما هو كده وبيكون طعمه لذيذ جدا و ممكن نضع علي الوش شيكولاتة.
ممكن نستعمل اي نوع متوفر زي شيكولاتة دارك أو بالحليب.
نسيح الشيكولاته في حمام ميه ساخنة ونستعملها ونضع منها علي الوجه كمية بسيطة جدا، ونفردها بالفرشاة بشكل عشوائي أو علي شكل خطوط طولية أو دائري،
اي شكل يطلع معاكم هيبقي حلو.
مش محتاجين خلاص نشتري بسكوت من بره تاني ولا بدقيق القمح الكامل ولا بالشوفان، اللي احنا عملناه في البيت احلي بكتير جدا، ومكوناته مضمونة لايوجد بها اي دهون غير صحية
وطعمه أكثر من رائع، مقرمش جدا و لونه حلو اوي من علي الوش ومن تحت، وطريقته سهلة في عشر دقائق ويكون جاهز
جربوه هيعجبكم جدا وبالف هنا علي قلوبكم مقدما
ولمعرفة اي تفاصيل عن الوصفة والمكونات يمكنكم متابعة الفيديو
التعليقات مغلقة.