مخبوزات
كيكة البرتقال في الخلاط اخف والذ واسهل كيكة ممكن تعملوها👌
هعمل معاكم النهاردة كيكة من احلي الكيكات اللي ممكن نعملها وهي كيكة البرتقال، هشة وخفيفة وطعمها بيطلع رائع.
هنعملها بطريقة سهلة جدا في الخلاط وبمكونات الكيكة العادية مش هنحتاج مكونات مخصوص غير البرتقال بس.
يلا بينا نبتدي في شرح الوصفة بالتفصيل بس الأول نشوف المكونات اللي هنحتاجها ⬇️
مكونات كيكة البرتقال ⬇️
الكوب المستخدم 250 مللي
- 3 حبة بيض بحرارة الغرفة
- كوب سكر 250
- كوب الا ربع زيت 165 جرام
- 2 كوب دقيق 270 جرام
- 2 ملعقة كبيرة نشا
- ملعقة صغيرة فانيليا
- 2 ملعقة صغيرة بيكنج بودر
- رشة ملح
- 2 برتقالة
مكونات الصوص ⬇️
- كوب عصير برتقال
- نص كوب سكر
- عصير نص ليمونة
- بشر برتقالة
نستخدم قالب مقاس 22 أو 24
طريقة تجهيز المكونات الجافة ⬇️
اول حاجة هنعملها هننخل المكونات الجافة مع بعضها
- في طبق عميق نضع 2 كوب من الدقيق
- نضيف عليهم 2 ملعقة كبيرة من النشا
- 2 ملعقة صغيرة من البيكنج بودر
- ورشة ملح علي طرف المعلقة
- ننخلهم مع بعض إلاول
- نضع عليهم بشر 2 برتقالة، نأخذ القشرة الخفيفة فقط مع مراعاة عدم الوصول للجزء الابيض
- نخلط كل المكونات مع بعضها جيدا
- نتركهم جانبا ونجهز باقي المكونات
طريقة خلط باقي المكونات في الخلاط ⬇️
- نضع في الخلاط ٣ بيضات بحرارة الغرفة
- وكوب من السكر
- وملعقة صغيرة من الفانيليا
- وكوب إلا ربع من الزيت
- نحضر 2 برتقالة نزيل القشرة ونقطع قلب البرتقالة الي قطع صغيرة ونضعهم في الخلاط
- ونخلط كل المكونات السابقة مع بعضها جيدا، حتي يصبح الخليط ناعم وكريمي
تجهيز خليط كيكة البرتقال ⬇️
- نحضر المكونات الجافة سابقة التحضير
- ونضع عليها المكونات اللي في الخلاط
- نخلط كل المكونات ما بعضها الي أن يختفي الدقيق
- ونقلب من اسفل ومن الجوانب نتأكد ان كل الدقيق اتخلط
- واول ما يختقي الدقيق نوقف خلط علي طول
- لو الخليط كان خفيف ممكن نزود ملعقة او اتنين من الدقيق
- لو تقيل ممكن نزود ملعقة او اتنين من عصير البرتقال أو الحليب أو الماء
- نكون مجهزين الصينية مدهونة كويس بزبدة أو سمن وعليها رشة من الدقيق
- نضع فيها خليط الكيك ونخبطها خبطتين حتي نتأكد من عدم وجود اي فراغات
تسوية كيكة البرتقال ⬇️
- ندخل الصينية فرن سابق التسخين علي درجة ١٧٠ او ١٨٠
- نضعها في الرف الأوسط تأخذ تقريبا من ٣٠ ل ٤٠ دقيقة
- نختبر نصج الكيك بعود خشب من المنتصف لأن ده اخر مكان بيستوي في الكيك
- اذا طلع فيه عجين نتركها خمس دقائق اخري
- واذا طلع نظيف يكون كده الكيك استوي
نترك الكيك يستوي ونجهز صوص بسيط بيعطي طعم ومذاق رائع الكيك
تابعي أيضاً: طريقة عمل كيكة التفاح بالكراميل
طريقة تحضير صوص البرتقال ⬇️
- في اناء علي النار نضع كوب من عصير البرتقال
- وعليه نص كوب من السكر
- وعصير نص ليمونة
- وبشر برتقالة
- نقلبهم مع بعض جيدا
- نتركهم علي النار حتي الغليان ثم نهدئ درجة الحرارة ونترك الخليط قليلا حتي يصبح قوامه اتقل قليلا
- نتركه يهدا ويصبح دافئ
وضع الصوص علي كيكة البرتقال ⬇️
- بعد خروج الكيك من الفرن
- نتركها تهدأ ثم نضع عليها صوص البرتقال
- نقطعها ونقدمها مع إضافة صوص برتقال زيادة عند التقديم
كيكة هشة وطرية مستوية كويس وواخدة لون حلو من كل جهة، وريحتها حلوة اوي وطعمها رائع
الصوص ده وداها في حتة تانية خالص
جربوها بالصوص ده هتعجبكم جدا
لمعرفة تفاصيل اكثر عن الوصفة والمكونات يمكنكم متابعة الفيديو
بالف هنا علي قلوبكم مقدما
