لكل محبي الطهي والوصفات الشهية

طريقة عمل كيكة التفاح بالكراميل هشة ولذيذة جدا

520

هنعمل النهاردة احلي واطعم كيكة التفاح هشة وخفيفة وطرية جدا، وطعمها كمان وشكلها وريحتها روووعة.

من الكيكات الحلوة اوي اللي تتقدم في اي وقت أو لو عندنا ضيوف تتعمل في عشر دقائق وتدخل الفرن علي طول، متخدش وقت خالص في تحضيرها.
تنفع كمان لما نعملها في قوالب الكب الكيك الولاد يخذوها معاهم المدرسة شكلها وطعمها هيعجبهم جدا.
الكيكة ديه من الكيك اللي ممكن تتأكل دافئة أو باردة هي بكل أحوالها طعمها حلو.

طريقة عمل كيكة التفاح
يلا بينا نبتدي في شرح وصفة كيكة التفاح بالتفصيل بس الأول نشوف المكونات اللي هنحتاجها

مكونات صوص الكراميل والتفاح ⬇️

  • 4 أو 5 تفاحات
  • 7 ملاعق كبيرة ممتلئة سكر
  • 2 ملعقة كبيرة زبدة
  • 2 ملعقة كبيرة قرفة
  • نص كوب حليب

مكونات كيكة التفاح ⬇️

  • 4 بيضة
  • 3 كوب دقيق
  • كوب وربع حليب ناقص 2 ملعقة كبيرة
  • كوب ونص سكر
  • ملعقة كبيرة ممتلئة بيكنج بودر
  • ملعقة صغيرة فانيليا
  • ربع ملعقة صغيرة ملح

طريقة تحضير التفاح ⬇️

  • اول حاجة هنعملها هنجهز التفاح
  • 4 او 5 وحدات من التفاح هنغسلهم جيدا  ونقشرهم ونقطعهم مكعبات متوسطة مش صغيرة حتي لا يصبح التفاح مهري، ويظل محافظ علي شكله
  • نتركها جانبا ونحضر بقية المكونات

عمل صوص الكراميل ⬇️

  • نحضر طاسة عميقة ونضع فيها 7 ملاعق كبيرة ممتلئة من السكر
  • ثم نحرك الطاسة حتي يصبح السكر كله طبقة واحدة
  • نتركهم علي نار متوسطة لحد ما نلاقيه بدأ يتكرمل شوية من النص او من الأطراف
  •  نهدئ النار و نقلبهم حتي يذوب كل السكر و يتكرمل ويخد لون واحد مش عايزين لونه يغمق عشان ميمررش
  • نضع عليه ملعقتين كبار من الذبدة
  • نقلبهم حتي تسيح الذبدة
  • ثم نضيف عليهم نص كوب من الحليب السخن
  • اول ما نضيف الحليب هنلاقي السكر اتكتل شوية
  • نستمر في التقليب الي أن تذوب كل الكتل ويصبح  قوام الكراميل ناعم، اهم حاجة النار تكون هادئة
  • ثم نضيف التفاح المقطع نضيف، ونقلبه في الكراميل تقليبة واحدة بس
  •  وبعدين نضيف عليه معلقتين كبار من القرفة اللي حابب يقلل كمية القرفة او يزودها برحتكم طبعا
  •  ممكن عشان التفاح ميسودش لو تركناه فترة طويلة متقطع، نقطعوه في الوقت اللي بيستوي فيه الكراميل، بس طبعا نلاحظ الكراميل جيدا حتي لا يحترق
  • نخلط كل المكونات لمدة ثواني فقط، كله يسخن مع بعضه ونطفئ النار علي طول حتي يظل التفاح محافظ علي شكله وميتهريش
  • نترك التفاح بالكراميل جانبا ونحضر خليط الكيك

طريقة تحضير كيكة التفاح ⬇️

  • في بولة عميقة نضع 4 بيضات بحرارة الغرفة
  • ثم نضيف عليهم كوب ونص من السكر
  • وملعقة صغيرة من الفانيلا
  • نخلط المكونات كلها مع بعضها، الي أن يصبح لون البيض فاتح
  •  مش شرط السكر يذوب، الأهم أن البيض يصبح افتح
  • ممكن نستعمل في خلطهم المضرب السلك أو الخلاط أو المضرب الكهربائي
  • عندما يصبح لون البيض فاتح نضيف عليه كوب  الا ربع من الزبدة السائحة أو ممكن نستعمل زبدة علي زيت او زيت فقط زي ما يعجبكم
  • نخلطهم مع بعض الذبدة تختلط مع باقي المكونات
  • ثم نضيف عليهم كوب وربع كوب اخر من الحليب، لكن الربع ده هننقص منه ملعقتين كبار
  • نسخن الحليب في الميكروويف او علي النار يسخن جيدا لكن لا يغلي
  • ونخلط كل المكونات حتي تندمج مع بعضها جيدا  والسكر المتبقي سوف يذوب من سخونة الحليب
  • ثم نحضر 3 اكواب من الدقيق
  • نضيف عليهم كيس من البيكنج بودر
  • وربع ملعقة صغيرة من الملح
  • نخلطهم الاول مع بعض جيدا
  •  ثم نضيفهم علي خليط السائل شوية بشوية مع التقليب

تابعي أيضاً: طريقة عمل كيكة الشوكولاته

  • لا نضع الدقيق كله مرة واحدة حتي لا تتكون كتل
  • اول ما الدقيق اللي وضعناه يختفي نضع شوية كمان ونكمل لحد ما ننتهي من كمية الدقيق كلها
  • الكوب اللي تم معيار المكونات بيه، حجمه 250 مللي
  • عندما نعاير الدقيق، يكون الكوب ممسوح من علي الوجه
  • وفي الاخر نحضر اسبتيولا ونخلط بيها الخليط كله من الجوانب ومن أسفل حتي نتأكد ان مفيش اي دقيق او كتل
  •  قوام الخليط بيكون ناعم وكريمي ولا يحتوي علي كتل نهائي
  • نكون مجهزين القالب مدهون كويس بالذبدة من القاعدة والجوانب،  ونضع بها رشة دقيق تغطي  القالب كله وننفض القالب براحة عشان لو في اي دقيق زيادة ينزل
  • نضع نص كمية الكيك ونضع عليها شوية من التفاح بالكراميل
  • ثم نكمل بقية كمية الكيك
  •  ممكن وضع الزبيب أو المكسرات مثل عين الجمل او البندق أو اللوز زي ما يعجبكم
  •  عين الجمل من الحاجات اللي بيكون طعمها حلو اوي مع صوص الكراميل والتفاح
  • وفي الاخر نضع علي الوجه بقية كمية التفاح والكراميل
  • ممكن نضع الكمية كلها في قالب واحد مقاس 28 أو 30
  • وممكن نقسمها في قالب مقاس 24، ونضع المتبقي من خليط الكيك في قوالب الكب كيك الصغيرة اللي بيحبها الولاد الصغيرين
  • ونضع علي الوجه أيضا من التفاح والكراميل
  •  عند وضع الكيك في قوالب سيليكون لا تدهن مادة دهنية اطلاقا، هي فقط تبل بالميه ولاتجفف
  • ثم نضع فيها خليط الكيك، وعلي الوجه أيضا نضع التفاح والكراميل

طريقة تسوية كيكة التفاح ⬇️

  • يدخل الكيك فرن ساخن مسبقا، علي درجة متوسطة 170
  • يأخذ من 40 ل 50 دقيقة
  •  ونختبر نضج الكيك بعود خشب، نختبره من المنتصف
  •  لو طلع نظيف يبقي كده تمام الكيك استوي
  • لكن لو فيه بواقي عجين نتركه كمان خمس دقائق وممكن نقلل درجة حرارة الفرن الي 160
  • نخرجه من الفرن ونسيبه يهدا قليلا قبل التقطيع

الكيك عند خروجه من الفرن بيكون مستوي حلو وأخذ لون جميل من علي الوجه ومن أسفل. وريحتها تجنن وطعمها أكثر من رائع.

قوالب الكب كيك ايضا استوت وهتعجب الولاد جدا كل واحد منهم يأخذ واحدة هتكون حلوة اوي بالنسبة لهم، ومن الممكن أن يأخذها معه المدرسة هتعجبهم جدا.

الكيك شكله من الداخل هش وناعم وطري جدا. يعتبر تطري وأخف كيك ممكن يتعمل.

وجود التفاح مع القرفة كمان اعطي للكيك طعم رائع.

ممكن تزيين الوجه بصوص الكراميل او السكر البودرة.

 

ولمعرفة معلومات عن الوصفة والمكونات يمكنكم متابعة الفيديو

 

جربوها هتعجبكم جدا وبالف هنا علي قلوبكم مقدما.

بالهنا والشفا

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد