العدس من أكثر البقوليات الغنية بالبروتين، لذلك يعتبر بديلا رائعا للحوم أو الدواجن أو الأسماك. والنهاردة هعمل معاكم شوربة العدس بطريقة حلوة أوي وطعم أكثر من رائع
هنعمل فيه شوية تكات بسيطة كده هتاخد العدس ده في حتة تانية خالص.
يلا بينا نبتدي في شرح الوصفة بالتفصيل بس الأول نشوف المكونات اللي هنحتاجها
مكونات شوربة العدس ⬇️
- 2 كوب عدس اصفر 500 جرام
- عدد 2 حبة طماطم
- 2 جزرة متوسطة الحجم
- 1 بصلة متوسطة
- 5 أو 6 فصوص ثوم
- فلفل حار
- ملح – كمون – كزبرة ناشفة – فلفل اسود
- مكعب مرقة خضروات
طريقة تسوية العدس ⬇️
- في اناء عميق علي النار نضيف معلقة كبيرة ممتلئة من السمن
- نضيف عليهم بصلة كبيرة الحجم او 2 بصلة صغيرة مقطعة الي مكعبات متوسطة الحجم
- وحبة جزر واحدة او اتنان نقطعهم شرائح متوسطة
- ونضع عليهم 5 أو 6 فصوص من الثوم نقسمهم نصين فقط حتي يطلع رائحتهم
- واختياري هنضع واحد او اتنين من الفلفل الحار نقطعهم لقطع متوسطة
- نشوح كل المكونات ديه مع بعضها علي نار هادئة لمدة دقيقة أو اثنان، مع مراعاة عدم تغير لونها
- ثم نضيف العدس الاصفر بعد غسله جيدا وتصفيته من الماء
- ونكمل تشويحهم علي نار هادئة
- نتبلهم بنصف معلقة صغيرة من الملح والكسبره الناشفة والكمون ورشة بسيطة من الفلفل الأسود
- تشويحهم في السمن بالطريقة ديه بيدي للعدس والخضار لسعة وطعم حلو اوي، مش مجرد بس خضار وعدس مسلوقين فقط
- بعد ما اتشوحوا شوية، نضع عليهم الطماطم متقطعة لمكعبات متوسطة، نقلبهم مع بعض تقلبتبن
- ثم نضع عليهم مكعب من مرقة الخضروات
- ونضيف الماء الساخن أو ممكن اضافة الشوربة الساخنة بحيث يغطي العدس، مع مراعاة عدم إضافة كمية كبيرة من الماء أو الشوربة
- اول ما يوصل لمرحلة الغليان نهدي عليه ونغطيه ونتركه يستوي علي نار هادئة لمدة نصف ساعة
تابعي أيضاً: طريقة عمل الرقاق باللحمة | أحلي طعم وقرمشة
خلط المكونات ⬇️
- ثم نقوم بخلط العدس بالهاند بلندر أو بالخلاط
- في حالة استخدام الخلاط نتركه يهدأ قليلا وايضا نرفع غطاء الخلاط الصغير الموجود في المنتصف حتي يخرج البخار الساخن
- الخلاط شيلوا الغطاء الصغير اللي في النص عشان يخرج البخار الساخن
- نخلط كل المكونات حتي يصبح الخليط ناعم وكريمي جدا
- لو القوام كان سميك اوي ممكن نزود شوية مياه صغيرة أو شوربة
- ثم نرجع مرة أخري نضعهم في الإناء ونرفعهم علي النار ونظبط طعم الملح والبهارات لو احتاج
- نتركه يغلي غلوة واحدة فقط ثم نطفأ النار عليه
- قوام العدس في الاخر بيكون متوسط ليس خفيف ولا سميك
طريقة تقديم شوربة العدس ⬇️
- نقوم بتحميص مكعبات التوست مع معلقة من السمن او زيت الزيتون في الفرن او علي النار أو ممكن في الايرفراير
- نضع العدس في طبق التقديم ونضع عليه مكعبات التوست وعصرة من الليمون
طريقة أخري لتقديم العدس مع العيش البلدي المحمص وطشة الثوم والخل ⬇️
- نقطع العيش البلدي لقطع متوسطة الحجم
- نحمصه في الفرن او الايرفراير او علي النار في معلقة سمن او زيت زيتون
- في طبق التقديم نضع العدس الساخن
- ثم نضيف عليه مكعبات العيش البلدي المتحمصة
- وفي طاسة نضع معلقة من السمن وعليها فصين او ثلاثة من الثوم مفرومين
- نشوحهم قليلا يخدوا لون ذهبي خفيف ثم نضع عليهم معلقة من الخل نتركها تغلي فقط غلوة واحدة ثم نطفأ عليها
- ونضعها مباشرة علي وش طبق العدس
بنضع العيش وطشة الثوم قبل التقديم مباشرة.
نقدمه مع بصل أخضر ونعصر عليه ليمون.
ودوقوا بقي احلي طعم للعدس.
طشة الثوم والخل بتعطي طعم رائع للعدس،
لمعرفة تفاصيل اكثر عن الوصفة والمكونات يمكنكم متابعة الفيديو
جربوه هيعجبكم جدا وبالف هنا علي قلوبكم مقدما
التعليقات مغلقة.