هنعرف مع بعض النهاردة طريقة تحضير الكيك اليومي أو زي ما بنسميه كيكة الشاي اليومية
طبعا كلنا عارفين ان طرق الكيك كثيرة جدا ولكن الكيك اليومي الاقتصادي من أكثرهم طلبا من كل أفراد الأسرة، لسهولة تحضيره ومكوناته البسيطة وطعمه اللذيذ.
هنعملها انهاردة معاكي بكل تفاصيلها وهنشوف طريقة تحضيرها في الخلاط مش هنحتاج عجان ولا مضرب كهربائي، وهنعرف كمان التسوية المظبوطة اللي تطلعها ناجحة من اول مرة لتحصلي علي اطعم والذ كيك ممكن تذوقه.
قبل ما نبتدي هنعرف الاول اسرار نجاح الكيك
- درجة حرارة الفرن مهمة جدا في نجاح الكيك، الفرن يكون ساخن مسبقا من 175 ل 180 ونضع الصينية في الرف الاوسط
- المكونات كلها بدرجة حرارة الغرفة وخصوصا البيض
- نستخدم كوب واحد لقياس كل المكونات
- استخدام نوع زيت يكون جيد وليس له رائحة والافضل زيت الذرة
- نوع الدقيق أيضا مهم يكون مخصوص للكيك اونستخدم دقيق متعدد الاستخدامات ونضع ملعقتين من النشا
- إضافة البيكنج بودر بكمية كبيرة بيدخل هواء الكيك والنتيجة هبوط الكيك بعد التسوية
- عند خلط مكونات الكيك بعد وضع الدقيق منزودش في الخلط اوي حتي لا يدخل هواء يتسبب بعد التسوية في هبوط الكيك، ونخلط براحة وفي اتجاه واحد ونوقف خلط اول ما يختفي الدقيق
- بعد خلط كل المكونات نضعها في القالب وتدخل الفرن علي طول
- بعد خروج الكيك من الفرن نتركه يبرد من 15 ل 20 دقيقة في الصينية كما هو
- جفاف الكيك أو أن يكون ناشف سببه زيادة الدقيق وقلة السوائل
مكونات الكيك اليومي
- 2 كوب ونصف دقيق
- 4 بيضات بحرارة الغرفة
- 1 كوب حليب
- كوب الا ربع زيت
- كوب ونص سكر
- 1 ملعقة كبيرة بيكنج بودر
- 2 ملعقة كبيرة نشا
- ملعقة صغيرة فانيليا
- رشة ملح
مقادير الكيك لصينية مقاس 24
- 400 جرام دقيق منخول
- ثلاثة بيضات
- رشة ملح
- كوب سكر
- نصف ملعقة فانيليا
- كوب لبن
- ثلث كوب زيت نباتي
- ملعقة كبيرة بيكنج بودر
تابعي أيضا: عمل كيكة الزبدة بالحليب المصرية
طريقة تحضير الكيك اليومي
- في الخلاط هنضيف 4 بيضات بحرارة الغرفة يعني هنطلعهم من الثلاجة قبل ما نستعملهم بنص ساعة علي الاقل
- هضيف عليها ملعقة صغيرة فانيليا سائله أو فانيليا بودر المتوفر منهم نستخدمه.
- هنخلط البيض الاول لمدة ثواني لونه يفتح شوية
- نضيف عليه كوب وربع من السكر، طعم الكيك بالكمية ديه مظبوط جدا لكن لو بتحبي الطعم مسكر زيادة شوية نحط ربع كوب سكر كمان
- نخلطهم مع بعض لمدة دقيقتين لحد ما السكر يدوب تماما
- نضيف كوب الا ربع من الزيت ويفضل يكون زيت نوعه كويس عشان الكيك يبقي ريحته حلوة
- ونضيف كوب من الحليب نسخنه قليلا في الميكروويف أو علي النار ونضيف علي الخليط
- ملعقة كبيرة من الخل تعتبر محسن طبيعي للكيك
- نخلط كل المكونات لمدة ثواني المكونات كلها تندمج مع بعضها
- نضع الخليط في بولة عميقة وهننخل عليه كل المكونات الجافة، خطوة النخل ديه بتفرق جدا في قوام وهشاشة الكيك
- هنضع في المصفاة السلك أو منخل الدقيق 2 كوب ونصف دقيق، هنستخدم دقيق متعدد الاستخدامات
- ملعقة كبيرة بيكنج بودر هنستخدم كيس البيكنج بودر كله ال 10 أو 11 جرام أو ملعقة كبيرة ممتلئة
- نضيف عليهم كمان مكون بيفرق جدا في قوام الكيك، وهو النشا هنحط ملعقتين كبار
- ننخلهم كويس جدا
تابعي أيضا: طريقة عمل كيكة المقلاة أو الطاسة بدون فرن
طريقة تحضير الكيك اليومي في الخلاط
- هنخلط المكونات كلها مع بعضها، هنخلط براحة وفي اتجاه واحد الي أن يختفي الدقيق كله ويصبح القوام ناعم وكريمي جدا، القوام بيكون متوسط مش خفيف ولا تقيل
- هتكون مجهزين الصينية أو القالب اللي هيدخل معانا الفرن مدهون بالزبدة أو السمن وممكن كمان استخدام الزيت وعليه هنرش رشة دقيق تغطي القالب كله
- المقدار ده يتحط في صينية مقاس 24 او 26
- نضيف الخليط في الصينية ونخبط الصينية خبطتين براحة عشان لو في اي فراغات أو فقاعات نتخلص منها
- ندخلها فرن هتكون مسخنينه من اول ما بدأنا في عمل الكيك علي درجة 175 مئوية
- هتخد في الفرن من 45 ل 50 دقيقة وهنختبر نضج الكيك بعود خشبي من نص الصينة لان ده اخر مكان بيستوي في الكيك لو طلع العود الخشبي في عجين نسيب الصينية كمان خمس دقائق
- نطلعها من الفرن علي طول ونتركها حتي تهدأ ثم نقطعها
الكيكة هتطلع معاكم بالطريقة ديه مستوية كويس جدا وواخدة لون حلو اوي من فوق ومن تحت، وارتفاعها كمان كويس اوي وقوامها مظبوط جدا هشة وطرية وطعمها أكثر من رائع وريحتها من وهي بتستوي في الفرن خطيرة جدا.
مش بتاخد وقت خالص في تحضيرها، يعني تعملوها الصبح كده بسرعة ساعة زمن بعمايلها وتسويتها وتكون جاهزة معاكم تفطروا بيها بالف هنا.
جربوها هتعجبكم جدا لانها طريقتها ونتيجتها فعلا تستحق التجربة
واذا حبيتي تعرفي تفاصيل اكثر أو توضيح زيادة عن الوصفة تابعي الفيديو.
التعليقات مغلقة.