القلقاس علي أصوله بطريقة امهاتنا ودوقوا بقي احلي طعم

528

مينفعش نبقي في الشتاء ومنعملش القلقاس اللي بيدوب زي الزبدة ده، هعمله معاكم النهاردة بكل تفاصيله وعلي اصوله وهنشوف طريقة تقطيعه وتنظيفه.
هنعمل كمان السلق بتاعه بطريقة سهلة وحلوة جدا يلا بينا نبتدي في شرح الوصفة بس الاول نشوف المكونات اللي هنحتاجها

القلقاس علي أصوله بطريقة امهاتنا ودوقوا بقي احلي طعم

مكونات القلقاس ⬇️

  • كيلو ونصف قلقاس
  • 4 حزم سلق
  • كزبرة خضراء
  • شبت
  • ثوم
  • شوربة (معمولة بالحبهان والمستكة وورق اللورا )
  • سمن
  • عصير ليمون
  • ملح – فلفل اسود – كسبره ناشفة

ولمعرفة معلومات وتفاصيل اكثر عن الوصفة يمكنكم متابعة الفيديو 👇

طريقة التقطيع ⬇️

  • اول حاجة هنعملها نجيب قلقاس واحنا بنشتريه نحاول نجيب اللي حجمها صغير او متوسط مش كبيرة
  • نغسلها تحت المياه الجارية بفرشاة لتنظيفها من اي رواسب عليها، مع مراعاة غسلها
  • ثم تجفيفها جيدا بفوطة أو مناديل مطبخ
  • ونبدا في تقشيرها باستخدام سكين حاد مثل تقشير البطاطس
  • او ممكن نثبتها علي اي سطح وبالسكينة نقشرها داير ما يدور
  • ثم نمسحه جيدا بفوطة نظيفه
  • ونقطعه مكعبات متوسطة الحجم

تابعي أيضاً” طريقة تجهيز الطعمية البيتي علي أصولها

تنظيف القلقاس ⬇️

في طريقتين لغسيل القلقاس

الطريقة الأولي

  • نغسله بماء ساخن أكثر من مرة وكل مرة نغير الماء ونضع ماء نظيف وندعكه جيدا حتي نتخلص من المادة اللزجة اللي علي الوش

الطريقة الثانية

وديه الافضل بالنسبة ليا وتعتبر الطريقة الأصح

  • بعد تقطيع القلقاس نجمع الكمية كلها علي فوطة مطبخ نظيفة ونمسحه مرة أخري جيدا نراعي مسحه قبل التقطيع وبعد التقطيع بفوطة نظيفة ومسحه جيدا
  • ثم نتركه مفرود علي الفوطة

 تسوية القلقاس ⬇️

  • في حلة عميقة نضع كمية مناسبة من المرقة
  • ممكن نستخدم شوربة لحم أو بط او اي شوربة اخري متوفرة مع مراعاة أن كل ما كانت الشوربة دسمة وطعمها حلو بتعطي مزاق رائع للقلقاس
  • نتركها حتي تغلي
  • ثم نضع عليها عصير ليمونة
  • ونضع بعد ذلك القلقاس المقطع
  • ونأخذ عودان اتنان فقط من الشبت، نأخذ منهم الورق فقط ونقطعهم صغير جدا
  • ثم نغطيها ونتركها علي نار هادئة حتي تستوي
  • مع مراعاة متابعتة من وقت لآخر حتي لا يستوي زيادة عن اللزوم

نترك القلقاس يستوي ونجهز السلق

طريقة تحضير السلق والكزبرة الخضراء ⬇️

  • نحضر 3 أو 4 حزم من السلق
  • وحزمة كبيرة من الكزبرة الخضراء
  • نغسلهم جيدا أكثر من مرة، مع تغيير الماء أكثر من مرة
  • ثم نقطع الاوراق فقط أو نقرطفها بدون العرق
  • لابد من تقطيع الورق فقط من داخل العروق نفسها
  • نقطف ورق السلق وكذلك الكزبرة الخضراء

تسوية السلق والكزبرة الخضراء ⬇️

  • نحضر طاسة عميقة
  •  ونضع فيها كمية السلق والكسبرة كلها
  • مش هنضيف سمن ولا اي حاجة دلوقتي
  • نتركها علي نار متوسطة الي أن تتخلص تماما من الماء وحجمها يصبح أقل
  • ثم في المرحلة ديه يمكننا إضافة السمن
  • نضع ملعقة أو ملعقتين كبيرتين من السمن علي السلق
  • ضيفوا  كمية مناسبة من السمن حتي يتحمر السلق جيدا
  • ونتركه علي نار هادئة مع التقليب كل شوية
  • الي أن يتدبل شوية ويبدأ لونه يتغير
  • ثم نضيف عليه 7 أو 8  فصوص من الثوم
  • و نقلب فيهم كل شوية لحد ما نلاقي الثوم خذ اللون الذهبي الحلو، والسلق بدا يخرفش في الطاسة مبقش طري خلاص
  • بمعني عند وضعه كمية بسيطة منه بين ايدينا نلاقيه ناشف وسهل الكسر
  • مع مراعاة التقليب باستمرار حتي يحمر جيدا من كل نواحيه
  • وعدم تركه فترة طويلة حتي لا يتحرق

 طحن او صحن السلق والكزبرة الخضراء ⬇️

  • السلق  بيطحن او بنصحنه بكذا طريقة
  •  ممكن نتركه لما يبرد تماما لحد ما يصبح ناشف أكثر، ووقتها ممكن بالمعلقة نطحنه وهيكون طحنه اسهل
  • أو ممكن في الهون زي ما كان بيتعمل زمان
    او تعملوه في الكبه او في الخلاط مع حبة شوربة صغيرة
    الاسهل بالنسبة ليكم اعملوه

طريقة وضع السلق علي القلقاس ⬇️

  • بعد تسوية القلقاس
  • وايضا بعد تسوية السلق وطحنه
  • نأخذ السلق ونضعه علي القلقاس بعد سلقه في الشوربة
  • ونتركهم يغلوه غلوة واحدة فقط ثم نطڤا عليهم مباشرة
  • نراعي عدم تركهم علي النار فترة طويلة حتي لا يصبح القلقاس مهري

وكده خلاص يعتبر القلقاس جاهز نقدمه جنب رز بالشعرية أو رز ابيض

ولمعرفة اي تفاصيل اكثر عن الوصفة والمكونات يمكنكم متابعة الفيديو

بالف هنا علي قلوبكم مقدما

بالهنا والشفا

0/5 (0 Reviews)

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد