طريقة عمل اصابع البطاطس المقرمشة في الفرن بطعم خطير جدا

546

البطاطس المحمرة أو (البطاطس المقرمشة) من أكثر الاكلات المحببة للجميع، الكبار قبل الصغار يعشقون طعمها، وخصوصا لما تكون مقرمشة من بره وطرية من جوه

لكن دائما مشكلتنا في التحمير بالزيت الغزير، وأنها بتكون غير صحية

وعشان كده يفضل أننا نعملها في الفرن، لكن بتواجهنا مشكلة أخري وهي عدم تسويتها بشكل جيد في الفرن.

في وصفتنا انهاردة هنعمل البطاطس المقرمشة في الفرن بطريقة سهلة وبسيطة جدا،  بتطلع مقرمشة من بره ومن جوه طرية، وهنعمل لها كمان خلطة حلوة جدا تغطي البطاطس كلها رائحة وطعم رائع للبطاطس.

وهنعمل معاها أيضا صوص الجبنة اللذيذ، هنعمله في دقيقة واحدة

يلا بينا نبتدي في شرح الطريقة بالتفصيل لكن الاول نشوف المكونات اللي هنحتاجها

البطاطس المقرمشة

مكونات البطاطس المقرمشة ⬇️

  • كيلو الا ربع بطاطس
  • 4 ملاعق كبيرة ممتلئة زيت زيتون
  • 4 ملاعق كبيرة ممتلئة جبنة مبشورة ( بارميزان أو جبنة رومي )
  • 5 ملاعق كبيرة ممتلئة بقسماط كرسبي
  • نص ملعقة صغيرة ملح
  • ملعقة صغيرة ثوم مفروم
  • ملعقة صغيرة زعتر
  • ملعقة صغيرة بابريكا

مكونات صوص الجبنة ⬇️

  • 40 جرام جبن شيدر
  • 3 ملاعق حليب
  • ملعقة صغيرة زبدة
  • ملعقة صغيرة سيراتشا

طريقة تحضير البطاطس المقرمشة ⬇️

  • نقشر البطاطس ونقطعها مثل تقطيعة البطاطس الوديجز، وتكون كلها مقاس واحد وبسمك متوسط، حتي نضمن تسويتها بشكل جيد
  • نضعها في اناء، وعليها نضع ماء ساخن يغطي وش البطاطس بالكامل
  • ثم نضيف ملعقة صغيرة من الملح
  • نتركها تغلي غلوة واحدة فقط ثم نطفأ النار
  • ونتركها في الماء الساخن من 10 الي 15 دقيقة
  • ثم نصفيها ونضعها علي مناديل أو فوطة مطبخ ونجففها من ميتها تماما
  • نحضر كيس بلاستيك، ونضع فيها كل كمية البطاطس
  • ثم نضيف عليها 4 ملاعق كبيرة ممتلئة من زيت الزيتون
  • ونقلبهم جيدا مع التحريك داخل الكيس، حتي تغلف البطاطس كلها بالزيت
  • نتركها جانبا ونحضر باقي المكونات
  • في بولة نضع 4 ملاعق كبيرة ممتلئة من الجبن المبشورة ( بارميزان أو جبنة رومي)
  • وملعقة صغيرة من الثوم المفروم
  • ملعقة صغيرة من البابريكا

تابعي أيضاً: طريقة عمل صينية فراخ بالبطاطس بصلصة لذيذة جدا

  • ملعقة صغيرة من الزعتر
  • وربع ملعقة صغيرة من الملح ( منزودش الملح اوي لاننا وضعنا في ماء سلق البطاطس كمية كويسة من الملح
  • نخلط كل المكونات جيدا، ثم نضيفها علي البطاطس
  • ونحرك الكيس حتي تتبل البطاطس جيدا
  • ثم نضع اخر مكون وهو البقسماط المطحون أو الخبز المطحون الذي يعطي البطاطس قرمشة وطعم مميز
  • ثم تحرك الكيس مرة أخري حتي تتغلف البطاطس كلها بالبقسماط
  • ثم ناخذ البطاطس ونرصها في صينية مدهونة زيت، أو عليها ورق زبدة
  • نضعها في فرن ساخن مسبقا علي اعلي درجة، حتي تكتمل تسويتها وتحمر بشكل جيدا، وتصبح مقرمشة من الخارج ومن الداخل طرية

طريقة تحضير صوص الجبن السريع بطعم لذيذ ⬇️

  • في طبق عميق نضع الجبن الشيدر
  • و 3 ملاعق كبيرة ممتلئة حليب
  • وملعقة صغيرة زبدة
  • ندخلهم الميكروويف لمدة 10 ثواني، ثم نقلبهم وندخلهم لمدة عشر ثواني أخري، تخرجهم من الميكروويف، ونقلبهم جيدا حتي يصبح قوام الصوص ناعم وكريمي، لذا كان الصوص سميك ممكن اضافة ملعقة أو ملعقتين من الحليب الساخن ونقلب حتي يصبح قوام الصوص مظبوط
  • ثم نضيف ملعقة صغيرة من السيراتشا لتعطي مزاق سبايسي خفيف وايضا تعطي لون حلو الجبن

نقدم البطاطس المقرمشة وهي ساخنة مع صوص الجبن وجبة لذيذة جدا وطعمها أكثر من رائع

البطاطس بالطريقة ديه بتكون صحية وفي نفس الوقت مقرمشة من بره ومن جوه طرية

جربوها ومتأكدة أنها هتعجبكم جدا وبالف هنا علي قلوبكم مقدما

لمعرفة تفاصيل اكثر عن الوصفة والمكونات يمكنكم متابعة الفيديو

بالهنا والشفا

0/5 (0 Reviews)
تعليق 1
  1. […] تابعي أيضاً: طريقة عمل البطاطس المقرمشة في الفرن […]

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد