العجة المصرية علي اصولها بطعم وريحة زمان👌🏻
العجة المصرية بطريقة امهاتنا علي اصولها، سهلة وسريعه والطعم خطير.
من الأكلات الحلوة جدا اللي بتفتح النفس واللي بتتعمل وتتقدم في اي وقت لا تستغرق وقت في تحضيرها، وايضا لا تحتاج إلي مكونات كتيرة
👈مكونات العجة المصرية ⬇️
- 2 بصلة كبيرة أو 3 متوسط
- فلفل حار ( اختياري)
- 2 حبة طماطم
- 5 حبة بيض ( ممكن نستخدم 7 أو 8)
- نص حزمة بقدونس وعودين كزبرة خضراء الورق فقط وعودين من الشبت الورق فقط
- ملعقة صغيرة بيكنج صودا او ملعقة كبيرة بيكنج بودر
- 5 ملاعق صغيرة دقيق
- معلقة صغيرة ( ملح – كمون – بابريكا – كزبرة ناشفة – رشة فلفل اسود )
- زيت
👈طريقة تحضير العجة المصرية 👇
تسوية الخضار ⬇️
- نحضر طاسة ونضع بها كمية مناسبة من الزيت
- ونضيف عليهم 2 بصلة كبيرة او 3 متوسطة الحجم من البصل الأبيض، المقطع لقطع صغيرة
- نشوح في الزيت علي نار هادئة
- ونستمر في تقليب البصل حتي يصبح طري ومتكرمل خفيف ويصبح لونه ذهبي خفيف، وبذلك نحصل علي الطعم المسكر للبصل
♕ملحوظة(نراعي عدم تحمير البصل اكثر من اللازم حتي لا يغمق لونه وطعمه يمرر )
- ثم نضع عليه 1او 2 من الفلفل الحامي متقطع صغير جدا
♕ملحوظة ( كمية الفلفل حسب الرغبة هو بيعطي طعم طيب للعجة)
- نقوم بتشويحهم مع البصل تشويحة بسيطة
- نحضر 2 حبة طماطم ننزع منهم الميه والبذر ونقطعهم مكعبات صغيرة
- ثم نرفع درجة الحرارة حتي لا تنزل الطماطم ميتها ونشوحها مع البصل تاخذ تشويحة بسيطة في الزيت
- وبذلك يكون البصل استوي وطري واتشوح مع الطماطم والفلفل، وخذ اللون الذهبي الحلو
- ثم نطفئ النار ونتركه جانبا حتي يبرد تماما
تحضير خليط العجة ⬇️ا
- في بولة عميقة نضع 5 حبات من البيض
♕ملحوظة ( ممكن نضيف من 6 ل 8 بيضات حسب رغبتكم)
- ثم نتبلهم بمعلقة صغيرة من الملح والكمون والبابريكا ورشة بسيطة من الفلفل الأسود ومعلقة كبيرة من الكزبرة الناشفة نقلبهم جيدا
- ونضيف عليهم الدقيق
♕ملحوظة (كل بيضة نضعها تاخذ معلقة صغيرة ممسوحة من الدقيق)
- ونضع ايضا معلقة صغيرة ممتلئة من البيكنج صودا اللي هي الكرباناتو تجعلها هشة وخفيفة) لو مش متوفرة نستبدلها بمعلقة كبيرة ممتلئة من البيكنج بودر
- و نقوم بخلط المكونات كلها جيدا مع بعضها
- ونضيف عليهم الخضرة حزمة كبيرة من البقدونس وعودين فقك من الكزبرة والشبت وممكن نكتفي بالبقدونس فقط
- و بالمضرب السلك أو في الخلاط الكهربائي نخلط حتي تندمج جميع المكونات مع بعضها
- نضيف البصل
♕ ملحوظة ( البصل يكون بارد او دافي لا نضع البصل وهو سخن) ونقلب كله مع بعضه وكده يكون جاهز
♕ملحوظة ( القوام لايكون خفيف ولا تقيل لو تقيل اوي ممكن نقوم بتخفيفة بمعلقة او اتنين من الحليب)
تابعوا أيضاً: طريقة عمل الكشك علي أصوله بطريقة بسيطة
التسوية ⬇️
- نحضير تكون مناسبة لكمية الخليط، علي سبيل المثال صينية مقاس 20× 20 أو صينية مقاس 24
- ونمسحها بالزيت جيدا
( والخطوة اللي بتفرق في تسوية العجة إننا نقوم بتسخين الصينية بالزيت الأول ثم نصع فيها خليط العجة حتي تعمل طبقة من تحت ومتلزقش في قعدة الصينية لذلك يجب تسخين الصينية بالزيت قبل وضع خليط العجة )
- و نقوم بفرد الخليط في الصينية ونساوي وجها وندخلها فرن ساخن مسبقا علي درجة حرارة متوسطة 180
- نتركها تستوي كويس من جوه وتخد اللون الحلو ده من تحت ومن فوق.
(هي لاتاخذ وقت كتير في الفرن)
♡♡ حلوة وطعمها رائع قدموها وهي ساخنة في فطار او غداء مع بطاطس محمرة و طماطم مخللة وليمون وعيش ودوقوا بقي احلي عجة جربوها هتعجبكم جدا
لمعرفة تفاصيل اكثر عن الوصفة يمكنكم متابعة الفيديو
الف هنا علي قلوبكم مقدما واشوفكم علي خير
