هعمل معاكم انهاردة اكلة حلوة اوي وبسيطة وطعمها رائع وهي الكشك, الكشك بيتعمل بكذا طريقة، علي سبيل المثال في كشك المظ وفي الكشك الصعيدي وفي أيضا الكشك المصري وديه وصفتنا انهاردة.
الكشك المصري طريقته بسيطة جدا وبيتعمل بشوية شوربة وحليب مع شوية حاجات بسيطة كده هنعملها هتطلع معاكم احلي طبق كشك ممكن تدوقوه.
يلا بينا نبتدي في شرح الوصفة بالتفصيل بس الأول نشوف المكونات اللي هنحتاجها.
مكونات الكشك المصري ⬇️
- 2 كوب من الشوربة ( يفضل استخدام شوربة بط او فراخ بلدي )
- 2 كوب حليب كامل الدسم
- 3 ملاعق أرز
- 2 ملعقة كبيرة ممتلئة دقيق
- 2 ملعقة كبيرة ممتلئة سمن
- 3 ملاعق كبيرة زبادي
- 1 بصلة كبيرة الحجم او 2 متوسطة الحجم
- ملح وفلفل ورشة بسيطة اوي من الشطة
طريقة تحضير الكشك ⬇️
- الكشك الحلو بيحتاج شوربة حلوة، شوربة بط او شوربة فراخ بلدي
- في حلة نضع 2 كوب من الشوربة
- ثم نضع عليهم 3 ملاعق كبيرة من الأرز المغسول والمصفي
- نضعهم علي نار متوسطة، واول ما الشوربة تبدأ في الغليان نهدئ النار علي أقل شئ ونترك الارز يستوي ويفتح كله
- بعد نضج الارز بشكل جيد، نضع حوالي كوب ونصف من الحليب كامل الدسم
- نظبط طعم الملح والفلفل، ونضع رشة بسيطة اوي من الشطة تعطي مذاق رائع
- نتركها علي نار هادئة المكونات كلها تسخن مع بعضها
- وفي الوقت ده نحضر خليط الحليب والدقيق
يمكنك أيضاً متابعة طريقة عمل شوربة العدس بطعم رائع وتكة بسيطة
تحضير خليط الحليب والدقيق
- في طبق عميق نضع نصف كوب من الحليب كامل الدسم
- ثم نضيف عليهم 2 ملعقة كبيرة ممتلئة من الدقيق
- و3 ملاعق كبيرة من الزبادي
- نخلط كل المكونات جيدا حتي تصبح بدون كتل
- وبعد غليان الحليب والشوربة والأرز نضع خليط الدقيق والحليب والزبادي
- نضعه شوية بشوية مع التقليب حتي لا يتكون كتل
- مع مراعاة النار تكون هادئة
- نخلط المكونات كلها مع بعضها جيدا ونتركها علي نار هادئة مع التقليب حتي تغلي ونحصل علي خليط قوامه كريمي وسمكه مظبوط
- في حالة أن الخليط خفيف، في كوب خارجي نضع ملعقة صغيرة دقيق وعليها قليل من الحليب ونخلطهم جيدا مع بعض ثم نضيفهم علي الخليط مع التقليب
- نخلط حتي نحصل علي القوام المطلوب، بحيث يكون كريمي وله قوام متوسط ليس خفيف ولا سميك
- وفي حالة أن الخليط سميك اوي يمكن إضافة قليل من الحليب او الشوربة، مع مراعاة أن الكشك بعد ما يبرد يصبح قوامه اتقل
- ممكن اضافة قطع من الدجاج المسلوق، نقوم بتقطيعها لقطع صغيرة وإضافتها الي الكشك
- نطفي النار ونترك الكشك جانبا ونبدا في تحمير البصل
تحمير البصل
- نحضر طاسة
- ونضع فيها 2 ملعقة كبيرة ممتلئة من السمن
- نراعي أن كمية السمن تكون مناسبة لكمية البصل، بمعني أن السمن تكون كافية وليست قليلة حتي يتحمر جيدا ويأخذ لون ذهبي
- ثم نضيف عليها بصلة كبيرة الحجم او 2 بصلة متوسط الحجم
- يفضل تقطيع البصل باليد الي قطع صغيرة جدا حتي يصبح شكل حلو مقرمش ويتحمر جيدا
- نضعها علي نار متوسطة ونبدا في تحمير البصل حتي يأخذ لون ذهبي حلو
- نراعي عدم المبالغة في تحمير البصل حتي لا يأخذ لون غامق ويعطي طعم مر للكشك
- بعد تحمير البصل نأخذ منه نصف الكمية أو أكثر شوية ونضعهم علي مصفاة حتي يصبح مقرمش
- ونأحذ باقي كمية السمن والبصل ونضعهم علي الكشك
- طعم السمن مع البصل بيعطي للكشك مذاق رائع ومميز جدا
في حالة أن الشوربة المتوفرة كانت خفيفة مش دسمة اوي ممكن نضيف نصف كوب من الكريمة او القشطة لإعطاء طعم غني مذاق رائع للكشك
نضعه في أطباق التقديم ونزينه بالبصل المقرمش ونقدمه مع عيش محمص ليصبح وجبة رائعة
ولمعرفة اي تفاصيل اكثر عن الوصفة والمكونات يمكنكم متابعة الفيديو
جربوه هيعجبكم جدا وبالف هنا علي قلوبكم مقدما
التعليقات مغلقة.