لكل محبي الطهي والوصفات الشهية

طبقات الجيلي والبسكويت حلي بارد في عشر دقائق | بدون بيض أو كريمة أو حتي فرن حلو يرطب علي القلب

251
  • هعمل معاكم النهاردة اسهل واسرع طبقات حلي بارد ممكن تعملوها طبقات جيلي بالبسكوت والكريمة،  حلو بارد سهل وخفيف اوي

مش هنحتاج فيه ولا كريمة ولابيض ولا حتي فرن

هنعمله من 3 طبقات بسيطة

جيلي وبسكوت وفي وسطهم طبقة من المهلبية، بس مش اي مهلبية لا ديه مهلبية كريمية وناعمة وخفيفة وبتذوب في الفم، مش هتلاقوها متماسكة وانتوا بتأكلوها لا خالص طعمها بيبقي حلو اوي.

الوصفة ديه لا تأخذ وقت في تحضيرها، الوقت كله هيكون في فترة وضعها في الثلاجة حتي تتماسك.

يلا بينا نبتدي في شرح الوصفة بس الاول نشوف المكونات الي هنحتاجها

مكونات طبقات حلي بارد ⬇️

  • 4 اكواب حليب
  • 2 ملعقة كبيرة نشا
  • 5 ملاعق كبيرة دقيق
  • 5 ملاعق كبيرة سكر
  • 2 ملعقة كبيرة قشطة أو زبدة
  • نصف ملعقة صغيرة فانيليا
  • 3 اكياس جيلي
  • بسكوت أو كيك

طريقة تحضير طبقات الجيلي بالبسكوت والكريمة 👇

  • نجهز الصينية او اللي القالب اللي هنعمل فيه الوصفة، مع مراعاة أنه يكون حجم مناسب لكل الطبقات
  • نحضر البسكوت وحليب

ملحوظة (استعملوا أي نوع بسكوت متوفر عندكم صحيح أو حتي مكسر مش هتفرق)

  • نضعه في الحليب ونرفعه سريعا حتي لايذوب، ثم نضعه في الصينية واحدة بجوار الأخري حتي يكتمل اول طبقة تغطي قاعدة الصينية بالكامل
  • هنعمل طبقتين من البسكوت حتي تصبح طبقة البسكوت سميكة
  • ولو عندكم بواقي كيك او كيك ناشف تقدروا تحطوه بدل البسكوت
  • وترشوا عليه القليل من الحليب حتي يصبح الكيك اطري
  • نترك قالب البسكوت جانبا ونجهز اول طبقة

👈تجهيز الطبقة الثانية من الكريمة👇

  • في اناء عميق نضع 4 اكواب من الحليب
  • ثم نضيف عليهم ٤ او ٥ معالق كبار من السكر، كمية السكر ديه معقولة جدا بيبقي طعم السكر فيها خفيف، لكن لو عايزين تزودا السكر اكتر برحتكم
  • 2ملعقة كبيرة ممتلئة من النشا
  • 5 معالق كبيرة من الدقيق

 

تابعوا أيضا: طريقة عمل كيكة البرتقال في الخلاط

ملحوظة (وجود الدقيق مع النشا يعطي قوام خفيف للمهلبية وطعم افضل من وجود النشا فقط )

  • نقوم بخلطها علي البارد الأول حتي تدوب كل  المكونات
  • ثم نرفعها علي النار مع التقليب باستمرار حتي لاتتكون كتل
  • ثم نهدي النار عليها حتي يتم نضج الدقيق جيدا

ملحوظة (نراعي التسوية علي نار هادئة حتي يتم نضج الدقيق ويصبح الطعم افضل)

  • نستمر بتقليب حتي يصبح القوام كريمي وسمكه اثقل
  • ثم نضيف ملعقة صغيرة من الفانيليا البودر او السائلة
  • للحصول علي طعم اطيب وقوام كريمي نضيف من 3 الي 4 معالق كبيرة ممتلئة من القشطة او الزبدة ويتم اضافتهم قبل ان نطفي النار مباشرة
  • ثم ناخدهم من علي النار ونضعه علي طبقات البسكوت مباشرة
  • ونقوم بتوزعها حتي تغطي طبقة البسكوت بالكامل

نترك الصينية جانبا حتي تبرد تماما ونقوم بتجهيز الطبقة الاخيرة

ملحوظة (ممكن بعد المهلبية ما تبرد تماما نضيف قطع من الفاكهة فراولةاو موز بيبقي طعمه حلو اوي معاها)

👈 طريقة تحضير الطبقة الاخيرة من الجيلي 👇

  • في اناء عميق نضع  3 اكياس من الجيلي وعليهم 2 كوب من الماء المغلي
  • ونقوم بخلطهم جيدا حتي تذوب حبيبات الجيلي تماما
  • ثم نضيف  2 كوب ونصف من الماء المثلج،  حتي يبرد سريعا ونقلبهم جيدا
  • ثم يتم اضافتهم علي طبقة الكريمة

ملحوظة (نراعي قبل وضع الجيلي ان تكون طبقة الكريمة باردة تمام و يراعي وضع الجيلي بحرص حتي لا يختلط الطبقات مع بعضها)

نصعها في الثلاجة ونتركها حتي تصبح طبقة الجيلي متماسكة تمام

ويفضل تحضيرها من قبلها بيوم حتي يصبح الطعم اطيب.

 

  • ممكن قبل التقديم مباشرة نقوم بتزينها بشرائح من الفراولة أو الموز لشكل افضل في التقديم

لمعرفة تفاصيل اكثر عن الوصفة يمكنكم متابعه الفيديو

جربوها والف هنا علي قلوبكم مقدما

بالهنا والشفا

 

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد