هعمل معاكم النهاردة حاجة حلوة جدا، كيكة السينابون في المج، كلها علي بعضها متخدش 5 دقائق في تحضيرها وتسويتها
وعلي اد ما مكوناتها بسيطة جدا، لكن نتيجتها تحفة سينابون هش وطعمه أكثر من رائع.
يلا بينا نبتدي في شرح الوصفة لكن نشوف المكونات اللي هنحتاجها الاول
مكونات كيكة السينابون
- 4 ملاعق كبيرة دقيق
- ملعقة كبيرة سكر
- ربع ملعقة صغيرة بيكنج بودر
- ربع ملعقة صغيرة قرفة
- رشة ملح
- ملعقة كبيرة زيت
- 3 ملاعق كبيرة حليب ( ممكن اضافة ملعقة زيادة حسب قوام الخليط )
- نص ملعقة صغيرة زبدة
- ملعقة كبيرة سكر
- نص ملعقة صغيرة قرفة
- نص ملعقة صغيرة كاكاو خام
نزينها بحليب مكثف محلي ومكسرات اختياري
ملحوظة : هنعاير مكونات الوصفه كلها بالمعالق المعياريه الملعقه الكبيره وربع الملعقه الصغيرة
شاهدي أيضاً: طريقة عمل الكيك بطعم وريحة السينابون
طريقة عمل كيكة السينابون
- هنحتاج 4 معالق كبيره من الدقيق
- وهنضيف عليهم رشه ملح
- وملعقة كبيرة من السكر
- وربع ملعقة صغيرة من القرفة
نقوم بخلط المكونات الجافه الاول مع بعضها، ثم نضع عليهم السوائل
- ملعقة كبيرة من الزيت
- 3 ملاعق كبيرة حليب وممكن إضافة ملعقة أخري حسب احتياج الخليط
نخلط المكونات كلها مع بعضها جيدا حتي يصبح قوام الخليط ناعم وكريمي وقوامه متوسط
نترك الخليط جانبا لمدة ثواني ونجهز خليط القرفة
- في طبق صغير نضع نصف ملعقة صغيرة من الذبدة
- وملعقة كبيرة سكر
- ونص ملعقة صغيرة كاكاو خام
- ونص ملعقة صغيرة قرفة
ندخلهم الميكروويف لمدة ثواني الزبدة تسيح ثم نخلط المكونات جيدا لنتأكد من ذوبان السكر قليلا
شاهد أيضاً: طريقة عمل حلى بارد بمكونات موجودة في كل بيت
- نحضر مج أو كوب متوسط الحجم ويكون مناسب لكمية الخليط
- نضع نص مقدار الكيك الاول، ثم عليه نص خليط القرفة
- ثم نضع باقي خليط الكيك كله
- وعلي الوجه نضع باقي خليط القرفة
نضع المج في الميكروويف من 60 ل 80 ثانية، وقت التسوية معايا كان 80 ثانية بالظبط
- نخرجها من الميكروويف ونضع علي الوجه حليب محلي مكثف وعين جمل محمص ومتقطع قطع صغيرة
ممكن اضافة صوص شوكولاته أو صوص كراميل أو صوص ابيض
وممكن تقدم كما هي بدون اي صوص علي الوجه وفي هذه الحالة يفضل إضافة نص ملعقة من السكر زيادة علي خليط الكيك
وصفة سهلة جدا وبسيطة، وطعمها حقيقي رائع، مش مجرد كيكة معمولة في الميكروويف طعمها كأننا بنأكل سينابون بالظبط هشة جدا مش مكتومة ولا مكبوسة، جربوها ومتأكدة أنها هتعجبكم جدا وبالف هنا علي قلوبكم مقدما
لمعرفة اي تفاصيل اكثر عن الوصفة والمكونات يمكنكم متابعة الفيديو
[…] تابعي أيضاً: طريقة عمل كيكة السينابون في الميكروويف […]
[…] تابعي أيضاً: طريقة عمل كيكة السينابون في الميكروويف […]