طريقة عمل الكيك بطعم وريحة السينابون بمكونات بسيطة ومن غير مضرب ولا خلاط

النهاردة هنتعلم مع بعض طريقة عمل الكيك بطعم وريحة السينابون، كيك هش وخفيف ومكوناته بسيطة جدا، وهنعمله من غير مضرب كهربائي ولا خلاط بالمضرب السلك،

هيطلع اطعم والذ كيك ممكن تدوقوه يلا نشوف مكوناته الاول

طريقة عمل الكيك بطعم وريحة السينابون

مكونات الكيك ⬇️

• 2 كوب دقيق + 2 ملعقة كبيرة 270 جرام
• 4 بيضة بحرارة الغرفة
• كوب ونص سكر 300 جرام
• كوب زبدة 175 جرام ( ممكن استخدام نص الكمية زيت والنص زبدة )
• كوب حليب – 2 ملعقة كبيرة 210
• ملعقة كبيرة بيكنج بودر
• ملعقة صغيرة فانيليا
• رشة ملح

الصوص الابيض ⬇️

• نص كوب حليب مكثف
• 3 ملاعق كبيرة جبن كريمي
• نص كوب كريمة خفق

صوص الكراميل ⬇️

• كوب الا ربع سكر 150 جرام
• نص كوب كريمة خفق 100 مللي
• ملعقة كبيرة زبدة

تابعوا من هنا: طريقة عمل كيكة الزبدة بالحليب المصرية

طريقة عمل الكيك

• اول حاجة هنعملها قبل ما نبتدي هنسخن الفرن علي 170 درجة.
•  هنخلط المكونات الجافة مع بعضها، 2 كوب من الدقيق وهنزود عليه معلقتين دقيق، وملعقة كبيرة من البيكنج بودر، و رشة ملح، هنخلطهم مع بعض جيدا، ثم نتركهم جانبا ونجهز باقي المكونات
• هنحتاج 4 بيضات بحرارة الغرفة، هنطلع البيض من الثلاجة قبل ما نستخدمه علي الاقل بنص ساعة
• ثم نضيف عليه كوب ونص من السكر
• ملعقة صغيرة من الفانيليا
• وهنخلط كل المكونات جيدا بالمضرب السلك، هنخلطهم لمدة دقيقتين حتي يذوب السكر ويصبح اللون فاتح والقوام كريمي، وقبل ما نضيف عليهم الدقيق نتركهم قليلا ونحضر المكونات السائلة

طريقة عمل الكيك (المكونات السائلة)

• هنحتاح كوب الا ربع من الزبدة وعليه كوب من الحليب، نضعهم علي النار او في الميكروويف، حتي تسيح الزبدة والحليب يصبح ساخن
• علي خليط الكيك هنضيف الدقيق، وهنضيفه تدريجيا شوية بشوية عشان ميتكتلش، القوام هيكون تقيل في الاول لان لسه مضيفنش عليه السوائل, هنخلط براحة ومش كتير، بمجرد ما يختفي الدقيق نوقف خلط
•  الحليب اصبح ساخن هنضيفه علي خليط الكيك، مع التقليب حتي يصير القوام ناعم وكريمي
• ناخذ من الخليط حوالي كوب، ونضيف عليه 2 ملعقة كبيرة من القرفة وملعقة كبيرة كاكاو خام غير محلي، نخلطهم جيدا
• نحضر القالب أو الصينية اللي هتدخل معانا الفرن، وتكون مدهونة بالزبدة جيدا وعليها رشة دقيق تغطي القالب كله
• نصب جزء من خليط الكيك وعليه جزء من خليط القرفة وهكذا بالتبادل حتي تنتهي كمية الكيك
• نخبط القالب خبطتين علي اي سطح حتي يخرج منه الهواء
• ندخلها فرن ساخن مسبقا علي درجة 170 في الرف الاوسط هتخذ من 30 ل 40 دقيقة، ونختبر نضج الكيك بعود خشب من المنتصف اذا طلع نظيف يبقي استوت لكن لو لسه فيها عجين هنسيبها كمان خمس دقائق
• نطلعها ونسيبها لحد ما تبرد وبعدين نقطعها
• ممكن تتقدم زي ما هي كده او نعمل لها صوص ابيض أو صوص كراميل أوصوص شيكولاتة نزين بيهم الوش
• كيكة هشة جدا وطعمها رائع، مكوناتها بسيطة وطريقة تحضيرها سهلة وبسيطة جدا

تحضير الصوص الابيض

• في بولة نضع نص كوب كريمة خفق نخفقها بالمضرب الكهربائي حتي يصبح قوامها كريمي ومتماسك
• ثم نضيف عليها نص كوب حليب مكثف
• 3 ملاعق كبيرة جبن كريمي بس يفضل نخلط الجبن الكريمي الاول قبل ما نضيفها علي باقي المكونات
• نعيد خفق كل المكونات مع بعضها لمدة ثواني وكده يبقي الصوص الابيض جاهز نضعه علي وجه الكيكة

طريقة صوص الكراميل

• في طاسة علي النار نضع كوب الا ربع سكر
• نتركه علي نار هادئة بدون تقليب حتي تبدأ الأطراف تأخذ لون ذهبي
• نقلب كل السكر مع بعضه حتي يصبح لون ذهبي غامق
• نضيف عليها معلقة الزبدة ونقلبها تقلبتين
• ثم نضيف نصف كوب من كريمة الخفق ونقلب واول ما تغلي نقفل عليها

وبكده أصبح صوص الكراميل جاهز نزين بيه الوجه مع الصوص الابيض او ممكن نكتفي بيه وممكن نضيف صوص شيكولاتة وتتقدم وبالف هنا

جربوا طريقة عمل الكيك بطعم وريحة السينابون ومتأكدة أنها هتعجبكم جدا

شوفوا طريقة عمل الكيك بطعم وريحة السينابون بالفيديو من هنا