لكل محبي الطهي والوصفات الشهية

طريقة عمل فطيرة البطاطس باللحمة المفرومة في الطاسة

337

هعمل معاكم انهاردة، وصفة سهلة جدا وهي فطيرة البطاطس باللحمة المفرومة، هنعملها كلها في طاسة واحدة وعلي البوتجاز مش هنحتاج فرن ولا حاجة، ومبتخدش وقت خالص في تحضيرها.

تنفع للغداء أو العشاء ولو غيرنا في الحشوة تنفع كمان للفطار، وممكن نستعملها من غير حشوة خالص هي طعمها حلو في كل أحوالها، البطاطس فيها مقرمشة وطعمها رائع.

يلا نبتدي في الطريقة بس نشوف المكونات اللي هنحتاجها الاول

طريقة عمل فطيرة البطاطس باللحمة المفرومة في الطاسة

مكونات فطيرة البطاطس

  • 5 أو 6 حبة بطاطس حجم كبير
  • لحمة مفرومة
  • 5 حبة بيض
  • زيت زيتون
  • بصلة متوسطة
  • ثوم
  • جزر
  • ملح – فلفل
  • نص ملعقة صغيرة من ( البابريكا – ثوم بودر – بصل بودر – زعتر )

طريقة عمل فطيرة البطاطس باللحمة المفرومة

  • اول حاجة هنعملها نقطع البطاطس، ممكن نستعمل كيلو وربع أو كيلو ونص، نقطعها الاول شرائح حجمها متوسط، ونقطع الشرائح صوابع، ثم مكعبات صغيرة جدا
  • في طاسة علي نار متوسطة، نضع 3 ملاعق كبيرة ممتلئة زيت زيتون وممكن نستعمل زيت نباتي
  • هنضيف علي الزيت مكعبات البطاطس، ومعلقة صغيرة من الزعتر
  • نقلبهم جيدا في الزيت، ونتركها علي النار المتوسطة من 8 ل 10 دقائق مع التقليب كل فترة، الي أن تستوي وتصبح البطاطس طرية وتأخذ لون ذهبي خفيف
  • نضعها في طبق عميق ونتركها تبرد
  • في نفس الطاسة وعلي الزيت الباقي من تسوية البطاطس، نضع ملعقة واحدة من الزيت
  • نضيف عليه بصلة متوسطة الحجم متقطعة صغير، ونشوحها بسيط في الزيت
  • ثم نضيف 3 أو 4 فصوص من الثوم مفروم ناعم

شاهدي أيضاً: طريقة عمل كيكة المقلاة أو الطاسة بدون فرن

  • نشوحهم مع البصل، تقليبة واحدة بس ريحة الثوم تطلع
  • ثم نضيف عليهم جزرة متوسطة الحجم مبشورة
  • نقلبهم تقليبتين علي النار المكونات كلها تتشوح بسيط
  • ثم نضيف عليهم اللحم المفروم، ممكن نستعمل نص كيلو او ربع كيلو
  • نقلب اللحم مع المكونات السابقة علي نار عالية، ثم نتركه الي أن يأخذ لون من تحت، نقلبه الي أن يصبح كله لون واحد
  • نضع عليه التوابل نص ملعقة صغيرة من الملح والفلفل والزعتر والثوم البودر والبصل البودر والبابريكا
  • نقلب المكونات كلها مع بعض
  • ثم نهدئ النار ونغطيها ونتركها تستوي علي البخار لمدة خمس دقائق
  • ثم نطفي عليها ونضعها في طبق
  • هنحتاج 5 حبة بيض نخلطهم جيدا مع رشة ملح وفلفل ونضعهم علي البطاطس بعد ماتكون بردت تماما
  • نخلط البيض مع البطاطس جيدا
  • وفي نفس الطاسة، بعد تنظيفها، نضعها علي نار متوسطة أو اقل من المتوسطة
  • نضع فيها ملعقة زيت وبفرشاة نمسح بيها الطاسة كلها
  • ونضع نصف كمية البطاطس بالبيض، ونوزعها تغطي قعدة الطاسة كلها

شاهدي أيضاً: طريقة عمل البطاطس البيوريه باللحمة المفرومة

  • نضيف الحشوة ونفردها علي طبقة البطاطس، ونراعي أن الحشوة متوصلش للأطراف
  • ونضع علي الحشوة النص التاني من البطاطس بالبيض ونفرده يغطي وش الحشوة كله وينزل علي الجوانب
  • نغطيها ونتركها علي نار متوسطة أو اقل من المتوسطة تكمل سواها وتأخذ لون تحمير البطاطس من 5 الي 7 دقائق، أو الي أن نري الجوانب بدأت تأخذ لون خفيف، وعند تحريك الطاسة خفيف نسمع صوت خرفشة البطاطس
  • نقلبها علي طبق ونرجعها تاني الطاسة لكن بحرص جدا حتي يحمر الوجه الاخر ( ممكن نري الجزء ده في الفيديو هيوضح أكثر طريقة قلب البطاطس بطريقة بسيطة )
  • ونتركها علي الناحية الأخري تكمل تسويتها وتأخذ اللون الذهبي الحلو

نقلبها علي طبق التقديم وتزين بالبقدونس، تقطع وتقدم ساخنة

وجبة لذيذة جدا، ريحتها حلوة اوي وطعمها رائع، تنفع للغذاء أو العشاء وممكن نغير الحشوة نستبدلها بخضار مع جبن أو جبن فقط، وممكن نستعملها من غير حشوة خالص، هي طعمها حلو في كل أحوالها.

جربوها ومتأكدة أنها هتعجبكم جدا وبالف هنا علي قلوبكم مقدما.

لمعرفة تفاصيل أكثر عن طريقة عمل فطيرة البطاطس باللحمة المفرومة يمكنكم متابعة الفيديو

تابعوا قناتنتا علي اليوتيوب

بالهنا والشفا

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد