هنتعلم النهاردة مع بعض وصفة من الوصفات الحلوة جدا، وهي طريقة عمل الكفتة في صوص طحينة، طعمها رائع
الكفتة ديه غير اي كفتة دوقتوها قبل كده، بنسويها كلها هي والخضار في صوص الطحينة نفسه، وده اللي بيديها طعم ومذاق رائع
تعتبر من الأطباق المميزة علي السفرة في العزائم أو علي سفرتك في الغذاء أو العشاء
طريقة تحضيره سهلة وبسيطة، ومن الأطباق المحببة لكل أفراد الأسرة
يلا بينا نشوف طريقة عمل الكفتة بصوص الطحينة بس الاول نشوف المكونات اللي هنحتاجها
مكونات الكفتة ⬇️
- كيلو لحمة مفرومة
- بصلة متوسطة
- ملعقة صغيرة ثوم مفروم
- 3 ملاعق كبيرة ممتلئة بقسماط ناعم
- نص حزمة بقدونس
- واحدة بطاطس متوسطة الحجم
- ملعقة صغيرة ( ملح – فلفل اسود – بابريكا )
- ربع ملعقة صغيرة ( جيهان مطحون – بيكنج صودا )
مكونات صوص الطحينة ⬇️
- كوب طحينة خام
- كوب زبادي
- كوب وربع ماء ساخن
- ملح وفلفل وكمون وبابريكا
طريقة عمل الكفتة ⬇️
- في طبق عميق نضع كيلو من اللحمة المفرومة وممكن نعملها بنص كيلو فقط
- ونضع عليه بصلة مبشورة ناعم وهنضيفها بميتها زي ما هي
- ثم نضيف ملعقة صغيرة من الثوم المفروم ناعم
- 3 ملاعق كبيرة ممتلئة بقسماط ناعم
- نص حزمة بقدونس ناخذ الورق فقط ونقطعه صغير جدا
- حبة بطاطس صغيرة مسلوقه ومهروسة ناعم جدا
- ونتبلها بملعقة صغيرة من الملح والفلفل الأسود والبابريكا وربع ملعقة صغيرة من الحبهان المطحون ناعم والبيكنج صودا (الكربوناتو)
تابعي أيضاً: طريقة عمل كفتة اللحم مع الأرز بالخضار
- وهنخلط المكونات دي كلها مع بعض كويس جدا، حتى تصبح كل الانسجه متجانسه ومتشابكه مع بعضها
- وممكن خلطها في محضره الطعام
- ثم نقوم بمسح اليد بالزيت وتشكيلها الى كرات متوسطه الحجم
- طاسة على النار نضع فيها 3 ملاعق كبيرة من زيت الزيتون
- نتركها تسخن، ثم نضع فيها كرات اللحم
- نتركها الاول علي نار عالية، حتي تحتفظ بالسوائل بداخلها
- ثم نهدئ النار، مع التقليب كل فترة حتي تأخذ لون ذهبي من كل جهة وتستوي من الداخل
- نكمل تسوية باقي الكمية بنفس الطريقة
طريقة تسوية الخضار ⬇️
- وفي نفس الطاسة وعلي الدهون المتبقية من تسوية الكفتة
- نشوح بسيط 2 بصلة متوسطة مقطعة شرائح أو ممكن نقسمها الي 4
- و فلفل الوان، نصف واحدة من كل نوع مقطعة شرائح
- وفلفل حار مقطع صغير ( اختياري )
- و 3 أو 4 فصوص من الثوم المفروم
- نشوح كل المكونات مع بعضها، تشويح بسيط في الزيت
- ثم نضيف 2 حبة طماطم مقطعه مكعبات صغيرة
- ونتبلهم بملعقة صغيرة من الملح والفلفل الأسود والبابريكا
- نقلبهم تقليبة واحدة مع بعض ثم نرفعها من علي النار
- نقطع 3 حبة بطاطس مكعبات متوسطة ونحمرها في القلاية الهوائية أو ممكن نحمرها في الفرن او في الزيت
تحضير صوص الطحينة ⬇️
- في طبق عميق نضع كوب من الطحينة الخام
- كوب من الزبادي
- عصير ليمونه
- كوب وربع من الماء الساخن
- ملعقة صغيرة من الملح والكمون والبابريكا
- نخلط كل المكونات جيدا
- القوام المطلوب بيكون خفيف ليس مثل قوام سلطة الطحينة لكن اخف
طريقة عمل الكفتة (التسوية) ⬇️
- في قالب بيركس أو صينية فرن، نضع الخضار بعد تسويته والبطاطس بعد تحميرها، ونقلبهم مع بعض
- ثم نضع عليهم الكفتة
- ثم نضع علي الوجه صوص الطحينة
- ندخلها فرن ساخن مسبقا علي درجة 200 مئوية لمدة من 15 الي 20 دقيقة
- نخرجها من الفرن وتقدم ساخنة، ممكن تقديمها مع الارز الابيض او الخبز فقط
طبق شهي جدا يمكنك تقديمه في العزائم يشرفك علي سفرتك
طبق لذيذ ومميز جدا، جربوه هيعجبكم جدا وبالف هنا علي قلوبكم مقدما
ولمعرفة تفاصيل اكثر عن الوصفة يمكنكم متابعة الفيديو
التعليقات مغلقة.