هعمل معاكم النهاردة وصفة من أكثر الوصفات المشهورة في المطبخ الليبي وهي المبكبكة الليبية، أو في اللي بيسموها كمان الجارية
وصفة سهلة وبسيطة وطعمها أكثر من رائع، تتعمل كلها في حلة واحدة، ومبتخدش وقت خالص في تحضيرها، الوقت كله في تسوية اللحمة
من الاخر وصفة لو جربتوها هتدمنوا طعمها
يلا بينا نبتدي في شرح الوصفة بالتفصيل بس الاول نشوف المكونات اللي هنحتاجها
مكونات المبكبكة الليبية
- لحم او دجاج ( يفضل لحم الضأن أو نوع متوفر عندكم )
- نص كيلو مكرونة
- بصلة متوسطة
- 3 حبة طماطم
- 3 ملعقة كبيرة صلصة طماطم
- ملح – بابريكا – كركم – فلفل حار
- نص ملعقة صغيرة سكر
- فلفل اخضر او احمر حار
- زيت زيتون
- 2 فص ثوم
- شبت وريحان
طريقة تحضير المبكبكة الليبية
- حلة علي النار، نضع فيها حوالي 4 ملاعق كبيرة ممتلئة من زيت الزيتون ونضيف عليه بصلة متوسطة الحجم متقطعة لقطع صغيرة
- نشوح البصل يذبل قليلا، مش عايزين لون البصل يغير ثم نضيف عليه قطع اللحم، ونشوحها مع البصل جيدا، حتي يغير لونها
- قطعت اللحم مكعبات متوسطة، حتي يستوي اسرع ويبقي سهل الاكل مع المكرونة
- اللحم الضان يعتبر من افضل انواع اللحوم مع المبكبكة، وخصوصا لو بالعظم بيعطي مزاق مميز للمكرونة، لكن طبعا ممكن نستخدم اي نوع لحم متوفر عندنا، واي قطعية تعجبكم
- اول ما اللحم يخد كله لون واحد، نضيف عليه 4 ملاعق كبار من صلصة الطماطم، وهي أساسية في الوصفة تعطي لون ومذاق حلو جدا المكرونة
- نشوح الصلصة مع اللحم لمدة ثواني ونضيف علي الصلصة نصف ملعقة صغيرة سكر، تقلل من حموضة الصلصة
- ثم نضيف عليهم 3 حبة طماطم متقطعة مكعبات صغيرة جدا
- وعليهم نضيف التوابل ملعقة صغيرة من ( بابريكا – كركم – فلفل حار )
- نقلب كل المكونات ريحة التوابل الحلوة ديه تطلع ونضيف الماء المغلي ونغطيها ونتركها علي نار هادئة حتي تستوي تماما
- بعد تسوية اللحم جيدا، نضيف عليه الفلفل الاخضر او الاحمر الحار
- ثم نضع المكرونة والملح ونقلبهم، ونظبط طعم الملح
- الماء يغطي المكرونة بكمية معقولة
- نغطيها ونتركها علي نار متوسطة أو اقل من المتوسطة قليلا
- ونتركها من 6 الي 7 دقائق، مع التقليب كل شوية حتي لا تلتصق، وإذا احتاجت ماء نضيفه ساخن
- افضل تسوية للمكرونة، أنها تكون متماسكة شوية مش مستوية سوي كامل، ويوجد بها كمية مناسبة من الصوص
- قبل ما نطفي علي المكرونة بدقيقة واحدة، نضيف عليها فصين ثوم مفروم ناعم، وشوية صغيرة من الشبت المفروم ناعم جدا، ومعلقة كبيرة من الريحان
- نقلبهم مع المكرونة ونتركها دقيقة واحدة ثم نطفي النار
طريقة تحضير المكرونة بالصوص الوردي بينك باستا
تقدم وهي ساخنة وبالف هنا عليكم
يفضل إضافة المكرونة الي الماء قبل التقديم مباشرة حتي يصبح بها قليل من الصوص
يتم تسوية اللحم قبل إضافة المكرونة جيدا
الملح لا يضاف في الاول لأنه يقلل من تسوية اللحم
– وصفة لذيذة جدا جربوها هتعجبكم وهتدمنوا طعمها
ولمعرفة تفاصيل اكثر عن الوصفة والمكونات يمكنكم متابعة الفيديو
التعليقات مغلقة.