هعمل معاكم النهاردة بيتزا العيش الفينو وهي بيتزا سريعة من غير ما نعمل عجين ونسيبه يتخمر والكلام ده كله
ونعملها في عشر دقائق بمكونات تقريبا كلها موجودة في البيت
تنفع تتقدم في اي وقت في اليوم في غذاء أو عشاء أو حتى على الفطار
والمدارس كمان بدأت خلاص والولاد بتزهق من سندوتشات اعمليلهم البيتزا دية تعجبهم جدا وغيري في الحشوة زي مايحبوا طعمها
يلا نبتدي في شرح الوصفة بس الاول نشوف المكونات اللي هنحتاجها
مكونات: بيتزا العيش الفينو
عيش فينو طازج أو بايت
صوص التشريب ⬇️
كوب الا ربع حليب
2 ملعقة كبيرة ممتلئة من الدقيق
2 حبة بيض
1 ملعقة صغيرة من البيكنج بودر
نص ملعقة صغيرة من الملح والفلفل اسود
3 ملاعق كبيرة ممتلئة من زيت الزيتون
صلصة البيتزا ⬇️
2 ملعقة كبيرة ممتلئة من الصلصة
2 حبة طماطم
3 أو 4 فصوص من الثوم
3 ملاعق كبيرة ممتلئة من زيت الزيتون
ملح وفلفل وزعتر وريحان
لمعرفة اي تفاصيل اكثر عن الوصفة يمكنكم متابعة الفيديو
طريقة عمل صينية بيتزا العيش الفينو ⬇️
- نقطع الفينو الي شرائح سمكها متوسط
- ونحضر الصينية اللي ندخلها الفرن او ممكن تعملوها على البوتاجاز عادي
- وندهنها كويس اوي بزيت زيتون
- ثم نضع فيها شراىح الفينو بالشكل واحدة جنب الأخري ولو في اي فراغات نقطع الفينو قطع صغيرة ونحط فيها نملئ اي فراغ
- نتركها جانبا ونحضر صوص التشريبة اللي هنضيفه على الصينية
تحضير صوص التشريبة⬇️
- في طبق عميق نضع كوب الا ربع من الحليب
- ثم نضيف عليه 2 ملعقة كبيرة ممتلئة من الدقيق
- و2 حبة بيض
- وملعقة صغيرة من البيكنج بودر
- ونص ملعقة صغيرة من الملح والفلفل الأبيض او الاسود
- و 2 أو 3 ملعقة كبيرة ممتلئة من زيت الزيتون معلقتين أو ثلاثة كبار من زيتون الزيتون
- ثم نقلب كل المكونات مع بعضها جيدا الي أن يختفي البيض تماما وميبقيش فيها اي كتل
- ثم نسقي بيه الصينية بحيث يغطي الشرائح كلها
- ثم نحركها جيدا الصوص يتوزع في كل الصينية ونتأكد أيضا أن الصينية كلها اتشربت من الخليط
- ونضغط عليها بخفة بظهر معلقة أو بايدينا نساوي الصينية كلها ونملأ اي فراغات موجودة
- وندخلها الفرن علي درجة حرارة متوسطة تخد لون خفيف من تحت ومن علي الوجه
- في حالة لو هنعملها مثلا علي البوتجاز نضعها علي نار هادئة لحد ما تاخذ لون ذهبي حلو من تحت نقلبها علي الجهة التانية ونطفئ النار ونتركها لحد ما نحط عليها بقية المكونات
وفي الوقت اللي بتستوي فيه هنعمل صلصة البيتزا
تابعي أيضاً: طريقة عمل فطيرة البيتزا السريعة
طريقة تحضير صلصة بيتزا العيش الفينو ⬇️
- في طبق عميق نضع 2 ملعقة كبيرة ممتلئة من صلصة الطماطم
- وطماطم مبشورة واحدة كبيرة الحجم أو اتنين متوسط الحجم
- ثم نضيف عليهم 3 او ٤ فصوص من الثوم المفروم
- ونتبلها بنص ملعقة صغيرة من الملح والفلفل الأبيض او الاسود
- وملعقة كبيرة من الريحان والزعتر طازة او مجفف اللي متوفر منهم هما بيدوا طعم ونكهة حلوة اوي للصلصة
- و2 ملعقة كبيرة ممتلئة من من زيت الزيتون
- لو الصلصة كانت تقيلة اوي نضيف عليها شوية صغيرة من الميه السخنة
- ثم نقلبهم من بعض جيدا
الصلصة ديه حلوة جدا وطريقتها بسيطة ومبتخدش وقت اعملوها مع اي بيتزا هتعجبكم جدا
الصينة كده خلاص خدت لون حلو وبدات تفك من الجوانب شوية
توزيع الصلصة ⬇️
- نطلع الصينية من الفرن ونضع عليها الصلصة، توزعها بحيث تغطي الوش كله
- وهنحط عليها شوية من الجبنة الموزريلا أو الجبنة الشيدر في الاول
- ثم نضع اي حشوة تعجبكم مثلا نضيف سلامي أو سوسيس أو تونة أو قطع من الدجاج الكرسبي أو العادي أو مثلا نحط لحم معصجة
- الحشوة اللي هنحطها ديه زي ما يعجبكم والمتوفر عندكم
- ثم نضع عليها شوية من الزيتون مقطع شرائح وايضا شرائح من الفلفل الرومي
- ونرجعها تاني الفرن تكمل تسويتها والجبنة تسيح وتخذ لون حلو من علي الوش ومن أسفل
- نطلعها وتتقدم وهي ساخنة بالف هنا
الطريقة الثانية شرائح البيتزا ⬇️
- نحضر الفينو ونقسمه نصين بالطول
- نضعه في الصينة وندهن الوش الاول بشوية من زيت الزيتون
- ثم ندخله الفرن يتحمص ويخد لون ذهبي حلو من علي الوش
- نطلعه من الفرن ونضع عليه شوية من صلصة البيتزا
- وشوية من الجبن الموزريلا او الشيدر
- ونضع الحشوة اللي تحبها، مثلا بالسوسيس أو بالبسطرمة أو التونة
- ونضع أيضا علي الوجه شوية من الزيتون الاخضر او الاسود
- وفلفل متقطع شرائح رفيعة
- وندخلها تحت الشواية يدوب بس الجبنة تسيح
مش هنشغل عليها الفرن تاني، هو العيش متحمص خلاص و كل حاجة فيها مستوية مش محتاجة تدخل الفرن نطلعها وتتقدم وهي سخنة.
البيتزا بالطريقة ديه طعمها بيكون رائع
ومن الحاجات الحلوة والسهلة جدا
العيش فيها بيقي مقرمش وواخد تحميصة حلوة
ومع شوية الحاجات اللي ضيفناها عليها بتحول الفينو العادي لاكلة طعمها خطير
والطريقتين طعمهم خطير، هتعجب الولاد جدا ممكن كمان يخدوها معاهم المدرسة ونغيرلهم في الحشوة زي ما هما عايزين
وصفة لذيذة جدا واتعملت بطريقة حلوة
لمينا فيها بواقي الثلاجة، والفينو البايت عملنا منه احلي اكلة
ولمعرفة تفاصيل اكثر عن الوصفة والمكونات يمكنكم متابعة الفيديو
جربوها بتعجبكم جدا وبألف هنا على قلوبكم مقدما
التعليقات مغلقة.