كيكة الحليب الساخن تعتبر أطري كيكه إسفنجية ممكن تعمليها فى حياتك وبعد ماتجربيها هتلغي بعدها كل وصفات الكيك اللي تعرفيها واللي عملتيها قبل كده.
كيكة الحليب الساخن من أشهى وصفات الكيك وأكثرها بساطة ويمكن تقديمها بطرق عديدة وجميلة، تتميز بأنها هشة ومناسبة للفطور والعشاء، كما يمكن للصفار تناولها في المدرسة, وطريقة عملها سهلة وسريعة جداً.
طريقة عمل كيكة الحليب الساخن
مكونات كيكة الحليب الساخن
- 3 بيضات بحرارة الغرفة
- 2 كوب الا ربع دقيق 200 جرام
- نص كوب زبدة + معلقتين 125جرام
- كوب حليب ننقص منه معلقتين كبار 180 جرام
- كوب الا ربع سكر + معلقتين
- معلقة صغيرة ممتلئة بيكنج بودر
- معلقة صغيرة خل
- معلقة صغيرة فانيليا
- رشة ملح
- القالب المستخدم مقاس 20 أو 22
طريقة عمل الكيكة بالزبدة والحليب المصرية
- – اول حاجة هنعملها قبل ما نبتدي في عمايل الكيك هنجهز القالب اللي هنخبز فيه الكيك
- – هنحتاح صينية مقاس 20 أو 22 – – هندهنها بالسمن تغطي القالب كله
- – وبعدين نرش عليه شوية ديه ونقلب الصينية نطلع منها أي دقيق زيادة
- – أو ممكن نحط ورق زبدة في الصينىة وندهن برضه وش الورقة بالسمن
- – هنسخن الفرن علي درجة 180
طريقة تحضير كيك الزبدة بالحليب الساخن
- اول حاجة هنعملها هننخل المواد الجافة مع بعضها، الدقيق وعليه البيكنج البودر والملح هنقلبهم مع بعض وهنسيبهم علي جنب شوية
- في بولة.
- في بولة هنحط البيض وعليه السكر والفانيليا ومعلقة الخل، نقلبهم الاول بسبتيولا أو ملعقة مع بعض عشان لما نخلطهم بالمضرب السكر ميطلعش بره الطبق
- بالمضرب الكهربائي هنخلط المكونات كلها مع بعضها لحد ما يصبح لون البيض والسكر فاتح، ممكن نستخدم الخلاط أو المضرب السلك بس هيخد وقت ومجهود أكثر شوية لحد ما يصبح لونه افتح وقوامه كريمي.
- نسيب الخليط ده ثواني علي جنب ونجهز الحليب
- علي نار هادئة هنحط الحليب والذبدة ونتركهم لحد ما الذبدة تسيح والحليب يسخن شوية، مش عايزينه يغلي يسخن فقط.
- علي بال ما الحليب يسخن والذبدة تسيح هنضيف المكونات الجافة اللي جهزناها علي خليط البيض.
- هنضيف الدقيق شوية بشوية ونخلط، بلاش نضيفه مرة واحدة عشان ميعملش كتل
- مش هنخلط كتير يعني اول ما الدقيق يختفي هنوقف خلط علي طول
- في الوقت ده هيكون الحليب سخن والذبدة ساحت هنخد الخليط ده وهنحطه علي خليط الدقيق مرة واحدة
- هنقلب علي طول، هو الخليط هيندمج مع بعضه بسرعة من سخونية الحليب، ومش هيخد وقت ولا تقليب كتير، وهيكون الخليط ناعم وكريمي جدا
تابعي أيضاً: طريقة عمل كب كيك الشوكلاتة بطريقة بسيطة
- هنحط الخليط في قالب الكيك وهندخله الفرن علي طول اللي هنكون مسخنينه علي درجة 180
- هنحطه في الرف الاوسط هيخد معانا من 40 ل 50 دقيقة
- هنختبر نضج الكيك بعود خشبي وهنختبرها من النص لان ده اخر مكان بيستوي في الكيك، لو طلع في العود الخشبي اي عجين هنسيبه كمان خمس دقائق، ولو طلع نظيف يبقي كده استوي
- نطلعها من الفرن ونقلبها علي شبكة ونسيبها لحد ما تبرد تمام
- ممكن نقطعها ونقدمها زي ما هي أو نرش علي الوش شوية من السكر البودرة أو صوص الكراميل أو صوص الشيكولاتة
كيكة بسيطة وهشة جدا مستوية كويس مش مكبوسة ولا مكتومة ومن جوه طرية وخفيفة وسكرها مظبوط جدا
مبتخدش وقت في عمايلها خالص ومكوناتها بسيطة جدا
ممكن نعملها الصبح نفطر بيها أو بعد الظهر واحنا متجمعين كلنا مع فنجان قهوة أو كوبية شاي بتبقي لذيذة جدا
وممكن كمان نقدمها لضيوفنا حاجة حلوة وشيك وطعمها لذيذ وتشرفنا قدام ضيوفنا.
تابعي طريقة العمل بالتفصيل في الفيديو ده
وصفة حلوة جدا وتستهل التجربة اتمني تجربوها وتعجبكم وبالف هنا علي قلوبكم مقدما.
التعليقات مغلقة.