من غير عجن هتعملوا احلي سمبوسك أو فطائر هشة ومورقة ومن غير ما تشرب نقطة زيت

429

بشوية ميه ودقيق ومن غير عجن هنعمل اسهل واطعم فطائر هشة أو سمبوسك, هشة ومورقة وخفيفة ومش هتشرب ولا نقطة زيت  وطعمها مع اي حشوة نحطها فيها بيطلع رائع.

يلا بينا نبتدي في شرح الوصفة بالتفصيل بس الأول نشوف المكونات اللي هنحتاجها

فطائر هشة

مكونات فطائر هشة (سمبوسك) ⬇️

( استعملوا كوب مقاس واحد لعيار كل المكونات)

  • 2كوب دقيق
  • معلقة كبيرة وربع نشا
  • معلقة صغيرة ملح
  • معلقة صغيرة بيكنج بودر
  • ربع كوب سمن علي زيت ( ممكن سمن او زبدة فقط وممكن زيت فقط )
  • نص كوب ماء بارد

( تبقى من النصف كوب معلقتين كبار)

طريقة تحضير عجينة السمبوسك أو الفطائر ⬇️

  • في وعاء عميق نضع 2 كوب من الدقيق (استعملوا كوب  مقاس واحد نعاير فيه كل المكونات)
  • نضيف عليهم معلقة كبيرة وربع ممتلئة من النشا
  • معلقة صغيرة من الملح
  • ومعلقة صغيرة من البيكنج بودر
  • نخلط كل المكونات مع بعضها جيدا
  • ثم نضيف عليهم ربع كوب من السمن السايحة  علي زيت
    (ممكن استخدام الربع كوب زيت فقط او سمن فقط زي ما تحبوا)
  • نخلط الدقيق مع السمن جيدا حتي تتغلف كل حبيبات الدقيق بالسمن وتصبح مثل الرمل المبلل
  • واخر حاجة نضيفها نصف كوب من الماء البارد، نضيفه شوية بشوية، مع مراعاة عدم العجن كل المطلوب عمله تجميع العجينة بالماء فقط
  • شكل العجينة في الاخر بيكون مفرول قليلا  وبتكون عجينة قاسية مش طرية
  • يجب أن نراعي عدم العجن وايضا عدم إضافة ماء أكثر من اللازم
  • نغطيها ونتركها ترتاح لمدة ساعة فقط

في هذا الوقت نحضر الحشوات، اول حشوة هنجهزها حشوة البطاطس الهندية طعمها رائع ومكوناتها بسيطة جدا

طريقة تحضير حشوة البطاطس الهندية ⬇️

  • في اناء به ماء نضع البطاطس بعد تقشيرها وتقطيعها مكعبات
  • نسلقها ثم نصفيها ونتركها جانبا
  • في طاسة علي نار متوسطة
  • نضع 2 ملعقة كبيرة من الزيت
  • نضيف عليهم بصلة متوسطة متقطعة صغير
  • نشوحها قليلا البصل يدبل
  •  ثم نضيف معلقة صغيرة من الثوم المفروم
  • نقلبهم مع بعض قليلا رائحة الثوم تطلع
  • ثم نضيف عليهم شوية توابل بسيطة

توابل البطاطس الهندية ⬇️

  • نصف معلقة صغيرة من الملح، والفلفل الأسود
  • معلقة صغيرة من الكسبره الناشفة، والكمون والكركم
  • معلقة صغيرة من بذور الفلفل الحار أو القليل منها لتعطي طعم خفيف
  • نقلب التوابل مع البصل والثوم لمدة ثواني فقط
  • نضيف مكعبات البطاطس
  • نخلط كل المكونات مع بعضها حتي تتشرب البطاطس من التوابل اللي ضفناها
  • آخر حاجة بعد ما نطفي النار علي طول نضيف نص حزمة من الكزبرة الخضراء، نأخذ الورق فقط ونقطعه صغير، نخلط الكزبرة مع البطاطس وكده تكون حشوة البطاطس جاهزة.

تحضير حشوة الجبن ⬇️

  • في بولة نضع اي شوية من الجبن المبشور والمتوفرة عندنا
  • علي سبيل المثال ممكن اضافة جبن شيدر أو موتزريلا أو رومي
  • ثم نضع عليهم زيتون اخضر او اسود مقطع قطع صغيرة جدا
  • ونضيف أيضا فلفل الوان أو فلفل رومي فقط مقطع قطع صغيرة جدا
  • وفي الاخر نضع رشة بسيطة من الزعتر
  • نخلطهم مع بعض، وكده تكون حشوة الجبن جاهزة.

طريقة تشكيل عجينة السمبوسك أو الفطائر ⬇️

  • علي اي سطح نرش رشة خفيفة من الدقيق
  •  ونضع العجينة ونقسمها الي كورات متساوية الحجم تقريبا
  • نفرد كل كورة منهم بسمك متوسط ونضع الحشوة ونقطعها بالقطاعة المتوفرة عندنا، أو بالشكل المفضل ليكم
  • اهم حاجة نراعي أنها مقفولة علي الحشوة جيدا حتي لا تخرج وقت التسوية
  • ممكن قبل قفل الفطائر ندهن الطرف خفيف بالماء، ونضغط علي الطرف بشوكة حتي نتأكد أنها محكمة الغلق

يمكنكم متابعة الفيديو لمعرفة تشكيل الفطائر أو السمبوسك بكل الطرق

تسوية السمبوسك أو الفطائر المقلية ⬇️

  • في مقلاة علي نار متوسطة نضع الزيت
  • اول ما يسخن نضع الفطائر
  • مع مراعاة تقليبها باستمرار علي كل جهة حتي تنتفخ من الجهتين
  • نحمرها حتي تأخذ اللون الذهبي من كل جهة
  • نخرجها علي مصفاة
  • السمبوسك بالطريقة ديه لا تشرب زيت تماما

طريقة تسوية السمبوسك أو فطائر هشة في الفرن ⬇️

  • نضع الفطائر في صينية مدهونة خفيف سمن او زبدة
  • نضع فيها الفطائر
  • وندهن الوجه بصفار بيضة مخلوط مع قليل من الحليب
  •   ندخلها فرن علي درجة حرارة متوسطة، نتركها حتي تأخذ لون ذهبي من أسفل ومن الجوانب، نطفئ الفرن ونفتح الشواية تأخذ لون ذهبي حلو
  • تقدم وهي ساخنة مع سلطة زبادي او السلطة المفضلة ليكم وصحة وعافية عليكم.

تابعي أيضاً: طريقة عمل الرقاق باللحمة | أحلي طعم وقرمشة من غير ماتبليه في الشوربة

احلي واخف فطائر ممكن تعملوها مع انها مقلية في الزيت لكن مش شاربة ولا نقطة زيت
هشة ومورقة وطعمها خطير
حشوة البطاطس كمان معاها طعمها حلو جدا

لمعرفة تفاصيل اكثر عن الوصفة والمكونات يمكنكم متابعة الفيديو

جربوها مع حشوة البطاطس والجبن هتعجبكم جدا وبالف هنا علي قلوبكم مقدما

بالهنا والشفا

0/5 (0 Reviews)

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد