طاجن البطاطس البيوريه باللحمة المفرومة من أكثر الاكلات المفضلة والمحببة لكل أفراد الأسرة، والنهاردة هنعملها بطريقة بسيطة ومميزة
بطاطس بيوريه كريمية وبتدوب في البق، نضيف عليها شوية مكونات بسيطة تعزز الطعم أكثر، وفي المنتصف طبقة من اللحمة المفرومة معصجة بطريقة بسيطة وطعم مميز جدا، وعلي الوجه طبقة من البطاطس الكرسبي طعمها رائع.
جربوا البطاطس بالطريقة ديه هتدمنوا طعمها.
يلا بينا نبتدي في شرح الوصفة بالتفصيل بس الأول نشوف المكونات اللي هنحتاجها
مكونات طاجن البطاطس البيوريه⬇️
- من كيلو ونصف ل 2 كيلو بطاطس
- لحمة مفرومة ( ممكن نستخدم ربع كيلو او نص كيلو )
- 2 بصلة متوسطة
- نصف كوب حليب
- نص كوب قشطة أو كريمة
- 3 ملاعق كبيرة ممتلئة زبدة ( اختياري )
- ملح وفلفل وبابريكا
طريقة تحضير طاجن البطاطس البيوريه⬇️
- في اناء عميق نضع البطاطس بقشرها كما هي حتي لا تمتص كمية كبيرة من السوائل
- ثم نضع عليها كمية كافية من الماء بحيث يغطا البطاطس كلها
- ورشة ملح
- نرفعها علي النار ونتركها حتي تنضج جبدا
- ثم نصفيها ونتركها تهدا قليلا، ونقوم بتقشيرها وهرسها بهراسة البطاطس أو بشوكة حتي تصبح ناعمة وليس بها كتل
- وحتي نعزز طعم البطاطس نضع عليها شوية مكونات تجعلها كريمية أكثر وطعمها لذيذ
- نضيف عليها 3 أو 4 ملاعق كبيرة ممتلئة من الجبنة الرومي المبشورة
- وايضا 3 أو 4 ملاعق كبيرة ممتلئة من القشطة أو ممكن اضافة نصف كوب من كريمة الطهي
- لو محتاجين تعززوا الطعم اكتر ممكن تضيفوا معلقتين أو ثلاثة من الزبدة بتجعل طعم البطاطس الذ وكريمية أكثر
- ظبطوا طعم البطاطس بالمتاح والمتوفر عندكم
- وهنحتاج نص كوب من الحليب الساخن، نضيف منه شوية ونخلط ونشوف القوام لو لقيناه لسه محتاج نزود شوية بشوية
- حتي يصبح قوامها ناعم وكريمي
- نتبلها بنص معلقة صغيرة من الملح و الفلفل الابيض او الاسود
- ونقلب كله مع بعض ونظبط طعم الملح
- نراعي عدم المبالغة في إضافة الملح حتي نحاقظ علي الطعم المسكر الحلو اللي موجود في القشطة أو الكريمة
نتركها جانبا ونبدا بتجهيز عصاج اللحم المفرومة، يمكنكم تسويته في وقت سلق البطاطس حتي نختصر الوقت.
الطبق ده ممكن نعمله بربع كيلو او نص كيلو من اللحمة المفرومة يعني كمية اللحم زي ما تحبوا.
تسوية عصاج اللحم المفروم ⬇️
- طاسة علي نار عالية تسخن جيدا، ثم نضع فيها اللحمة المفرومة حتي تأخذ صدمة وتحتفظ بالسوائل في داخلها
- نفردها في الطاسة ونتركها تتشوح بسيط ولونها يغير
- نقلبها علي الجهة الأخري تتشوح وتصبح كلها لون واحد
- ثم نقلبها تتشوح كلها مع بعضها، ولو فيها أي كتل ممكن بهراسة البطاطس أو شوكة نفكها من بعصها حتي تصبح ناعمة
- وننزل عليها ببصلة كبيرة او بصلتين متوسطين مقطعين قطع صغيرة جدا
- نشوح البصل مع اللحمة تشويحتين كده يطري شوية وبعدين نتبله بنص ملعقة صغيرة من الملح والفلفل والبابريكا
- ظبطوا طعم الملح زي ما بتحبوا طعمه
- نقلبهم مع بعض شوية ريحت التوابل تطلع
- ثم نغطيها ونتركها علي نار هادئة تنزل ميتها وتشربها وتكمل تسويتها علي نار هادئة
تابعي أيضاً: طريقة عمل كفتة البطاطس المقرمشة
طريقة وضع طبقات البطاطس واللحم ⬇️
- نحضر صينية أو طبق بيركس يكون مناسب علي اد كمية البطاطس
- ندهنه جيدا بزبدة أو سمن من القعدة والجوانب
- نضع فيها رشة من البقسماط الناعم تغطي قعدة الصينية كلها
- البقسماط يعطي البطاطس قرمشة حلو جدا ويمنع التصاق البطاطس
- نقسم البطاطس الي نصين متساويين
- نأخذ اول جزء ونقوم بفرده في قعدة الصينية جيدا حتي يصبح متساوي ويغطي قعدة الصينية كلها
- ثم نضع عليه الحشوة ونوزعها تغطي المنتصف كله
- ونأخذ الجزء التاني ونفرده يغطي الحشوة جيدا
يمكنم مشاهدة الفيديو لرؤية فرد البطاطس في الصينية بطريقة أسهل
- نساوي الوجه حتي يصبح طبقة متساوية
- واخر حاجة ممكن نضع علي الوجه شوية من الجبن الشيدر أو الموتزريلا أو ممكن نضع رشة من البقسماط الناعم زي ما تحبوا
تسوية طاجن البطاطس البيوريه ⬇️
- ندخل الصينية فرن ساخن مسبقا على درجة حرارة متوسطة
- نتركها في الفرن المكونات كلها تسخن مع بعضها جيدا والجبن تسيح وتأخذ لون ذهبي حلو من علي الوجه
- المكونات كلها مستوية مش هتخذ وقت كتير في الفرن
- ممكن أو احتاجت نفتح الشواية في الاخر حتي يأخذ الوجه لون ذهبي حلو
- نطلعها ونتركها قليلا حتي تهدا ثم تقدم
البطاطس البيوريه من الاكلات اللي ممكن تقدم ساخنة اول ما تخرج من الفرن، وبتكون سايحة وطرية وكريمية جدا وطعمها رائع.
او ممكن نتركها تهدا حتي تتمكن من تقطيعها قطع سليمة
قدموها بالطريقة المفضلة ليكم
ماذا نقدم مع طاجن البطاطس البيوريه باللحمة المفرومة؟
لا تحتاج البطاطس البيورية باللحمة المفرومة إلي اطباق كثيرة ممكن نكتفي بيها كوجبة كاملة جنب طبق سلطة خضراء.
لمعرفة تفاصيل اكثر عن الوصفة والمكونات يمكنكم متابعة الفيديو
جربوها هتعجبكم جدا وبالف هنا علي قلوبكم مقدما
التعليقات مغلقة.