لكل محبي الطهي والوصفات الشهية

فطيرة الطاسة بالسكر واللبن بطريقة سهلة جربوها هتعجبكم جدا 👌

605

فطيرة الطاسة بالسكر واللبن لما نكون عايزين حاجة حلوة بس تكون سريعة، ومش محتاجة مكونات كتير، ولا محتاجة فرن، ومن غير ما نعجن ونتركها تتخمر والأهم من ده كله أنها مخدتش خمس دقائق في تحضيرها

يبقي مفيش احلي ولا أطعم من فطيرة الطاسة بالسكر واللبن ( البغاشة )

من غير دقيق ولا عجن هنعمل احلي بغاشة باللبن والسكر

فطيرة الفطاطري السريعة اللي طعمها يجنن هنعمل منها السادة والمحشية وهنحضرهم في 5 دقائق ويكونوا جاهزين من غير اي تعب أو مجهود.

 

يلا نعمل فطيرة الطاسة بالسكر واللبن مع بعض علي طول بس الأول نشوف المكونات اللي هنحتاجها

فطيرة الفطاطري

مكونات فطيرة الطاسة بالسكر واللبن الفطاطري ⬇️

  • لفة جلاش
  • حليب
  • سمن
  • سكر

كل اللى هنحتاجه عشان نعمل الفطائر ديه لفة جلاش وشوية لبن وسكر ومعلقتين أو ثلاثة من السمن البلدي

طريقة تحضير الفطائر السادة والمحشية مكسرات والمحشية كسترد ⬇️

  • كل فطيرة تأخذ ورقتين من الجلاش لو عايزين سمكها سميك أكثر ممكن نزود ورقة كمان
  • كل ما كان الجلاش طازة كل ما يطلع طعم الفطير حلو
  • نراعي أن الجلاش يكون مغطي واحنا شغالين حتي لا يتعرض للهواء ويجف
  • مهم اوي نمسح بين الطبقات بالسمن حتي تصبح الفطيرة هشة ومورقة

الفطائر السادة ⬇️

  • نأخذ اول ورقة وندهنها بالسمن جيدا
  • ثم نضع عليها الورقة التانية وندهنها أيضا بالسمن
  • ونقوم بتني  الطرفيين علي بعضهم من الاربع جوانب وعملها علي شكل مربع أو مستطيل
  • لمعرفة كيفية ثني الفطيرة بطريقة بسيطة يمكنكم مشاهدة الفيديو الموجود في الاسفل
  • ونمسح أيضا الوجه والظهر  بالسمن بعد ثنيهم

نخلص عمل كمية الفطائر السادة كلها ونغطيها بفوطة نظبفة ونتركها جانبا حتي نبدا في التسوية

طريقة عمل الفطيرة المحشية مكسرات ⬇️

  • نأخذ اول ورقة وندهنها بالسمن جيدا
  • ثم نضع عليها الورقة التانية وندهنها أيضا بالسمن
  • نضع اي مكسرات موجودة عندنا نطحنها طحن خشن ونضع عليها معلقة صغيرة من السكر البودرة
  • نفردها في منتصف الفطيرة، مع الضغط خفيف عليها حتي تلتص بالسمن
  • ممكن نستخدم لوز او فسدق عين جمل وممكن طبعا سوداني وجوز هند وزبيب
  • ونقوم بتني  الطرفيين علي بعضهم من الاربع جوانب
  • مع مراعاة تغطية المكسرات بالجلاش حتي لا تقع وقت التسوية
  •  وعملها علي شكل مربع أو مستطيل
  • لمعرفة طريقة ثني الفطيرة بطريقة بسيطة يمكنكم مشاهدة الفيديو الموجود في الاسفل
  • ونمسح أيضا الوجه والظهر  بالسمن بعد ثنيهم

نخلص عمل كمية الفطائر المحشية مكسرات ونغطيها بفوطة نظيفة ونتركها جانبا حتي نبدا في التسوية

الفطائر المحشية كسترد ⬇️

نبدا اولا في عمل الكسترد ونتركه يبرد تماما قبل الاستخدامط

طريقة عمل الكسترد الجاهز ⬇️

  • في اناء عميق نضع كوب من الحليب
  • ونضع عليها ملعقة كبيرة ممتلئة بشكل هرمي من بودرة الكسترد
  • اقروا الكمية اللي مكتوبة علي العلبة اد ايه لكل كوب حليب  لأن كل نوع بيختلف عن التاني
  • نقلبهم مع بعض جيدا  علي البارد الاول

نرفعها علي نار متوسطة مع التقليب لحد ما نلاقي قوامها بدأ يتقل

اللي حابب بقي طعمها مسكر يحط عليها شوية سكر او ممكن نكتفي بالسكر اللي هنحطه علي الوش زي ما تحبوا

 

نفضيها بقي في طبق ونسيبها لحد ما تبرد تماما

يعني لو هتحشوا الفطيرة بالكسترد اعملوه هو الأول ونسيبه يبرد برحته

هنعمل ورقتين الجلاش وندهنهم بالسمن بنفس الطريقة

وبعدين نحط عليهم طبقة خفيفة من الكسترد بعد ما برد

ونطبق الأطراف كويس علي الحشوة وندهنها برضه بالسمن

تابعي أيضا: طريقة عمل الفطير المشلتت الفلاحي بطريقة سهلة وسريعة

تسوية فطيرة الفطاطري

هنجيب طاسة نمسحها خفيف بالسمن ونحطها علي نار هادئة ونحط فيها الفطيرة

وكل شوية نقلبها علي الناحية التانية عشان تستوي من جوه وتورق

لحد ما تخذ اللون الذهبي الحلو اوي ده وتبقي مورقة وهشة بالشكل ده كده

عايزينها بقي طريقة وغرقانة في الحليب نحط عليها وهي في الطاسة بس بعد ما نطفي النار ربع كوبية من الحليب ونقلبها علي الناحيتين عشان تبقي طرية وتتشرب من الحليب

وعلي الوش نحط السكر البودرة أو العسل

الكمية طبعا زي ما تحبوا

بتبقي فظيعة وهي غرقانة كده في الحليب

لو عايزينها بقي تبقي مقرمشة من علي الوش

نحط الحليب بعد ما نرفعها من الطاسة ومنكترش عشان تفضل هشة ومقرمشة

فطيرة سهلة وبسيطة ومخدتش وقت وطعمها بيطلع رائع

لمعرفة تفاصيل اكثر عن الوصفة والمكونات يمكنكم متابعة الفيديو

جربوها هتعجبكم جدا وبالف هنا علي قلوبكم مقدما

بالهنا والشفا

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد