هنتعلم مع بعض النهاردة وهي طريقة عمل خلية النحل او فطائر الحليب المكثف وهي وصفة معجنات هتعجبكم جدا، هنعملها بعجينه حلوة قوي زي القطن هشه وطريه بتطلع تحفه ومن كثر ما هتلاقوا العجينه دي معاكم حلوة قوي هتحبوا تعملوا بيها اي معجنات او مخبوزات هتطلع معاكم ناجحه من اول مرة.
يلا بينا نشوف طريقة تحضيرها بس الاول نشوف المكونات اللي هنحتاجها
مكونات خلية النحل ⬇️
- كوب حليب 250 مللي
- 2 ملعقة كبيرة سكر
- ملعقة كبيرة ممتلئة خميرة 8 جرام
- نصف كوب حليب مكثف 75 جرام
- 1بيضة
- 3 كوب وربع دقيق 400 جرام
- نصف ملعقة صغيرة ملح
- 3 ملاعق كبيرة ممتلئة زبدة طرية
– المكونات كلها بدرجة حرارة المطبخ
– الكوب المستخدم 250 مللي
طريقة عمل خلية النحل ⬇️
- في اناء عميق نضع كوب من الحليب الدافئ، لو الجو حر هنستعملها بدرجة حرارة المطبخ
- وهنضيف عليها ملعقة كبيرة ممتلئة من الخميرة
- و2 ملعقة كبيرة ممتلئة من السكر
- نخلطهم مع بعض الاول ونتركهم لمدة 5 دقائق لحد ما نلاقيها عملت رغاوي على الوجه نعرف كده ان الخميره شغالة كويس
- نضيف عليها نصف كوب من الحليب المكثف، بيفرق جدا في طعم العجينه وقوامها
- وبيضة واحدة فقط بحرارة المطبخ
- ونخلط كل المكونات مع بعضها جيدا
- نترك الخليط على جنب ثواني ونحضر 3 اكواب وربع من الدقيق، ونضيف عليهم نصف ملعقة صغيرة من الملح ونخلطهم مع بعض الاول حتي يختلط الملح جيدا مع الدقيق، ثم نضيفهم علي الخليط
- نضيف الدقيق شوية بشوية مع التقليب، يعني مانضيفش الدقيق كله مرة واحدة، ممكن نحتاج نزود ملعقة او ملعقتين زيادة من الدقيق لان كل دقيق بيختلف عن التاني
- وهنعجن كله مع بعض كويس لحد ما نلاقي الدقيق اختفى خالص
- نضيف عليه ثلاث معالق كبار من الزبدة الطرية بحراره المطبخ
- ونرجع نكمل عجن ثاني لحد ما العجينه نلاقيها اتشربت الزبده كلها
- العجينه هتكون بتلزق منقلقش منها ومنزودش دقيق، احنا عايزين العجينه بتلزق كده هي لما بتخمر هتبقى طريه ومتماسكة
تابعي أيضاً: طريقة عمل الايس كريم بطعم القشطة في البيت
- هناخد العجينه وعلي اي سطح ينفع نعجن عليه نرش رشه بسيطة من الدقيق، ونعجنها كويس جدا
- لو هنستخدم العجان هتاخذ من 6 ل 7 دقائق، لكن لو هنعجن باليد مش اقل من 10 دقائق
- وعشان نعرف نلم العجينة في الاخر خالص هنميسح ايدينا كويس بالزيت ونلمها كلها من العجان او من السطح اللي احنا شغالين عليه
- عشان نتأكد ان العجينة اتعجنت كويس، نأخذ منها قطعة صغيرة ونفردها بين أيدينا و نفضل نفرد فيها لحد ما تبقى خفيفه لو ما تقطعيش مننا يبقى كده خلاص العجينه تمام، لكن لو اول ما بنفردها بنلاقيها بتتقطع لا يبقى محتاجة نعجنها شوية كمان
- لو اتعملت العجينة دي بنفس الطريقه والمقادير هتطلع معكم تحفه اهم حاجه منزودش دقيق
- نضعها في طبق عميق بس نمسحه الاول بالزيت ونغطيها ونسيبها لمده ساعة او حسب درجه حرارة الجو، لحد ما نلاقي حجمها تضاعف
- نخرج منها الهواء ونستخدمها على طول
- العجينه بعد ما خمرت بقت طرية وناعمة وفي نفس الوقت مش بتلزق في الايد
- نمسح اي سطح بالزيت خفيف ونضع عليه العجينة عشان متلزقش
- هنقسمها الاول اربع ارباع، وهناخذ كل ربع نقسمه اربعة وكل ربع منهم هنقسمه نصين
- عايزين نعملها كرات حجمها يبقى متساوي متكونش واحدة كبيرة وواحدة صغيرة، عشان يبقى شكلها حلو وفي نفس الوقت تستوي كله في نفس الوقت، ممكن نستعمل ميزان المطبخ عشان تطلع كلها مقاس واحد، او بالنظر نحاول نساويهم ببعض بس ما تكوني كبيرة اوي عشان لسه هتخمر وحجمها هيتضاعف.
يمكنك أيضاً قراءة: حلي بارد بطعم الشوكلاته بدون بيض ولا كريمة ولافرن
- واحنا شغالين بالعجينة نخليها على طول متغطية عشان ما نلاقيش الوش نشف وعمل قشرة
- نحضر الصينيه اللي هنستخدمها وندهنها كويس اوي من القاعدة والجوانب بالزبدة، ممكن كمان لو حابين نحط فيها ورق زبدة الصينيه اللي استخدمتها مقاس 28 أو 30
- نأخذ كل كورة منهم ونحط فيها الحشوه ونقفل عليها كويس اوي
- حطوا اي حشوه تحبوا طعمها، ممكن تستعملوا جبنه مربعات أو شوكولاته او نوتيلا زي ما يعجبكم حطوا فيها او ممكن كمان تسيبوها سادة خالص وبيبقى طعمها احلى بكثير كمان من اللي محشية، انا حطيت في شويه منهم جبنه مربعات والباقي سبته ساده زي ما هو بيبقى طعمه حلو جدا
- نضعها في الصينية واحدة بجوار الأخري، لمن نترك مسافة بسيطة بينهم لانها لسه هتخمر وحجمها هيتضاعف
- نغطيهاونتركها ربع ساعة او نصف ساعة لحد ما نلاقي حجمها تضاعف
- في طبق صغير نضع قليل من الحليب وندهن بها الوجه كله، بس بالراحة ما نضغطش جامد اوي عشان مش عايزين نطلع الهواء اللي فيها
- وعلى الوجه كمان هنرش رشة من السمسم
- وندخلها فرن ساخن مسبقا على درجه 180 نحطها في الرف الاوسط وهتاخذ
تقريبا من 25 ل 30 دقيقة - ونختبر نضجها بعود خشب من بين الفطائر وليس الفطائر نفسها إذا كان فيها عجين نتركها خمس دقائق كمان
- وفي الوقت ده هنجهز زبدة الحليب المكثف اللي بتدي للفطائر طعم ومذاق مميز جدا، هندهنها علي الوجه اول ما تخرج من الفرن
طريقة زبدة الحليب المكثف ⬇️
- هنحتاج 5 ملاعق كبيرة ممتلئة من الحليب المكثف
- وهنضيف عليهم ثلاث ملاعق كبيرة ممتلئة من الزبدة دفيتهم بس الاول بسيط وبعدين ضيفتهم عليه
- نخلطهم مع بعض كويس جدا وكده خلاص بقت جاهزه معانا
- نخرج الصينية من الفرن ونضع عليها زبدة الحليب المكثف
- الفطائر هشة وطرية جدا وطعمها روووووعة
- جربوها بااي حشوة تحبوا طعمها هتطلع تحفة
- لو حابين تعملوها فطائر حادقة بحشوة الجبنة والزعتر أو الجبنة الشيدر او حشوة حادقة، مش هنضيف علي الوجه زبدة الحليب المكثف، هنمسح الوجه بالزبدة فقط
ولمعرفة تفاصيل اكثر عن طريقة عمل خلية النحل والمكونات يمكنكم متابعة الفيديو
جربوها وبالف هنأ علي قلوبكم مقدما
[…] تابعب أيضاً: طريقة عمل خلية النحل بعجينة زي القطن هشة وطرية جداً […]