طاجن بطاطس بيوريه بالدجاج والخضروات … وجبة غداء سريعة وطيبة وطعمها بيشهي، فاجئي اسرتك بوصفة جديدة ومميزة من البطاطس البيوريه وحشوة الدجاج، طبق لذيذ وساخن مغطي بطبقة لذيذة من الجبن.
المكونات ⬇️
-
كيلو ونصف بطاطس
-
نص كيلو صدور دجاج ( ممكن استخدام ربع كيلو فقط )
-
فلفل الوان واحدة من كل نوع
-
ربع كيلو مشروم
-
بصلة متوسطة
-
2 حبة جزر
-
4 أو 5 فصوص من الثوم
-
2 ملعقة كبيرة من الزبدة أو السمن وممكن إضافة 2 أو 3 معلقة كبيرة من القشطة
-
زيت زيتون
-
ملح – فلفل اسود – بابريكا – زعتر
👈لمعرفة معلومات اكثر عن الوصفة يمكنكم متابعة الفيديو 👇
طريقة تحضير طبقة البطاطس البيوريه⬇️
- اول حاجة نعملها نقطع البطاطس مكعبات، ونضعها في اناء عميق
- ثم نضع عليها مياه ساخنة
- ومعلقة صغيرة من الملح
- ثم نتركها علي نار متوسطة إلي أن تستوي تماما
- كمية البطاطس المستخدمة من كيلو الي كيلو ونصف حسب حجم الطاجن أو الصينية
- وبعد البطاطس ما استوت نصفيها من ميتها
- ثم نضيف عليها وهي ساخنة2 ملعقة كبيرة ممتلئة من الزبدة أو السمن
- ممكن نعزز الطعم أكثر ونضيف 2 أو 3 ملعقة كبيرة ممتلئة من القشطة بتاعت وش اللبن
- ونتبلها بنصف معلقة صغيرة من الملح والفلفل الأسود أو الابيض
- وبهراسة البطاطس نهرسها جيدا إلي أن تصبح كريمية وليس بها اي كتل
- ممكن استخدام المصفاة السلك في تنعيم البطاطس ( نضع البطاطس وهي ساخنة في المصفاة ونضغط عليها بشوكة أو معلقة، الطريقة ديه في تنعيم البطاطس جيدة جدا )
- نتذوقها ونظبط طعم الملح والفلفل
- وكده البطاطس بقت جاهزة نتركها جانبا ونحضر بقية المكونات
تجهيز مكونات الحشوة⬇️
- نحتاج لوصفتنا نصف كيلو من صدور الدجاج، ممكن نستخدم أكثر أو أقل
- ثم نقطعها الي مكعبات متوسطة الحجم
- و فلفل الوان واحدة من كل نوع نقطعها الي قطع صغيرة
- وربع كيلو او اقل من المشروم الطازج، نمسحه جيدا بفوطة او مناديل المطبخ
- ثم نقطعه مكعبات حجمها متوسط
- و هنحتاج أيضا الي 2 حبة من الجزر، نقطعه مكعبات صغيرة
- وجبة بصل واحدة حجمها متوسط، نقطعها أيضا لقطع صغيرة أو ممكن نفرمها فرم خشن
- واخر مكون 3 أو 4 فصوص من الثوم نفرمهم فرم خشن
ملحوظة ⬇️
في حالة تجهيز المكونات كلها قبل البدء في التسوية، نقطع البصل والثوم آخر حاجة حتي نحافظ علي لونهم و ريحتهم.
طريقة تسوية حشوة الدجاج والخضروات ⬇️
- في طاسة علي نار متوسطة نضع 2 أو 3 ملاعق من زيت الزيتون البكر، ممكن استخدام زيت نباتي أو سمن
- نتركه يسخن جيدا
- ثم ننزل عليها بقطع الدجاج، نفردها في الطاسة مع مراعاة عدم التقليب في الأول حتي تأحذ صدمة وتحتفظ بكل السوائل في داخلها، والخطوة ديه تحافظ علي قطع الدجاج طرية وجوسي من الداخل
- وعندما تأخذ لون من أسفل نقلبها تتشوح كلها مع بعضها وتصبح كلها لون واحد
- ثم نضيف عليها المشروم
- ونكمل تشويحهم شوية حتي ياخد المشروم لسعة خفيفة في الزيت
- ثم نضيف عليهم بقية المكونات كلها، البصل والثوم والجزر والفلفل الالوان
- ونشوح المكونات كله مع بعضها علي نار متوسطة لمدة 1 دقيقة أو 2
- ثم نضع عليهم وبعدين نضيف عليهم معلقة كبيرة ممتلئة من صلصة الطماطم
- ونتبلهم بنص معلقة صغيرة من الملح والفلفل الاسود ومعلقة صغيرة من البابريكا ومعلقة صغيرة من الزعتر، بيعطي الزعتر طعم ومذاق رائع مع حشوة الدجاج
- واخر حاجة هنضيف ربع كوب فقط من الميه
- نقلب المكونات كلها مع بعض ونظبط طعم الملح، ونغطيها ونتركها علي نار هادئة الفراخ تستوي والمكونات كلها تتشرب من بعضها
طريقة تجهيز الصينية والتسوية ⬇️
- نحضر طبق بيركس أو صينية مناسبة لكمية البطاطس والحشوة
- وندهنها بسمن او زيت ونرش فيها رشة من البقسماط المطحون تغطي قعدة الصينية كلها
- وبعدين نضع فيها كل كمية البطاطس
- ونفردها في الصينية جيدا، ونساوي الوجه بحيث يصبح طبقة متساوية
- ثم نضع حشوة الفراخ والخضروات كلها ونفردها بحيث تغطي طبقة البطاطس كلها
- وآخر حاجة نضع علي الوجه جبنة موتزريلا أو جبنة شيدر، تغطي الحشوة
- و ندخلها فرن ساخن مسبقا علي درجة 200
- ونتركها المكونات كلها تسخن وتندمج مع بعضها، والجبنة تسيح علي الوجه وتأخد لون ذهبي حلو من علي الوجه
- يعني مش محتاجين تشغلوا عليها الشواية، الفرن بيكون كفاية
- لكن لو لقيتوا الوش لسه محتاج شوية ممكن تشغلوا الشواية دقيقة او اتنين حتي تأخذ لون ذهبي
- نخرجها من الفرن وتقدموها وهي ساخنة وسايحة في بعضها طعمها لذيذ جدا
تقدموها في غداء او حتي عشاء او لو عندكم عزومة هتعجبكم جدا
جربوها وان شاء الله تنال اعجابكم وبالف هنا علي قلوبكم مقدما.
التعليقات مغلقة.