هعمل معاكم النهاردة اسهل واسرع حلو ممكن تعملوه أم علي، هنعملها بالطريقة المصرية علي أصولها بطريقة سهلة ولذيذة و اطعم من المحلات
ام علي حلو يتعمل في الصيف أو في الشتاء، اكلة تتعمل في كل واي وقت, ممكن تتقدم ساخنة أو دافئة أو حتي باردة تماما بنحبها في كل أحوالها
هنعمل اكتر من واحدة وكل واحدة منهم باضافات مختلفة, مثلا لو عندنا ضيوف وعايزين نعمل ام علي تشرفنا وتبقي مظبوطة اوي, أو لو عايزين نعملها بمكونات بسيطة جدا
وايضا هنعلمها بطريقة المطاعم والمحلات اللي غيرت شوية من شكلها التقليدي.
يلا بينا نبتدي في عمايلها علي طول بس الاول نشوف المكونات اللي هنحتاجها
مكونات أم علي ⬇️
- 250 جرام من الميلفي المحمص
- لتر حليب
- حليب مكثف محلي أو نص كوب سكر
- نص كوب قشطة او كريم شانتيه أو كريمة خفق
- فانيليا
- مكسرات وجوز هند وزبيب اختياري
- رشة بسيطة من السكر البودرة
ملحوظة ⬇️
- – بديل الميلفي المحمص الكرواسون المحمص أو عجينة البف باستري أو علب ام علي الجاهزة
- – بديل الحليب المكثف المحلي السكر
- – بديل القشطة البلدي الكريم شانتيه أو كريمة الخفق أو علب القشطة الجاهزة.
طريقة تحضير أم علي ⬇️
– ام علي ممكن تتعمل با اكتر من حاجة أولهم وافضلهم عجينة الباف باستري بنجيبها وبالشوكة نعمل فيها فتحات بسيطة وتدخلها الفرن تستوي
– أو نعملها بالميلفي المحمص أو الكرواسون المحمص وكل ما كان الميلفي أو الكرواسون طازة ومخدومين كويس بيطلع طعم ام علي رائع
– بنكسره لقطع صغيرة ونستعمله علي طول
ام علي بالقشطة ⬇️
- في الطاجن الفخار أو اي حاجة تحبوا تعملوها فيه
- هنضع فيها كمية من الميلي في تبقي مناسبة لحجم الطاجن
- ونضع عليها أي شوية مكسرات موجودين عندنا
- جوز لوز عين جمل بندق و اي كمية تحبوها
- نقطعها قطع صغيرة ونضيفها
- ونضع معاههم كمان شوية من جوز الهند بيعطي طعم حلو
- نقلبهم مع بعض
- ونسيبها علي جنب شوية ونجهز الحليب
- في اناء علي النار نضع الحليب ونتركه يسخن جيدا
- ثم نضع عليه الحليب المكثف المحلي أو السكر
- كل كيلو من الحليب بنضيف عليه عل علبة من الحليب المكثف المحلي
- أو نص كوب من السكر، مع مراعاة عدم اضافتهم مرو واحدة نضيف شوية بشوية الي أن يظبط الطعم
- نقلبهم جيدا ثم نطفئ النار
- ونضيف عليهم 2 ملعقة كبيرة ممتلئة من القشطة ونصف ملعقة صغيرة من الفانيليا
- نقلبهم مع بعض جيدا ثم نضيفهم علي الميلفي بحيث يغطي الوجه كله
- نضع كمية مناسبة من الحليب حتي يظل طري وكريمي ومش ناشف
- وعلي الوش نضيف ربع كوب من القشطة
تابعي أيضاً: طرقة عمل الايس كريم بطعم القشطة في البيت | 5 نكهات احلي وأطعم من الجاهز
- استعملوا قشطة بلدي أو بتاعت وش اللبن أو علب القشطة الجاهزة المتوفر منهم
- نوزعها علي الوجه بحيث تغطي الوجه بالكامل
- واخر حاجة نضيف عليهم رشة بسيطة من السكر البودرة، تحمر الوش وتديله لون حلو
- ندخلها تحت الشواية يدوب الوش يخد لون ذهبي حلو والمكونات كلها تسخن مع بعضها، هي مش محتاجة نشغل عليها الفرن الشواية بس كفاية اوي
- ونطلعها من الفرن ونزينها بااي مكسرات متوفرة
- ثم تتقدم وهي ساخنة أو دافئة أو حتي ساقعة من الثلاجة الطعم بيكون كريمي وطري ورائعة
- والطعم بيكون مظبوط جدا
أم علي بالكريمة شانتيه ⬇️
بمكونات بسيطة وطريقة ابسط وطعم اخف
- نضع الميلفي المحمص بعد تكسيره في الطاجن الفخار أو اي طاجن متاح
- ونضع عليه شوية من جوز الهند أو الزبيب أو ممكن تعملوها سادة خالص
- وفي اناء علي النار نضع الحليب الي أن يغلي جيدا
- ثم نرفعه من علي النار
- ونضع عليه 2 ملعقة كبيرة من السكر وربع ملعقة صغيرة من الفانيليا ظبطوا طعم السكر زي ما تحبوا
- ونضيف أيضا 2 ملعقة كبيرة ممتلئة من الكريم شانتيه البودر
- نقلب الكلام ده كله مع بعضه جيدا
- ثم نضيفه علي خليط الميلفي
- نضيف كمية مناسبة من الحليب تغطي وش الميلفي
- ثم ناخذ 3 أو 4 ملاعق من الكريم شانتيه البودر ونخلطهم مع فنجان صغير من الحليب المثلج الي أن يصبح القوام كريمي
- ثم نضعهم علي وجه الحليب يغطو الوجه كله
- وعلي الوجه أيضا نضع رشة بسيطة من السكر البودرة
- ونسويها بنفس الطريقة السابقة تحت الشواية
- وبعد خروجها من الفرن ممكن نزينها بشوية من جوز الهند والزبيب
- طعمها بيكون حلو جدا وخصوصا لو الحليب اللي استخدمناه حليب طبيعي كامل الدسم
ام علي بطريقة المحلات ⬇️
- الحليب بيكون ساخن بيغلي نحليه بالسكر عادي جدا ونسقي بيه الميلفي
- ندخلها تحت الشواية يدوب الوش يخد لون ذهبي
- ثم نضع علي الوجه بعد التسوية
- قطعة كبيرة من القشطة
- وشوية مكسرات من اي نوع
- واي صوص بتحبوا طعمه صوص كراميل أو صوص شوكولاته
- طعمها طبعا بيبقي خطير وفي ناس كتير بتحب طعمها بالافتكاسات ديه
اعملوها بالطريقة اللي تعجبكم اهم حاجة الميلفي يكون طازة ومعمول حلو والحليب يبقي طبيعي و كامل الدسم ويكون ساخن وبيغلي، الطعم هيبقي رائع
ولمعرفة تفاصيل اكثر عن الوصفة والمكونات يمكنكم متابعة الفيديو
قدموها وبالف هنا علي قلوبكم مقدما
[…] تابعي أيضاً: طريقة تحضير أم علي بالطريقة المصرية علي أصولها […]