هعمل معاكم النهاردة سلطة كول سلو وهي من اكثر السلطات اللي بنحب نأكلها واكثر نوع سلطة بنحب دايما يبقي موجود علي السفرة مش شرط جنب الفراخ المقرمشة بس, لا كمان جنب المشويات واي حاجة مقلية او جنب السندوتشات بيبقي طعمها لذيذ جدا.
هعملها معاكم انهاردة بأقرب طعم لسلطة كنتاكي
يلا بينا نبتدي في شرح الوصفة بس الاول نشوف المكونات
مكونات سلطة كول سلو
- كرنب سلطة ابيض
- 1 حبة جزر صغيرة
- 1 حبة بصل ابيض صغيرة أو ربع بصلة متوسطة أو شرائح البصل المجفف
- 5 أو 6 ملاعق كبيرة ممتلئة من السكر
- كوب الاربع مايونيز
- ملعقة كبيرة ممتلئة خل التفاح
- عصير ليمونة واحدة
- ربع ملعقه صغيره من الملح والفلفل والبابريكا
لمعرفه تفاصيل اكثر عن الوصفة والمكونات يمكنكم متابعة الفيديو 👇
طريقة عمل سلطة كول سلو
- السلطة ديه بتتعمل بالكرنب الأبيض هنستخدم واحدة صغيرة أو نصف واحدة كبيرة
- نقطعها لقطع صغيرة أو ممكن نستخدم محضرة الطعام في فرمها
- هنحتاج معاها لجزرة صغيرة اونص جزرة متوسطة
- كمية الجزر في السلطة بتبقي بسيطة اوي نص واحدة متوسطة أو واحدة صغيرة كفاية اوي
- نبشرها ناعم ونضيفها علي الكرنب
- نتركها جانبا ونحضر باقي المكونات
تابعي أيضاً: طريقة عمل سلطة سيزر الشهية
طريقة تحضير صوص المايونيز ⬇️
- نحضر طبق عميق ونضع فيه كوبية الا ربع من المايونيز ممكن تنقصوا منه معلقة او معلقتين وتحطوا بدالهم زبادي
- ونتبلهم بربع معلقة صغيرة من الملح ورشة بسيطة من الفلفل الأبيض او الأسود اللي موجود منهم نستخدمه، ورشة بسيطة من البابريكا
- وعصير ليمونة واحدة لو صغيرة لكن لو كبيرة نستخدم عصير نص ليمونة
- ومعلقة كبيرة ممتلئة من خل التفاح لو مش متتوفر ممكن نستخدم الخل الأبيض بس الافضل طبعا خل التفاح
- وهنحتاج بصلة صغيرة اوي او ربع بصلة متوسطة، نفرمها ناعم جدا
- وملعقة صغيرة من شرائح البصل المجفف
- وعصير ليمونة واحدة
- ثم نضع عليهم اهم مكون في السلطة ديه هو السكر، نضيف منه 5 ملاعق كبيرة ممتلئة، وممكن في الاخر نحتاج نزود ملعقة اخرى من السكر هو اللي يضبط ويظهر طعم السلطة
- نخلط كل المكونات جيدا مع بعض
- ثم نضيفهم علي الكرنب ونقلب كل المكونات تندمج مع بعضها
- نخلط كل المكونات مع بعضها جيدا ونغطيها ونضعها في الثلاجة
- لو دوقتوها دلوقتي مش هتلاقوا نفس الطعم بتاع كنتاكي وهتلاقوا طعم الكرنب ظاهر اوي ومش حلو
- السلطة ديه لازم تقعد في الثلاجة يوم كامل عشان الكرنب يذبل وينزل ميته وتخدوا طعم السلطة المظبوط او اقل حاجة ليلة كاملة
- وكل ساعتين أو ثلاثة نخرجها من الثلاجة نقلبها، حتي تتشرب كل المكونات من بعضها
نتركها في الثلاجة أطول وقت تتشرب من الصوص
جربوها ومتاكدة أنها تعجبكم جدا وبالف هنا علي قلوبكم مقدما
لمعرفة تفاصيل اكثر عن الوصفة والمكونات يمكنكم متابعة الفيديو التالي
وبالف هنا علي قلوبكم مقدما
التعليقات مغلقة.