وصفتنا النهارده هنعمل محشي الكوسة باللبن او شيخ المحشي، نوع من انواع المحاشي لها طعم ومذاق مميز جدا، وهي كمان من الوصفات المميزه على السفرة، هي يعني بتحتاج شويه خطوات زياده لكن بصراحه الطعم يستاهل انها تتعمل.
يلا بينا نبتدي في شرح الوصفة بس الاول نشوف المكونات اللي هنحتاجها.
مكونات محشي الكوسة
- كيلو وربع أو كيلو ونص كوسة
- نصف كيلو لحمة مفرومة
- بصله متوسطة
- كيلو زبادي أو لتر لبن رايب
- نصف كوب حليب
- كوب كريمه طهي
- نصف ملعقه صغيره سكر
- ملعقه كبيره ممتلئه نشأ
- ملح و فلفل
طريقة تسوية اللحم المفروم ⬇️
- طاسه على نار عاليه تسخن كويس، ثم نضيف نص كيلو من اللحمه المفرومه، نفردها بس في الطاسه ومش هنقلبها خالص في الاول عايزين اللحمه تاخذ صدمه ومتنزلش ميتها عشان طعم لحمه الحلوة يفضل فيها
- نتبلها بمعلقه صغيرة من الملح ونصف معلقه صغيره من الفلفل، اللي حابب يضيف اي توابل أخري زي ما تحبوا، انا هكتفي بالملح والفلفل حتي لا يتغير طعم اللحم
- واول ما نلاقيها خدت لون تحمير خفيف من أسفل، نقلبها ونفكها من بعضها
- نتركها علي نار هادئة الي أن تأخذ اللحم كلها لون واحد
- ثم نضيف عليها بصلة صغيرة مفرومه ناعم في الوصفه الاصلية لا يوضع بصل، فممكن تعملوها من غير بصل
- نشوح البصل مع اللحم، ونتركها علي نار هادئة حتي تكمل تسويتها
- وقبل ما نقفل على طول هنضيف شويه من الصنوبر المحمص أو اللوز، وممكن استخدام أي نوع مكسرات متوفر في البيت أو الاستغناء عنها تماما
- نطفئ النار ونتركها تهدأ جانبا ونكمل باقي الخطوات
طريقة تجهيز محشي الكوسة ⬇️
- نقوم بغسل الكوسة وتجفيفها جيدا
- يفضل استخدام الكوسة صغيرة الحجم بتعطي مذاق طيب
- نقطع الرأس والقشره الخفيفه الموجوده من أسفل
- وبالمقوار نقيس المسافة اللي هنعملها مع مراعاة عدم الوصول لاخر الكوسة حتي لاتقطع
- نقوم بتثبيت الاصبع عند المسافة المطلوبة
- وبالمقوار نقوم بعمل علامة في متوسط الكوسة علي شكل دائرة
- ثم ندخله فيها بشكل مستقيم ونحفر بخفة مع عدم الضغط بقوة حتي لا تكسر
- نكمل حفر حتي نخرج قلب الكوسة بكل سهولة، لا نخرج كثير من قلب الكوسة حتي لاتهري وقت التسوية، المطلوب أنها تكون سميكة من الداخل، لانها تمر باكثر من مرحلة في التسوية، ونريدها أن تظل متماسكة ومحافظة علي شكلها
- الجزء ده موضح بالتفصيل في الفيديو لو في حاجة مش واضحة في الشرح ممكن مشاهدة الفيديو
- وبسكينة ممكن نشيل طبقة خفيفة من القشرة أو ممكن الاحتفاظ بها كما هي
- نكمل بنفس الطريقه الي أن ننتهي من حفر كل كمية الكوسة
- ثم نقوم بوضع اللحم المعصج بداخلها، مع مراعاة الضغط علي اللحم حتي نملأ الكوسة جيدا من الداخل، ونضغط جيدا حتي تخرج وقت التسوية
طريقة تسوية محشي الكوسة ⬇️
- في مقلاة نضع به الزيت، ونرفعها علي النار، ونتركها حتي تسخن جيدا
- ثم نضع به الكوسة، شوية بشوية حسب حجم المقلاة
- نقلب الكوسة بحرص حتي لا نخرج اللحم من الداخل، واول ما نلاقيها خذت لون ذهبي خفيف والقشرة أصبحت مكرمشة نرفعها من الزيت ونكمل تحمير باقي كمية الكوسة بنفس الطريقة، لا نترك الكوسة تأخذ لون غامق او تتهري من التحمير، اول ما تاخذ لون خفيف نخرجها فورا
- ثم نحضر اناء عميق بها ماء، نتركه حتي يغلي جيدا، نضع بها نصف ملعقة صغيرة من الملح وربع ملعقة صغيرة من الفلفل
- وعند غليان الماء نضع به الكوسة
- الخطوه السابقة مهمه جدا لنتخلص من الزيت الموجود في الكوسة
- اول ما الكوسة تغلي نتركها لمدة خمس دقائق فقط، ثم نخرجها علي مصفاة ونتركها جانبا ونقوم بتحضير الحليب
- في اناء نضع كيلو من الزبادي او لتر من اللبن الرايب، المتوفر منهم نستخدمه، الاثنان يعطوا نفس الطعم ونفس النتيجه
- ثم نضيف عليهم كوب من كريمه الطهي او ممكن بديل كريمة الطهي نضع معلقتين او ثلاثه كبار من القشطه وجودهم بيفرق جدا في الطعم.
تابعي أيضاً: طريقة عمل البطاطس المقرمشة في الفرن
- نضيف كوب من الحليب
- ونص ملعقه صغيرة من السكر وملعقة كبيره ممتلئة من النشا وملعقة صغيره من الملح ونصف ملعقة صغيره من الفلفل
- ثم نقوم بخفق الخليط في الخلاط أو بالمضرب الكهربائى أو الهاند بلندر أو ممكن نصفيه بمصفاة سلك، حتي نحصل على خليط ناعم جدا وكريمي
- في حالة استخدام اللبن الرائب الخلط بالمضرب السلك اليدوي يكفي، لكن لو هنستخدم زبادي نقوم باستخدام أي طريقة سابق
- ثم نرفعه على نار متوسطة مع التقليب المستمر، حتي لا يلتصق الخليط في قاع الاناء، وحتي لايتكون كتل
- الي أن يصبح الخليط قوامه ناعم وكريمي جدا
- واول ما يغلي نضع فيها الكوسة ثم نغطيها، ونتركها علي نار هادئة تقريبا 10 دقائق او اقل، ونختبر تسوية الكوسة بشوكة
- ثم نطفي عليها ونقدمها وهي ساخنة
- نضعها في طبق التقديم أو بولة عميقة ونزينها بقليل من النعناع أو الكسبرة الخضراء أو ممكن نشوح فصين من الثوم المفروم مع الكسبرة في ملعقة صغيرة من السمن حتي يصبح لونهم ذهبي خفيف ونضعهم علي الوجه
- ونزينها بشوية من الصنوبر أو اي مكسرات نشوحها بسيط في السمن ثم نضعها علي الوجه
- يقدم شيخ المحاشي أو الكوسة بالحليب مع الارز بالشعرية والحبهان والمستكة أو مع الارز الابيض
طبق شيك جدا ومميز و يشرفك علي سفرتك، وجبة لذيذة جدا مش محتاجه اي حاجه ثاني تتقدم معاها غير الرز وممكن طبق السلطة.
و لمعرفة تفاصيل اكثر عن الوصفة والمكونات يمكنكم متابعة الفيديو
جربوها ومتأكدة أنها هتعجبكم وهتدمنوا طعمها وبالف هنا علي قلوبكم مقدما
التعليقات مغلقة.