تحبيشة الكبدة الاسكندراني باضافة مكون هيخليها احلي من اي عربية كبده
تحبيشة الكبدة الاسكندراني الأصلية
تحبيشة الكبدة الاسكندراني الأصلية بكل أسرارها زي المطاعم Arabic liver recipe
طريقة عمل تحبيشة الكبدة الاسكندراني زي المحلات, تحبيشة الكبدة الاسكندراني علي أصولها , طريقة عمل سندوتشات الكبدة زى المحلات، بهارات الكبدة الاسكندراني, تقدرو تتابعو الشرح في الفديو في اخر المقال, ولا تنسو الاشتراك بالقناة ليصلكم كل جديد
المكونات:
1 – معلقة كبيرة ممتلئه طحينه
2 – معلقه كبيره ثوم مفروم أو 10 فصوص ثوم
4 – لمونة واحدة
4 – معلقة خل
5 – التحبيشة المخصوصة للكبده الاسكندراني معلقة صغيرة من ( الملح – الكمون – الكزبرة الناشفة – بهارات كبده )
6 – فلفل رومي و فلفل حار
7 – للتقديم جرجير وشرائح الليمون
طريقه تحضير احلي كبده اسكندارني
1 – بنقطع الكبده الي شرائح رفيعة ورقيقة جدا.
2 – نضع عليها معلقة كبيرة ممتلئة من الطحينة، عشان ميكونش في ريحة زفارة في الكبده.
3 – نقلب الطحينة مع الكبده كويس ونتركها جانبا.
4 – في محضرة الطعام نضع مكونات التحبيشة كلها الثوم والليمون والخل والفلفل الحار وملح وكمون وكسبرة.
ملحوظة : نضع في التحبيشة قليل جدا من الليمون والخل والملح عشان نحافظ علي الكبده متتهريش وبعد التسوية بنزود من الليمون والملح.
5 – نخلط المكونات جيدا في محضرة الطعام، ونأخذ نص الكمية نضعها علي الكبده ونحتفظ بالنص الآخر.
6 – نقلب الكبده مع نص التحبيشة جيدا ثم نغطيها ونضعها في الثلاجة لمدة ربع ساعة.
7 – هنقطع الفلفل الرومي والفلفل الحار (اختياري) لشرائح رفيعة جدا.
8- في طاسة علي نار عالية نضع الزيت وقطعة صغيرة من اللية تسخن كويس واللية تسيح نضيف عليها الكبده، ومنقلبش في الاول
خالص عشان الكبده متنزلش ميتها.
9 – واول ما الكبده تخد لون من علي الوش، نقلبها كلها مع بعض تتشوح وتخد لون واحد.
10 – ثم نضيف عليها الفلفل الرومي والفلفل الحار، نقلبهم مع بعض شوية الفلفل يتشوح مع الكبده.
11 – ثم نضيف باقي كمية التحبيشة…وفي هذا الوقت هتطلع احلي ريحة للكبده تحفة، طعم وريحة ومزاق لا يقاوم.
12- نقلب الكبده كويس مع التحببشة ونظبط طعم الملح والتوابل ونهدي عليها النار شوية لمدة دقيقتين فقط تكمل تسويتها.
ملحوظة :
عشان الكبده تطلع طرية ومتنشفش وتبقي بتشد زي الكاوتش لازم منزودش عليها اوي علي النار وفي التسوية، عشان تفضل طرية وجوسي من جوه.
13 – هنقفل علي الكبده ونقدمها وهي ساخنة علي طبقة من الجرجير ونعصر عليها ليمون.
أو نعملها في سندوتشات ونضع عليها ليمون وطحينة وتقدم بالهنا.
التعليقات مغلقة.