وصفة النهاردة من الوصفات اللذيذة جدا وهي صينية الكوسة بالبشاميل، تعتبر الكوسة من الاكلات الشهية و ذات القيمة الغذائية العالية، ومن الاكلات المحببة لينا جدا في العزائم.
الكوسة بتتعمل بطرق كثيرة جدا لكن افضل طريقة ليها هي صينية الكوسة بالبشاميل هعملها معاكم بطريقة حلوة اوي، واللي مش بيحب الكوسة هيحبها وهيعشق طعمها بالطريقة ديه
الكوسة بتبقي عايمة في صوص البشاميل وسايحة كلها جوه بعضها.
يلا بينا نبتدي في شرح الوصفة بالتفصيل بس الأول نشوف المكونات اللي هنحتاجها
مكونات صينية الكوسة بالبشاميل
- كيلو او كيلو ونص كوسة
البشاميل ⬇️
- 4 ملاعق كبيرة ممتلئة بشكل هرمي دقيق
- 4 ملاعق كبيرة ممتلئة سمن او زبدة
- 6 اكواب حليب ( لتر ونصف )
- كوب كريمة طهي
- ملعقة صغيرة ملح
- نص ملعقة صغيرة فلفل ابيض او اسود
- رشة جوزة الطيب
- ربع ملعقة صغيرة بصل بودر
- رشة قرنفل مطحون
صوص اللحمة المفرومة ⬇️
- نص كيلو لحم مفروم
- بصلة متوسطة
- 2 فص ثوم مفروم
- 2 حبة طماطم
- ملعقة صغيرة صلصة طماطم
- ملح وفلفل ورشة جوزة الطيب
طريقة تقطيع الكوسة ⬇️
- اول حاجة نغسل الكوسة أكثر من مرة ونصفيها من ميتها
- بسكينة نقطع الرأس والجزء الصغير اللي من أسفل، ونقطعها شرائح حجمها متوسط مش سميكة ولا رفيعة
- وممكن تقطع شرائح بالورب بميل شوية، قطعوها بالطريقة والشكل اللي يعجبكم
- وبسكينة مشرشرة نعمل تضليعة بسيطة خطوط بالطول من علي الوش، بتعطي الكوسة شكل حلو
طريقة تسوية الكوسة ⬇️
- في حلة أو طاسة عميقة علي النار نضع ملعقة كبيرة من السمن او الزبدة
- تسيح ونضع بها الكوسة
- نشوح الكوسة في السمن تشويحة بسيطة، والخطوة ديه مهمة جدا عشان الكوسة متنزلش ميتها في البشاميل ويبقي الصوص كله ميه، وفي نفس الوقت بتدي الكوسة طعم ومذاق مميز
- نشوحها علي نار هادئة وكل دقيقة أو دقيقتين نقلبها تقليبة براحة، ومنقلبش كتير عشان الكوسة متتهريش
- نتبلها بربع ملعقة صغيرة من الملح والفلفل الأسود أو الابيض
- نشوح الكوسة في السمن حتي تصبح ثلث تربع سوي، مستوية لكن مقرمشة مش مهرية وفي نفس الوقت محتفظة بشكلها
- نطفي عليها ونضعها جانبا ونحضر صوص اللحم المفروم
تحضير صوص اللحم المفروم ⬇️
- طاسة علي نار عالية نتركها تسخن جيدا
- ثم نضع فيها اللحم المفروم، حتي تأخذ صدمة وتحتفظ بالسوائل في داخلها
- نفرد اللحم في الطاسة ولا نحركها، الي أن تأخذ لون ذهبي خفيف من أسفل نقلبها علي الجهة الأخري ونتركها حتي يصبح اللحم كله لون واحد
- نهدي عليها النار ونقليها كلها مع بعضها
- ونتبلها بنص ملعقة صغيرة من الملح والفلفل الأسود
- الملح في الاول بيساعد اللحم أنه يفك اسرع، والفلفل الأسود بيضيع اي ريحة اللحم ويعطيها نكهة ورائحة حلوة
- نقلبها كلها مع بعضها لحد ماتفك تماما وتصبح ناعمة وليس بها أي كتل ناعمة
- ثم نضع عليها بصلة متوسطة مفرومة ناعم
- و2 فص ثوم مفروم ناعم، الثوم بيعطي نكهة وطعم رائع للحم
- نقلبهم مع بعض دقيقتين بس البصل يتشوح والثوم ريحته الحلوة تطلع
- نضيف عليهم 2 حبة طماطم مبشورين
- وملعقة صغيرة من صلصة الطماطم
- ورشة من جوزة الطيب
- نظبط طعم الملح زي ما تحبوا، واللي حابب يزود اي نوع من التوابل برحتكم، انا مش بضيف توابل كتير عشان متغيرش طعم اللحم
- نقلبهم مع بعض ونسيبهم علي نار هادئة لمدة خمس دقائق
- ثم نطفئ النار ونتركها
- وكده أصبح صوص اللحمة المفرومة جاهز نتركه جانبا ونحضر صوص البشاميل
طريقة تحضير صوص البشاميل ⬇️
- في حلة علي النار نضع فيها 4 ملاعق كبيرة ممتلئة سمن او زبدة
- السمن بتكون متماسكة او طرية لكن مش سايحة
- في حالة استخدام الزبدة نضع معها ملعقة من الزيت عشان متتحرقش
- نترك السمن حتي تسيح، ثم نضع عليها 4 ملاعق كبيرة ممتلئة بشكل هرمي من الدقيق
- كل معلقة كبيرة من الدقيق بتأخذ ملعقة كبيرة ممتلئة من السمن او الزبدة
- نهدي النار ونقلبهم مع بعض
البشاميل الصح لازم يبقي الدقيق سايح في السمن مش مش ناشف ولا مكلكع في السمن، الخطوة ديه مهمة حتي يصبح البشاميل ناعم وكريمي
- في حالة الدقيق كان ناشف نزود ملعقة اخري من السمن او الزيت
- نقلبهم مع بعض ثواني بس الدقيق يستوي لكن لونه ميغيرش
- واول ما نلاقي الدقيق بيغلي في السمن نضيف عليه الحليب
- مع مراعاة أن النار تكون هادئة لايلتصق في قاع الحلة
- نضيف 6 اكواب من الحليب يعني تقريبا لتر ونص مو الحليب، نضيفهم واحنا بنقلب واحنا بتقلب
- كل ما كان الحليب طبيعي وكامل الدسم يعطي البشاميل طعم ومذاق مختلف
- نقلب علي طول عشان ميكونش اي كتل
- ثم نضع عليه ملعقة صغيرة من الملح
- ونص ملعقة صغيرة من الفلفل الأبيض أو الأسود
- رشة من جوزة الطيب
- وربع معلقة صغيرة من البصل البودر
- وعلي طرف الملعقة نضع رشة صغيرة من القرنفل المطحون
جربي كمان: طريقة عمل سلطة سيزر الشهية
جربو البشاميل بالتوابل ديه طعمه هيعجبكم جدا
- نقلبهم مع بعض جيدا
- وآخر حاجة هنضيفها كوب من كريمة الطهي بتعطي البشاميل طعم ومذاق شهي جدا
- في حالة لو مش متوفرة ممكن علي سبيل المثال نستخدم كوب من الحليب مع 3 أو 4 ملاعق كبيرة ممتلئة من القشطة الطازجة أو قشطة وش الحليب
- نقلب كله مع بعضه واول ما تغلي نقفل علي طول وده بيبقي قوام البشاميل المظبوط بيبقي خفيف وناعم وكريمي ومفيهوش اي كتل خالص
- البشاميل سخن هنخذ منه تقريبا كوبية ونضيف عليها نص كوبية من القشطة نقلبهم مع بعض هي القشطة هتسيح علي طول من سخونية البشاميل
- نسيبهم علي جنب ونخذ كوبية كمان من البشاميل نحطها علي الكوسة ونقلبهم مع بعض كويس وكده خلاص كل حاجة بقت جاهزة نبتدي بقي نرص الصنينة
- في قاعدة الصينة هنحط شوية من البشاميل ونوزعهم يغطوا قعدة الصينية هننقسم الكوسة لنصين
- ناخذ نص منهم ونفرده في قعدة الصينة نوززعه يعطي قعدة الصينى كلها وبعدين نحط صوص اللحم المفروم ونوزعه برضه كويس
نحط النص التاني من الكوسة ونفردها كويس اوي تغطي الحشوة كلها وعليها هنحط بقية كمية البشاميل
- الافضل ان الحاجة واحنا بنرصها تبقي كلها سخنة عشان كده انا في العادي بعمل كله مع بعضه في نفس الوقت
- والكوسة بتتشوح اعمل صوص اللحمة واسيبه يستوي واعمل البشاميل بلاقي الحاجة كلها بتخلص مع بعض وتبقي سخنة
- طبعا اللي مش بيعرف يعمل اكتر من حاجة في نفس الوقت عادي اعملوها حاجة حاجة بس خلوا البشاميل اخر حاجة فيهم ولو لقيتوا الكوسة او صوص اللحمة برد دفوهم علي النار شوية
- اخر حاجة هنضيفها علي البشاميل شوية البشاميل اللي حطينا عليهم القشطة عشان ده اللي هيعمل لنا وش حلو للصينة وفي نفس الوقت هيدي طعم حلو جدا وكده خلاص خلصت
- هنكون مسخنين الفرن علي اعلي حاجة هنحطها في الرف الأوسط كله يسخن مع بعضه بس ونقفل عليها
- نفتح الشواية ونسيبها لحد ما تخد اللون الحلو ده من علي الوش
- نطلعها من الفرن ونسيبها بس تهدأ عشر دقائق ونقدمها
تابعي أيضاً: طريقة عمل محشي الكوسة باللبن علي الطريقة الشامية
الكوسة ان مكنتش بالشكل ده كده سايحة وعايمة في صوص البشاميل متبقش كوسة بالبشاميل شكلها رهيييب وريحتها وطعمها يجنن
الكوسة مستوية كوسة بس مش مهرية فيها سنة قرمشة مخليا طعمها حلو
اللي حابب بقي يطلعها قطعة سليمة علي بعضها يسيبها لما تبرد وهتطلع معاكم قطع سليمة
اذا عجبكم الفيديو متنسوش تعملوله لايك وشير وفعلوا زر الجرس عشان يوصل ليكم اشعار با اي فيديو جديد هنزله واشوفكم علي خير
كل الحاجات ديه بتعزز الطعم لكن طبعا ممكن نعملها بالحليب بس وبرضه بيبقي طعمها حلو جدا
جربوها هتعجبكم جدا وبالف هنا علي قلوبكم مقدما
التعليقات مغلقة.