طريقة عمل كفتة الارز المصرية فى البيت مثل الحاتي

كفتة الارز المصرية فى البيت بطريقة سهلة و سريعة خطوة بخطوة

طريقة عمل كفتة الارز المصرية  فى المنزل بطريقة سهلة و سريعة خطوة بخطوة

 

 

 أهم النقاط الي هنتكلم فيها خطوة بخطوة

 

1. مكونات عمل كفتة الارز المصرية فى البيت
2. عمل صوص الطماطم كفتة الارز
3. طريقة تسوية كفتة الارز المصرية فى البيت
4. كيفية اختيار قطعية اللحم المستخدم في عمل كفتة الارز
5. الخضرة المستخدمة في عمل كفتة الارز
6. كمية البصل والثوم المستخدمين في عمل كفتة الارز

 

مكونات كفتة الارز 

 

1. – 1 كيلو لحم مفروم
2. – 600 جرام رز مصري ( 2 كوب كبير وربع )
3. – 2 بصلة حجم صغير او واحدة متوسطة الحجم
4. – حزمة كسبرة خضراء و نص حزمة من الشبت و عودين من البقدونس
5. – 7 أو 8 فصوص ثوم ( معلقة كبيرة ثوم مفروم )
6. ملح وكمون وكسبرة ناشفة وفلفل اسود واختياري شطة

 

مكونات صوص الطماطم لعمل كفتة الارز

 

1. – 2 ملعقة كبيرة سمن
2. – بصلة متوسطة
3. – ملعقة صغيرة ثوم مفروم
4. – عصير طماطم عمل كفتة الارز
5. – 2 ملعقة صلصة
6. – شوربة أو ماء
7. – ملح – كمون – كسبرة ناشفة – سكر – فلفل اسمر

 

 

 

طريقة تسوية كفتة الارز المصرية فى البيت

– اول حاجة هنعملها هنغسل الارز ونصفيه، ثم نقوم بفرده وتجفيفه علي فوطة لمدة نص ساعة أو ساعة علي الاكثر.

– في مطحنة التوابل أو أي مطحنة متوفرة نقوم بطحن الارز شوية بشوية ولانقوم بوضع كمية كبيرة من الارز حتي نستطيع طحنه جيدا.

– نقوم بنخله في مصفأة سلك والمتبقي في المصفاة نعيد طحنه مرة أخري وهكذا حتي يتم طحن كل كمية الارز.

 

اللحم المستخدم في عمل كفتة الارز

يفضل أن يكون من قطعية جيدة مثل وش الفخدة ويكون لحم احمر به نسبة بسيطة من الدهون، ونطلب من الجزار أن يقوم بفرمه مرتين.

الخضرة المستخدمة في عمل كفتة الارز

قليل من الشبت والبقدونس مع حزمة كبيرة من الكسبرة الخضراء نقوم بغسلهم وتصفيتهم جيدا من الماء ثم نزيل العروق ونقوم بتقطيعهم بحجم صغير.

البصل والثوم المستخدمين في كفتة الارز

بصلتين متوسطين الحجم وحوالي 8 فصوص من الثوم أو ما يعادل ملعقة كبيرة  نقوم بفرمهم جيدا حتي يسهل خلط كل المكونات مع بعضها.

 

– في محضرة الطعام نضيف البصل المفروم والخضرة المقطعة صغيرا مع الثوم المفروم، ونقوم بخلطهم جيدا، ثم نضيف اللحم، ونخلط مرة أخري حتي تمتزج كل المكونات.

– نضع الخليط في بولة كبيرة ونضيف عليها الارز المطحون والتوابل ونخلط جيدا با أيدينا حتي تمتزج كل المكونات.

– نقسمها ونضع كل جزء منها في محضرة الطعام ونخلط جيدا حتي تتكون عجينة ناعمة، ونكرر خلط حتي تنتهي كل كمية الكفتة.

– اصبحت الآن الكفتة جاهزة للتشكيل، قوامها مظبوط جدا ناعمة ومش بتلزق في الايد ولونها كمان حلو جدا، المقادير المستخدمة

مظبوطة جدا وهتطلع نتيجة الكفتة رائعة.

– هنحتاج طبق بها قليل من الزيت ندهن أيدينا بها خفيف ثم ناخد كمية متوسطة من العجينة، ونكورها بين أيدينا حتي يخرج من الهواء، ثم نشكلها علي شكل اصابع أو كور متوسطة الحجم.

– نحاول واحنا بنشكل أن حجم الكفتة يكون كله واحد.

– عند التشكيل ممكن نصبعها بين أيدينا أو علي الرخامة أو صينية حتي يسهل تشكيلها.

– هنكون مجهزين حلة فيها زيت علي النار هنضيف كمية كويسة من الكفتة ونضيفها سريعا حتي تأخذ كلها لون واحد.

– بعد ثواني نبدا بالتقليب المستمر حتي تحمر وتأخذ كلها لون ذهبي حلو.

– نطلعها علي شبكة أو مصفأة، ونكمل بنفس الطريقة تحمير باقي كمية الكفتة.

– بعد التحمير ممكن نحتفظ بجزء منها في الفريزر نتركها تبرد ونضعها في اكياس أو علب الفريزر محكمة الغلق، ثم نضعها في الفريز ووقت الاستخدام نطلعها علي الصلصة علي طول.

هنعمل دلوقتي شوية من الكفتة بصوص الطماطم

– في حلة علي نار وسط هنضع معلقتين من السمن او اللية، نتركها تسيح ثم نضيف بصلة متوسطة، نتركها تشوح قليلا ثم نضيف ملعقة صغيرة ثوم مفروم، نشوحها قليلا ريحة الثوم تطلع ثم نضيف عصير الطماطم حوالي كوبيتين و صلصة الطماطم والتوابل، نقلبهم جيدا ونظبط طعم الملح ثم نغطيها وتهدأ درجة الحرارة حتي تتسبك.

– نضيف كوب من الشوربة أو الماء ونتركهم حتي تغلي ثم نضيف الكفتة ونقليها جيدا مع الصوص ونتركها تغلي غلوتين اتنين فقط، منسبهش كتير علي النار.

– نطفأ عليها وتقدم ساخنة جنب رز ابيض او رز بالشعرية.

ومن الممكن إضافة مكعبات من البطاطس مع الكفتة، نقطع البطاطس مكعبات متوسطة الحجم ثم نحمرها في الزيت نص تحميرة فقط، ثم نضيفها مع الكفتة علي صوص الطماطم.

وبكده تكون خلصت وصفتنا، طبق شهي جدا وسهل ومكوناته كمان بسيطة جدا ونتيجته اكتر من رائعة.

اتمني تجربوها ويعجبكم وبالف هنا علي قلوبكم