طريقة عمل شاورما دجاج وصوص الثومية الرهييييب

999

 ما هي طريقة عمل شاورما دجاج وصوص الثومية

شاورما دجاج

تحصير شاورما الدجاج بطريقة سهلة وسريعة في البيت

 

تعتبر الشاورما من أكثر الوجبات الشائعة السريعة، والمحببة لدي الكثيرين.

وتعد من أهم الاطباق الرئيسية المحببة لدينا جميعا، يفضلها الكبير والصغير.

وهي من أكثر الوجبات الشائعة في الوطن العربي.

وتعتبر الشاورما طبق شرق أوسطي، يعود أصولها الي بلاد الشام والدولة العثمانية.

تعد الشاورما بطرق كثيرة، وعادة ما تكون من اللحم الضأن او اللحم البقري أو لحم الدجاج.

يدخل في اعداد الشاورما الكثير من الخضروات والبهارات الذي تزيد من القيمة الغذائية والسعرات الحرارية لها.

تعد الشاورما بنوعين، بالدجاج او اللحم.

شاورما الدجاج او اللحم وهي عبارة عن قطع دجاج او لحم متبلة بتتبيلة مميزة، لذيذة الطعم تقدم مع الثومية والبطاطس المحمرة.

وافضل طريقة لتحضير الشاورما سواء لحم او دجاج علي سيخ عمودي وتوضع قطع اللحم فوق بعضها وهذا الوضع يحافظ علي الدهون والسوائل الموجودة في اللحم علي عكس وضعها بشكل أفقي يجعلها تفقد الكثير من السوائل والنكهات.

كثير من الناس يعتقد أن الشاورما يصلح تناولها اثناء اتباع الحميات الغذائية، وهذا أمر يمكن أن يصبح صحيحا إذا أعدت في المنزل،

 واعدت بتتبيلة صحية مكونة من زيت زيتون وليس زيت ملئ بالدهون المشبعة الضارة والسعرات الحرارية العالية، فيبلغ عدد

 السعرات في ساندويتش شاورما واحد ما يزيد عن 600 سعر حراري وتعتبر نسبة عالية جدا مدمرة للصحة.

يوجد الكثير من المطاعم لا تلتزم بالمعايير الصحية وتضع مواد ضارة بصحة الإنسان.

وبذلك تتميز الشاورما المعدة في المنزل بدهون صحية، ونسبة عالية من البروتينات الموجودة في الدجاج أو اللحوم، وبها نسبة من

 الفيتامينات والمعادن المفيدة والهامة لجسم الانسان.

ووجود الخضروات بها مثل الفلفل الرومي والطماطم وانواع كثيرة ممكن اضافتها، مما يجعل من الشاورما المعدة في المنزل افضل

 كثيرا من الشاورما الموجودة في المطاعم.

ومع الشاورما نقدم الثومية أو الطحينة المعدة في المنزل بطعم مميز جدا، وتعطي الشاورما طعم ومذاق لذيذ جدا.

ويقدم معها البطاطس المحمرة المقرمشة.

وتوضع الشاورما في عيش الصاج أو عيش التورتيلا أو العيش الشامي أو الفينو.

لكن عند اتباع الحمية يفضل اكلها بدون عيش أو مايونيز.

ولذلك نقدم لكم في هذه المقالة الشاورما بطريقة سهلة وبسيطة.

جربوها فهي وصفة من الوصفات التي  تستحق التجربة.تابعو الفديو في اخر المقال شرح بالتفصيل لست البيت, ولا تنسو متابعة

 المدونة, والاشتراك بالقناة جيهان عزب

مكونات شاورما الدجاج بطريقة سهلة وسريعة

مكونات شاورما الدجاج

1 – 1 كيلو صدور الدجاج

2 – ملعقه كبيره ثوم مفروم 

3 – نصف كوب زيت زيتون او ( زيت نباتي ) 

4 – عصير 2 ليمونه لو الحجم صغير لو الحجم كبير 1 ليمونه

5 –  4 أو 5 ملاعق كبار ممتلئه زبادي 

6 – ملعقه صغيره صوص حار أو هريسه الشطه ( اختياري ) 

7 – توابل ( ملعقه صغير كل من ملح _ كمون – بصل بودر – سماق) 

8 – ملعقه كبيره ( كسبره ناشفه – بابريكا ) 

9 – نصف ملعقه صغيره ( فلفل اسود – حبهان مطحون – زنجبيل بورد – قرفه) 

10 – رشه من ( القرنفل – جوزه الطيب )

طريقه التحضير شاورما الدجاج 

 

اول حاجة هنعملها هنجهز تتبيلة الدجاج

في بولة هنضيف الزيت وعليه الزبادي والثوم والليمون والشطة وهنضيف كل التوابل.

التوابل هي أساس الشاورما اللي بتديها المذاق المميز.

نخلط المكونات كلها مع بعض جيدا، ثم نضيف اليها الدجاج بعد تقطيعه شرايح متوسطة الحجم.

نقلب الدجاج في التتبيلة كويس جدا كل قطعة من الدجاج تتغلف بالتتبيلة.

هنغطيها ونتركها في الثلاجة تتشرب من التتبيلة اقل حاجة 3 ساعات، وكل ما تقعد في التتبيلة فترة أطول بيبقي طعمها احلي بكتير، ممكن نعملها من قبلها بليلة ونضعها في الثلاجة.

هنطلع الدجاج من الثلاجة بعد ما اتشرب من التتبيلة كويس جدا.

 

طريقة تسوية شاورما الدجاج 

 

 

الطريقة الأولي في الفرن 

1 – هنفرد قطع الدجاج في صينية، وهنكون مسخنين الفرن علي درجة 200، هندخل الصينية في الرف الأقرب للنار، عايزين الصينية اول ما تدخل الفرن الدجاج يخد صدمة ومينزلش ميته ويحتفظ بالسوائل بداخله.

2 – كل شوية هنطلع الصينية من الفرن نقلب الشاورما ونرجع ندخلها تاني، لحد ما قطع الدجاج تستوي كويس وتخد لسعة حلوة في الزيت.

الطريقة التانية علي النار 

1 – طاسة علي نار عالية، نضع فيها قليل من الزيت و هنسيبها تسخن كويس، ثم نضع فيها قطع الدجاج، اهم حاجة منحطش كمية كبيرة في الطاسة، ونفردها كويس في الطاسة، مش عايزين قطع الدجاج تبقي فوق بعضها، ومنقلبش في الاول خالص لحد ما تخد لسعة من تحت ولونها يغييير من علي الوش نبتدي نقلبها، وبالطريقة مش هتنزل ميتها وهتبقي طرية، ومنزودش عليها اوي في التسوية عشان متنشفش.

2 – اول ما لونها يغيير نقلبها تقلبتين بس تتشوح عشان متنشفش، نرفع اللي استوي من الطاسة، ونكرر بنفس الطريقة لحد ما نخلص كل الكمية.

 

3 – هنجمع الكمية كلها في الطاسة مرة تانية نشوحها مع بعض تشويحة سريعة، وقبل مانقفل علي طول هنضيف دبس الرمان، وديه مهمة جدا لانها بتدي طعم حلو جدا للشاورما، هنقلب قطع الدجاج مع الشاورما تقلبتين ونقفل النار علي طول.

لو عايزين ندي الشاورما طعم الشوي 

1 – ممكن نسخن فحمة علي النار ونحط ورقة فويل أو طبق في نص الشاورما ونضع فيها الفحمة بعد ما سخنت كويس جدا ونضيف عليها ملعقة زيت صغيرة ونغطيها علي طول، ونسيبها تتشرب من ريحة الفحم وتدينا طعم الشوي.

2 – نترك الشاورما علي جنب شوية ونعمل صوص الثومية، ممكن نعمله اثناء تسوية الشاورما، أو نعملها والشاورما بتتبل ونحطها في الثلاجة.

طريقة عمل صوص الثومية 

الطريقة الأولي بالنشا علي النار

1 – في اناء طهي هنضع الميه وعليها النشا، نقلبهم الاول كويس علي البارد النشا تذوب في الميه، ثم نرفعها علي النار مع التقليب المستمر، الي أن تتماسك ويصبح قوامها تقيل.

2 – نطفئ عليها ونتركها علي جنب تهدأ شوية.

3 – في الخلاط الكهربائي هنضيف الزيت والميه والثوم والليمون، هنخلطهم الاول لوحدهم كويس جدا قوامهم يبقي كريمي وخفيف شوية، ثم نضيف عليهم خليط النشا بعد ما برد شوية والملح، ونرجع نخلط تاني المكونات كلها مع بعضها، الي أن تتجانس وتكون خليط كريمي ناعم مثل المايونيز.

4 – لو لقينا الخليط تقيل اوي ممكن نزود شوية صغيرة من الميه نخفف بيها، ونظبط طبع الملح والليمون.

5 – نفضيها في طبق أو برطمان ونتركها علي جنب أو في الثلاجة لحين الاستعمال.

الطريقة التانية بالمايونيز علي البارد

1 – في بولة هنضع المايونيز وعليه الزبادي والطحينة والليمون والثوم والملح، نخلطهم مع بعض كويس جدا المكونات كلها تمتزج مع بعضها ويكون قوامها كريمي وخفيف زي المايونيز بالظبط.

2 – كده كل حاجة بقت جاهزة معانا، نبتدي نحط الشاورما في العيش.

3 – ممكن نستعمل العيش السوري أو عيش التورتيلا أو العيش الشامي أو ممكن حتي نستعمل العيش الفينو.

4 – بندهن الاول العيش بالثومية ونضع عليها الشاورما وخيار مخلل وممكن خس أو طماطم وممكن بطاطس محمرة وعلي الوش نحط صوص حار أو صوص الثومية أو كاتشاب. 

غيروا في الاضافات زي ما يعجبكم وزي ما بتحبوا طعم الشاورما.

5 – وبعد ما نخلص السندوتشات ممكن نحطها في طاسة أو ممكن نعملها في التوستر أو علي الجريل، استعملوا اي طريقة تعجبكم، المهم نحمر العيش كويس يخد اللون الذهبي الحلو ويبقي مقرمش من بره وطري من جوه.

تتقدم وهي ساخنة مع بطاطس محمرة ومخلل وبالف هنا علي قلوبكم

بالهنا والشفا
5/5 (1 Review)

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد