اكلات صحية
صينية القرنبيط في الفرن بالخضار والبشاميل واللحمة المفرومة
النهاردة هعمل معاكم صينية القرنبيط بطريقة حلوة وسهلة جدا من غير قلي ولا تحمير في الزيت، هنعملها في الفرن بطريقه حلوه جدا وبطعم أكثر من رائع، هتاكلوا احلى صينيه قرنبيط ممكن تكون جربتوها قبل كده
يلا بينا نبتدي بس الاول نشوف المكونات اللي هنحتاجها
مكونات صينية القرنبيط ⬇️
- قرنبيط
- 3 ملاعق كبيرة حليب بودرة
- ملعقة صغيرة ملح
- 3 ملاعق كبيرة دقيق
- 2 حبة بيض
- ملح وفلفل
صوص اللحمة المفرومة ⬇️
- نص كيلو لحمة مفرومة
- بصلة متوسطة الحجم
- طماطم
- فلفل ألوان
- ملح وفلفل
صوص البشاميل⬇️
- 2 ملعقة كبيرة سمن
- 2 ملعقة كبيرة دقيق
- 2 كوب حليب
- ملح وفلفل
ولمعرفة تفاصيل اكثر عن الوصفة والمكونات يمكنكم متابعة الفيديو ⬇️
طريقة سلق القرنبيط ⬇️
- اول حاجة نجيب القرنبيط ونغسله جيدا
- نراعي عند شراء القرنبيط أن تكون طازة ولونها فاتح
- نقسمها الاول الي وردات كبيرة الحجم
- ثم نقطع العروق كبيرة الحجم منها
- ونقطع الكمية كلها لوردات صغيرة
- وفي حله على النار فيها مياه بتغلي
- ثم نضيف عليها ملعقه صغيرة من الملح
- و 3 ملاعق كبيرة ممتلئة من اللبن البودره
- في حالة عدم وجود لبن بودرة ممكن نستخدم نصف كوب من الحليب
- وجود الحليب في مرحلة السلق بيعطي طعم ومذاق مميز جدا القرنبيط
- نخلط المكونات كلها جيدا
- ثم نضع فيها وردات القرنبيط
- و نقلب القرنبيط في الماء
- واول ما تبدأ في الغليان نهدئ عليها النار ونغطيها ونتركها من 8 ل 10 دقائق
- الي أن تستوي نص سوي وعند الضغط علي العروق بالشوكة تدخل بسهولة
- نطفئ النار عليها، ونصفيها
نتركها حتي تصفي تماما من الماء وفي ذلك الوقت نحضر صوص اللحم
تحضير صوص اللحم ⬇️
- طاسة عميقة على النار نتركها تسخن جيدا
- ثم نضيف فيها نص كيلو من اللحم المفروم، ممكن استخدام اقل او اكثر
- نترك اللحم علي نار عالية حتي يأخذ صدمة ويحتفظ بالسؤال داخله
- ثم نضيف علي اللحم نصف ملعقه صغيره من الملح والفلفل الاسمر
- الفلفل بيعطي للحم رائحه حلوه جدا وقت تشويحها، والملح بيساعد اللحم أنها تفك بسهولة
- نتركها تتشوح حتي تأخذ كلها لون واحد
- ثم نضيف عليها بصلة متوسطة مفرومة
- نشوح البصل مع اللحم تشويحة بسيطة
- ثم نضيف 1حبة طماطم كبيرة مقطعة مكعبات صغيرة
- وفلفل الوان تقريبا نص واحدة من كل نوع متقطعة مكعبات صغيرة
- نقلب المكونات كلها مع بعضها ونتركهم يتشوحوا قليلا
- ثم نغطيها ونتركها علي نار هادئة المكونات كلها تتسبك مع بعضها
- مع مراعاة عدم تركها علي النار فترة طويلة حتي نحافظ علي قرمشة الخضار
شاهدي بالفيديو: طريقة عمل الأرز المبهر باللحمة والخضار والنكهات الأسيوية
طريقة تحضير القرنبيط ⬇️
- بعد تصفية القرنبيط تماما من الماء
- نضيف عليه 2 حبة بيض
- ونصف ملعقه صغيرة من الملح ونصف ملعقه صغيره من الفلفل الاسود
- 3 ملاعق كبيرة ممتلئة من الدقيق، ليمتص اي سوائل زيادة في القرنبيط
- وبالهاند بلندر أو محضرة الطعام نخلط كل المكونات مع بعضها جيدا حتي تصبح ناعمة وطرية مثل البطاطس البيوريه
- نتركها جانبا ونحضر صوص البشاميل
تحضير صوص البشاميل ⬇️
- في حلة علي النار نضع 2 ملعقة كبيرة من السمن
- وعليهم 2 ملعقة كبيرة من الدقيق
- نقلب الدقيق في السمن جيدا حتي يستوي ويأخذ لون ذهبي خفيف
- البشاميل المظبوط لابد أن يكون الدقيق سائح في السمن وليس متكتل وللحصول علي افضل نتيجة وضع السمن اد كمية الدقيق وممكن إضافة قليل من الزيت مع السمن
- وتراعي أيضا عدم تحمير البشاميل فترة طويلة حتي لا يغمق لونه
- ثم نضيف عليه 2 كوب من الحليب
- ونصف ملعقة صغيرة من الملح ونصف ملعقه صغيره من الفلفل الاسود
- نضيف الحليب مع التقليب المستمر حتي لا يتكون كتل في الدقيق
- نقلب حتي يغلي ويصبح قوامه كريمي وناعم وليس به أي كتل
- القوام المطلوب البشاميل قوام متوسط ليس خفيف ولا تقيل
وكده كل حاجة بقت جاهزة البشاميل استوي وصوص اللحمة المفرومة أصبح جاهز والقرنبيط أيضا جاهز، نبدأ في تجهيز الصينية
طريقة تجهيز طبقات القرنبيط ⬇️
- صينية مناسبة لكمية القرنبيط
- نضع اول طبقة جزء خفيف من البشاميل يغطي قعدة الصينية
- ثم نقسم كمية القرنبيط الي نصين
- نضع النصف الأول في قعدة الصينية ونفرده جيدا
- ثم نضع كمية حشوة صوص اللحم كله في الوسط ونوزعها جيدا
- وعليها ممكن نضيف قليل من البشاميل
- ثم نضع عليها النصف التاني من خليط القرنبيط ونفرده جيدا يغطي الحشوة كلها
- وعلي الوجه نضع بقية كمية البشاميل كلها تغطي الوجه كله
- وممكن إضافة جبن شيدر أو موتزريلا علي الوجه لتعطي طعم لذيذ وطبقة تحمير حلوة علي الوجه
تسوية صينية القرنبيط ⬇️
- ثم ندخلها فرن ساخن مسبقا علي درجة 200 نضعها في الرف الاوسط، تأخذ تقريبا من 20 ل 30 دقيقة
- نتركها المكونات كلها تسخن مع بعضها وتأخذ لون ذهبي حلو من علي الوجه
- هي كل حاجة فيها مستوية مش هتحتاج وقت أطول من كده
- ممكن اذا احتاجت في الاخر نفتح عليها الشواية تأخد لون ذهبي خفيف من علي الوجه
نقطعها ونقدمها وهي ساخنة على طول
بتطلع كريمية جدا وطعمها رائع
وهي ساخنة بتكون كريمية وسايحة كلها جوه بعضها وبيكون طعمها رهييييب
لكن اللي بيحبها تكون قطعة متماسكة نتركها تبرد قليلا وتصبح دافئة وقتها يسهل تقطيعها قطع سليمة
وصفة سهلة وبسيطة وافضل بكتير من قلي القرنبيط في الزيت
خفيفة وطعمها رائع جربوها هتعجبكم جدا وبالف هنا علي قلوبكم مقدما
ولمعرفة تفاصيل اكثر عن الوصفة والمكونات يمكنكم متابعة الفيديو
