طريقة عمل سلطة المكرونة في البيت بسهولة وفي أسرع وقت

424

هنعمل النهاردة سلطة من اطعم والذ السلطات الباردة اللي ممكن تدوقوها وهي سلطة المكرونة للناس اللي بتحب السلطة وعايزة حاجات سهلة وسريعة وخفيفة دي افضل اختيار ليهم وتنفع كمان وجبة كاملة للكبار والصغار.

تعتبر كمان من السلطات اللي ممكن نجهزها من قبلها ووقت التقديم نحط عليها الدريسنج علي طول.

طريقة عمل سلطة المكرونة

يلا بينا نبتدي في شرح الوصفة بالتفصيل بس الأول نشوف المكونات اللي هنحتاجها

مكونات سلطة المكرونة ⬇️

  • 2 كوب مكرونة 250 جرام
  • فلفل الوان واحدة من كل نوع
  • نص كوب زيتون اسود واخضر
  • فاصوليا حمراء
  • ذرة حلوة
  • جزر
  • بصل اخضر
  • كوب زبادي الحجم الصغير 110 جرام
  • بنفس كوب الزبادي نضع مايونيز
  • ملعقة صغيرة مستردة
  • ملعقة كبيرة خل تفاح او خل ابيض
  • عصير ليمونة كبيرة
  • 2 ملعقة كبيرة زيت زيتون
  • ملعقة صغيرة ثوم مفروم ناعم
  • 2 ملعقة كبيرة ممتلئة عسل
  • ملعقة صغيرة ملح
  • رشة فلفل اسود

لتزين الوجه ⬇️

  • جزر مبشور
  • بصل اخضر
  • رمان

طريقة تسوية المكرونة ⬇️

  • اول حاجة هنعملها هنسلق المكرونة
  • حلة علي النار فيها ميه بتغلي نضيف فيها ملعقة كبيرة من الملح، مع مراعاة عدم إضافة زيت حتي يلتصق الصوص بالمكرونة عند اضافته عليها
  • و نتركها الي ان تستوي مثل ما مكتوب علي العبوة، مع مراعاة أن نقلل وقت التسوية عن الوقت اللي مكتوب دقيقة أو اتنين
  • مش عايزينها مستوية اوي، يفضل يكون فيها سنة قرمشة بسيطة بيبقي طعمها احلي
  • نصفيها ونشطفها بالميه الباردة علي طول حتي  نوقف تسويتها
  • نتركها جانبا تبرد تماما ونجهز بقية المكونات اللي هنحتاجها

تحضير بقية الخضار ⬇️

  • الخضار في الشتاء بيبقي رائع طازة وألوانه حلوة ومبهجة وبيبقي جميل جدا
  •   هنضيف في السلطة ديه شوية خضار حلويين
  • نأخذ فلفل الوان واحدة من كل لون احمر واخضر واصغر
  • ونقطعهم مكعبات حجمها متوسط أو شرائح رفيعة
  • قطعوها زي ما تحبوا
  • وهنبشر كمان معاهم جزرة أو اتنين
  • وممكن كمان نحط بصل اخضر نقطعه قطع صغيرة بيعطي طعم رائع للسلطة
  •  بس يفضل تقطيع البصل اخر حاجة وخصوصا الجزء الأبيض حتي نحافظ علي رائحته الحلوة
  • كده خلاص جهزنا الخضار اللي محتاجينه

نبدأ في تجهيز احلي وأطعم والذ صوص ممكن تحطوه علي السلطة ديه، وممكن ايضا تعتمدوه صوص لكل السلطات

طريقة تحضير الصوص ⬇️

  •  هنحتاج كوب  زبادي، استعملت الكوب الحجم الصغير ال 110 جرام
  • وبنفس مقدار الكوب نضع المايونيز
  • اللي حابب يزود المايونيز اكتر من الزبادي أو الزبادي اكتر من المايونيز زي ماتحبوا
  • ونضيف أيضا ملعقة صغيرة من المستردة
  • و2 أو 3 فصوص من الثوم فرمتهم ناعم
  • وعصير ليمونة كاملة لو الليمون صغير نضيف اتنين
  • وملعقة كبيرة من خل التفاح
  • و2 ملعقة كبيرة ممتلئة من زيت الزيتون
  • واخر مكون وبيفرق جدا في طعم الصوص 2 أو 3 ملاعق كبيرة ممتلئة أو ثلاثة من العسل، بيعطي مذاق طيب للسلطة
  • ونص ملعقة صغيرة من الملح
  • ورشة من الفلفل الاسود
  • نخلط كل المكونات مع بعضها  جيدا ونظبط الطعم لو محتاجين نزود ملعقة عسل او عصىرة لمون
  • وفي حالة الصوص لو كان سميك ممكن اضافة ملعقة أو ملعقتين من الحليب الصوص حتي يصبح قوام الصوص مظبوط

وكده كل حاجة بقت جاهزة نبدأ في رص طبقات السلطة

تابعي أيضاً: طريقة عمل سلطة كول سلو في البيت أحسن من المطاعم وفي أسرع وقت

طريقة تقديم سلطة المكرونة ⬇️

  • في طبق التقديم
  • نضع المكرونة بعد ما بردت واتصفت من ميتها تماما
  •  وعليها هنضيف كل المكونات اللي قطعناها الفلفل الألوان
  • وشوية من الزيتون الأخضر والاسود
  • والجزر المبشور
  •  والبصل الاخضر
  • ونصف كوب من الفاصوليا الحمراء
  • ونصف كوب من الذرة الحلوة
  • وعليهم نضع تلت تربع كمية الصوص
  • نصفيهم من اي سوائل فيهم قبل اضافتهم
  •  ونقلب كله مع بعضه جيدا
  • الصوص بنضيف قبل التقديم مباشر
  • اي حاجة مش موجود من المكونات ديه ممكن تستغنوا عنها عادي جدا

و ممكن كمان لوحابين تضيفوا عليها تونة او سلامي ونعتبرها وجبة كاملة

ونضع علي الوجه بقيت كمية الصوص

ونزينها بشوية من الجزر المبشور أو البصل الاخضر

ونزين الوجه في الاخر خالص بالرمان الرمان بيعطي  السلطة مزازة وطعم حلو اوي

 

لمعرفة اي تفاصيل اكثر عن الوصفة والمكونات يمكنكم متابعة الفيديو

سلطة لذيذة جدا وطعمها رائع جربوها هتعجبكم جدا وبالف هنا علي قلوبكم مقدما

بالهنا والشفا

0/5 (0 Reviews)

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد