طريقة عمل الحواوشي بالخلطة السرية للمحلات وبكل تكاته

الحواوشي بالخلطة السرية، هذا الاسم الذي يثير الحماس في قلوب عشاق الطعام المصري، يعد واحدًا من أشهر الأطباق التي تقدم في شوارع مصر. يتميز الحواوشي بنكهته الغنية ومكوناته البسيطة التي تجتمع معًا لتقديم تجربة طعام مميزة. في هذا المقال،

سنأخذكم في رحلة لاكتشاف كيفية إعداد الحواوشي بالطريقة التقليدية، مع الحفاظ على أصالة الطعم وجودة المكونات. سنتعرف على الخطوات الأساسية لتحضير هذا الطبق الشعبي، بدءًا من اختيار اللحم المناسب وحتى الخبز الطازج الذي يحتضن الحشوة اللذيذة. فتابعوا معنا لتعلم كيف تصنعون الحواوشي الأصيل في مطبخكم

طريقة عمل الحواوشي بالخلطة السرية للمحلات وبكل تكاته

طريقة عمل الحواوشى مثل المحلات

مكونات عمل الحواوشي بالخلطة السرية

 كيلو لحمه مفرومه

بصل

حبيتن فلفل رومي

فلفل حار (اختياري)

طماطمية واحدة مبشورة

قطعة ليه مفرومة

مكونات بهارات  الحواوشي

ملعقه صغيره من ( ملح _ فلفل اسمر _ كسبره ناشفه _ ثوم بودره _ بصل بودره _ زنجبيل _ قرفه _ شطه _ نصف ملعقه سكر _ نصف ملعقه صغيره من الكبيبه الصيني)   وكيس من بهارات الحواوشي أو بديله ملعقة كبيرة ممتلئة دقيق

– اول حاجة هنعملها هنضيف اللحمة المفرومة وعليها البصل، كمية البصل اللي هنستعملها ممكن تكون من نص كيلو لحد كيلو بصل علي كيلو من اللحمة المفرومة

– عليهم هنضيف قطعة اللية المفرومة، والفلفل الرومي والفلفل الحار، والطماطم والتوابل كلها.

– لو موجود توابل الحواوشي ممكن نضيف منها معلقة كبيرة، لكن لو مش متوفرة هنضيف ملعقة كبيرة من الدقيق.

– هنقلب المكونات كلها مع بعض كويس جدا، ثم نخلطها في محضرة الطعام الي أن تتماسك مع بعضها وتصبح مثل العجينة متشابكة ومتماسكة مع بعضها.

– نتركها ترتاح في الثلاجة نص ساعة.

– زي ماحشوة الحواوشي مهمة، العيش كمان مهم جدا، مهم أننا نطلبه من المخبز يكون نص سوي، ويكون ليه سمك شوية مش خفيف اوي عشان ميتهريش  من اللحمة.

– هنفتحه من اعلي فتحة صغيرة علي اد ما نقدر ندخل فيها اللحمة

– نضع في كل رغيف عيش كمية كويسة من اللحمة، ونفردها فيه كويس اوي، ونحط في الاطراف برضه كمية كويسة من اللحمة منسبهش فاضية.

– نخلص حشو الكمية كلها.

– بفرشاة ندهن وش وظهر رغيف العيش بكمية بسيطة من الزيت أو الزيت علي السمن.

طريقة تسوية الحواوشي بالخلطة السرية

الطريقة الاولي

– هنضع طاسة علي النار ونضع فيها العيش، النار بتكون عالية اول دقيقة، ثم نهديها علي أقل در زمنجة، وكل شوية نقلب العيش علي الجهة التانية، وممكن نغطيها عشان تستوي كويس.

– نتركها علي نار هادئة الي أن ينضج اللحم والعيش يتحمر ويخد اللون الذهبي الحلو.

الطريقة التانية 

– التسوية في الفرن وبنفس الطريقة هندهن العيش من الجهتين، ونرصه في صاج وندخله فرن متوسط، ونضعه في الرف الأقرب للنار، وكل شوية نقلبه علي الجهة الأخري.

الي أن ينضج اللحم ويحمر العيش جيدا.

– التسوية في الفرن بتخد كمية أكبر من التسوية علي النار.

والطريقتين نتيجتهم ممتازة من حيث تسوية اللحم وتحميص العيش.

لكن يظل التسوية علي البوتجاز هي الافضل، اللحم مستوي كويس والعيش واخد تمحيصة وقرمشة من بره حلوة اوي وفي نفس الوقت من جوه طري جدا.

الحواوشي يتقدم وهو ساخن مع بطاطس محمرة وسلطة طحينة.

وجبة لذيذة جدا وفي الوقت سريعة.

ممكن تجهيز اللحم وتتبيله جيدا ووضعه بداخل العيش وتغليفه جيدا ووضعه في الفريزر لحين الحاجة له.

نطلعه قبل الاستخدام بفترة بسيطة ونتركه يفك قليلا، ثم نسويه بنفس الطريقة السابقة.

وجوده بالطريقة ديه هيسهل علينا في الوقت والمجهود.

تكاية كده من اسرار المحلات

– لو عايزين ندي الحواوشي ريحة الشوي علي الفحم، هنسخن فحمة علي النار كويس جدا، وهنجمع كمية الحواوشي كلها في صينية أو حلة، ونحط الفحمة في ورقة فويل في وسط الحواوشي ونضع علي الفحمة ملعقة صغيرة من الزيت، ونغطي الحلة علي طول عشان الحواوشي كله يخد من ريحة الشوي.

وصفة حلوة جدا وحقيقي تستحق التجربة