من عجينة واحدة وبنص كيلو من الدقيق هنعمل تشكيلة معجنات هشة وطرية من جمالها هتدمنوا طعمها!!..
بخطوات سهلة وبسيطة هتبقي أستاذة في عمل المخبوزات
هنعمل افضل عجينة تنفع بيتزا وفطائر محشية وسادة … ممكن نعمل منها ساليزونات اعياد الميلاد وتجمعات الأسرة والاصحاب
عجينة شاملة لكل انواع المخبوزات والمعجنات هشة وطرية زي القطن وطعمها رائع 👌
مكونات نص كيلو دقيق ⬇️
– نص كيلو دقيق 4 اكواب
– 3 ملاعق كبيرة ممتلئة زبدة ربع كوب
– ملعقة كبيرة ممسوحة خميرة
– كوب حليب
– 1 حبة بيض
– ربع كوب ماء
– 2 ملعقة كبيرة ممتلئة سكر
– نص ملعقة صغيرة ملح
مكونات كيلو دقيق ⬇️
– كيلو دقيق 8 اكواب
– 2 كوب حليب
– نص كوب ماء
– 2 حبة بيض
– ملعقة كبيرة ممتلئة خميرة ( كيس خميرة)
– ربع كوب سكر
– نص كوب زبدة طرية + ملعقة كبيرة
– ملعقة صغيرة ملح
* مراعاة أن كل المكونات بحرارة الغرفة
لمعرفة معلومات اكثر عن المخبوزات بالتفصيل مع طريقة عمل تشكيلة مختلفة من البيتزا والفطائر سادة ومحشية وطريقة فرد الكرواسون وحشوه وانواع أخري مختلفة في الفيديو في اللينك ده ⬇️
الطريقة ⬇️
ـ اول خطوة نختبر الخميرة … نضع كيس الخميرة وربع كوب سكر علي نصف كوب ماء دافئ مع مراعاة أن الماء يكون دافئ زي دمعة العين نخلطهم جيدا وتغطيه ثم نتركهم 5 أو 10 دقائق الخميرة تتفاعل
– في طبق عميق أو في العجان نضع الدقيق ونضيف عليه الملح نخلطهم الاول جيدا، ثم نضيف 2 حبة بيض بحرارة الغرفة والخميرة بعد ما تفاعلت, والحليب الدافئ هنضيف نص الكمية والباقي هنضيفه شوية بشوية واحنا بنعجن
– نعجن جيدا حتي تندمج المكونات مع بعضها، ثم نضيف الزبدة ونكمل عجن مدة لا تقل عن 10 دقائق حتي تصبح العجينة ملساء وطرية وبتلزق بسيط اوي
– الزبدة بتعطي العجينة طرواة وطعم لذيذ جدا في حالة عدم وجود الزبدة ممكن تضيفوا معلقه كبيرة ممتلئة من القشطه البلدي
– بعد مانلم العجينه ندهنها زيت خفيف ونغطيها جيدا ونتركها ف مكان دافي حتي تختمر أو يتضاعف حجمها
– نخرج منها الهواء ونقسمها الي كرات علي حسب الاستخدام
– ودلوقتي تقدروا تعملوا منها بيتزا أو اي معجنات أو مخبوزات
– وفي حالة وجود عجينه زياده بعد ماتخمر جيدا ممكن نحفظها ونضعها في الفريزر، ووقت الاستخدام نخرجها قبلها بوقت طويل تفك تماما ونعجنها لمدة دقيقة فقط، هتلاقوه بقت طرية كأنها لسه طازة ونتركها تخمر ويتضاعف حجمها مرة أخري
- و اعملوا منها بيتزا وفطاير ومخبوزات رووووووعة
وبالف هنا علي قلوبكم مقدما
