حلويات
اسهل واحلي جلاش حلو ممكن تعملوه وفي 5 دقائق سهل وسريع 😋😋
✨✨يلا بينا نبدا وصفتنا بطريقة سهلة وسريعة (جلاش حلو)، ومش بتاخد وقت نهائي، ونفس الوقت الطعم جميل هنعملها سادة وهنسقيها بالحليب اللي بيخلي طعمها كأنها محشية قشطة او كريمة بتبقي روووعة👌🏻❤️🔥
*** مكونات جلاش حلو 📝⬇️
- لفة جلاش ( نأخذ منها علي اد حجم الصينية)
- 2 كوب حليب
- 1 كوب وربع لكوب ونص سكر
- معلقة صغيرة فانيليا
- ربع او نصف كوب سمن
- قشطة أو كريمة (اختياري )
- مكسرات ( اختياري )
لمعرفة تفاصيل اكثر عن الوصفة يمكنكم متابعة الفيديو ⬇️
*** طريقة تحضير الحليب بالسكر ⬇️
- في اناء عميق نضع 2 كوب من الحليب
- و نضع عليهم 1 كوب ونص من السكر
♕(لو حابين الطعم مسكر اكتر نضع 2 كوب من السكر لكن لو حابين سكر اقل نضع 1كوب وربع من السكر فقط )
- ثم نقوم بتقليب السكر ونرفعه علي النار
- و ننتظر الحليب يغلي ثم نقوم بتهدئة النار ونتركه من 5 ل 6 دقائق الحليب والسكر يعقدوا مع بعض شوية
- وفي الاخر نضع عليه 1 معلقة صغيرة من الفانيليا ثم نطفئ النار
♕ملحوظة ( لو عايزين القوام وطعم كريمي ومتوفر عندكم قشطة نقوم بوضع من 2 الي 3 معالق كبار من القشطة او الكريمة)
- ثم نتركه حتي يبرد ونقوم بتحضير الجلاش
طريقة تجهيز طبقات الجلاش الحلو ⬇️
تابعوا أيضاً: طريقة عمل الجلاش الحلو بالحليب هنسقيه وباحلي طعم ومذاق مختلف هتدوقيه
- نحضر لفة الجلاش
- نقوم بتجهيز صينية حجمها مناسب لكمية الجلاش بحيث يكون سمك طبقة الجلاش متوسط وليس سميك
- ندهنها جيدا بالسمن
- ثم نحضر الورق ونفرد اول كام ورقة علي ان يكون طرفهم خارج الصينية ونضع باقي الورق عليهم
- ممكن اضافة اي حشوة اختياري مكسرات أو طبقة من كريمة المهلبية
- وعندما ننتهي من فرد الورق نقوم بادخال الاطراف للداخل ونترك ورقتين في الاخر لكي نغطي بيهم باقي ورق الجلاش كله
- و بسكينة حامية نقوم بتقطيع الجلاش بالشكل المفضل و المستحب لكم
- ونحضر 3 أو 4 معالق كبيرة ممتلئة من السمن وندفيهم ونسقي بيهم صنية الجلاش ونتاكد ان السمن يوصل لكل اطراف الصنية من الجوانب و المنتصف ، ونتأكد ان السمن دخل بين فتحات الورق، يغطي الطبقات كلها
التسوية ⬇️
- ثم ندخلها فرن ساخن مسبقا علي درجة حرارة 200
- ونترك الصينية إلي أن تستوي جيدا من الداخل و تتحمر من فوق واسفل
- ثم نخرجها و نسقيها بالحليب البارد مباشرة الذي قمنا بتحضيره سابقا
♕ملحوظة (الجلاش يكون سخن والحليب بارد زي ما بنعمل في الشربات بالظبط ونرجع ندخلها الفرن مرة اخري علي طول ويكون الفرن مغلق ونتركها 10دقائق لكي تتشرب الحليب جيدا)
ملحوظة ⬇️
لو عايزينها تكون طرية نسقيها بالحليب وهو دافي ونغطيها ….. لكن لو عايزينها مقرمشة بسيط من علي الوش نسقيها بالحليب البارد ومنغطيهش …. وفي الحالتين ندخلها الفرن ويكون مطفي ونسيبها 10 دقاىق تتشرب الحليب.
و لو حابين الطعم كريمي وغني أكثر ممكن نضيف معلقتين أو ثلاثة كبار من القشطة بتاعت وش اللبن أو نص كوب من الكريمة هتفرق جدا في طعم الجلاش.
تابعوا أيضاً: طريقة عمل الجلاش بالجبنة
التقديم ⬇️
- نقوم باخراجها من الفرن ونقطعها ونقدمها وهي باردة او دافئة.
- ونزينها بالمكسرات أو جوز الهند أو نتركها سادة كما هي الحشوة ديه اختياري
♡♡جربوها هتعجبكم جدا وبالف هنا علي قلوبكم مقدما♡♡
